សន្តិសុខសង្គម

ជនសង្ស័យម្នាក់ទៀតប្លន់ឧកញ៉ា អ៊ាន សៀវម៉ី ត្រូវសមត្ថកិច្ចឃាត់ខ្លួន នៅខេត្តបាត់ដំង

បានផុស

៣ years មុន

នៅ

ថ្ងៃសុក្រ ២៤ ធ្នូ ២០២១

ដោយ

ជនសង្ស័យម្នាក់ទៀត ដែលបានប្លន់ឧកញ៉ា អ៊ាន សៀវម៉ី ត្រូវសមត្ថកិច្ចឃាត់ខ្លួន នៅខេត្តបាត់ដំងកាលពីថ្ងៃទី២៣ ខែធ្នូម្សិលមិញនេះ។

ជនសង្ស័យមានឈ្មោះ នេត ផៃមុនី ភេទប្រុស អាយុ៤២ឆ្នាំ មានទីលំនៅភូមិព្រែករទាំង សង្កាត់ ព្រែកកំពឹស ខណ្ឌដង្កោ រាជធានីភ្នំពេញ រួមនិងម៉ូតូ ០១គ្រឿង ម៉ាក ហុងដា ឃ្លិច ពណ៌ខ្មៅលាយក្រហម សេរីឆ្នាំ២០១៩ ពាក់ស្លាកលេខ កណ្តាល 1AB-4235 កាលពីថ្ងៃទី២៣ ខែធ្នូ ឆ្នាំ២០២១ វេលាម៉ោង១៣ និង០០នាទី ស្ថិតនៅចំណុចចំណតរថយន្ត ភូមិមោង ឃុំមោង ស្រុកមោងឫស្សី ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង័្សយរូបនេះមានសកម្មភាពពាក់ព័ន្ធករណីលួចមានស្ថានទម្ងន់ទោស (ប្លន់ទ្រព្យសម្បត្តិ) ក្នុងលំនៅដ្ឋានរបស់អ្នកលក់ឡេ អ៊ាន សៀវម៉ី កាលពីថ្ងៃ១៩ ខែធ្នូ ឆ្នាំ២០២១ នៅសង្កាត់ចោមចៅទី០១ ខណ្ឌពោធិ៍សែនជ័យ រាជធានីភ្នំពេញ ហើយរត់គេចខ្លួនពីការតាមប្រម៉ាញ់របស់សមត្ថកិច្ចនៅទីនោះមកដល់ទឹកដីខេត្តបាត់ដំបង។

តាមប្រភពពីសមត្ថកិច្ចដែលអនុវត្តការងារនេះបានឱ្យដឹងថា មុខសញ្ញាឈ្មោះ នេត ផៃមុនី រូបនេះហើយគឺជាអ្នកស្លៀកពាក់ឯកសណ្ឋានបន្លំជាសមត្ថកិច្ចមានកាន់ក្រដាស់ដីកាក្លែងក្លាយហើយចូលធ្វើសកម្មភាពនៅថ្ងៃកើតហេតុនោះ ក្រោមកិច្ចបញ្ជាដឹកនាំផ្ទាល់ពីឈ្មោះ សុខ សុវណ្ណវឌ្ឍនាសាប៊ុង ហៅ វីល្លៀមគ័ង William Guang។

ក្រោយពេលឃាត់ខ្លួនជនសង្ស័យត្រូវបានប្រគល់ជូនទៅកម្លាំងនាយដ្ឋានព្រហ្មទណ្ឌ នៅថ្ងៃខែឆ្នាំដដែល កាលពីវេលាម៉ោង១៣ និង៣០នាទី ដើម្បីចាត់ការតាមនីតិវិធីច្បាប់៕

អត្ថបទ៖ រ៉ាវុទ្ធ