Connect with us

សន្តិសុខសង្គម

ឃាត់ខ្លួន​ក្រុមអ្នកញុះញង់​ប្រមូលផ្ដុំ ២ នាក់ទៀត នៅ​មុខណាហ្គាវើលដ៍​ តាម​ដីការ​តុលាការ

បានផុស

នៅ

សមត្ថកិច្ចនៃស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី០៤ បានឃាត់ខ្លួនមនុស្ស២នាក់ទៀតដែលពាក់ព័ន្ធនឹងការញុះញង់ឱ្យមានការប្រមូលផ្តុំតវ៉ាដោយខុសច្បាប់ នៅមុខក្រុមហ៊ុនណាហ្គាវើលដ៍ ទៅតាមដីការបស់តុលាការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសទាំងពីរនាក់មាន ឈ្មោះ សុខ ណារិទ្ធ និងម្នាក់ទៀតឈ្មោះ សុខ គង្គា ពួកគេស្ថិតនៅក្នុងចំណោមមនុស្ស ៩នាក់ ដែលត្រូវបានអយ្យការអមសាលាដំបូងរាជធានីភ្នំពេញ ចោទប្រកាន់ពីបទ «ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» តាមមាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌព្រះរាជាណាចក្រកម្ពុជា។

ក្នុងចំណោមជនត្រូវចោទ៩នាក់នោះ មាន៦នាក់ ត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ សម្រេចឃុំខ្លួន នៅថ្ងៃទី០៣ ខែមករា ម្សិលមិញ ខណៈសមត្ថកិច្ចកំពុងតាមស្វែងរកតាមចាប់ខ្លួន អ្នករៀបចំបាតុកម្មម្នាក់ទៀត ឈ្មោះឈឹម ស៊ីថរ។

លោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាន នគរ​បាល​​រាជធានីភ្នំពេញ បានបញ្ជាក់ថា មុនពេលឈានដល់ការចាប់ខ្លួន ក្រុមអ្នកញុះញ៉ង់នេះ គឺរដ្ឋបាលរាជធានីភ្នំពេញ បានណែនាំជាច្រើនជាច្រើនសារ ឲ្យពួកគេបញ្ឈប់សកម្មភាពដោយខុសច្បាប់នេះជាបន្ទាន់ ដោយត្រឡប់មកធ្វើសកម្មភាព ដែលស្របច្បាប់ និងអនុវត្តតាមលិខិតបទដ្ឋានគតិយុត្ត ដែលមានជាធរមាននៅកម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម