សន្តិសុខសង្គម
អភិបាលខណ្ឌទួលគោក ទប់ស្កាត់ដុតផាវ ឬបង្កសំឡេងផ្ទុះ និងដាក់វេនការពារសន្តិសុខ នៅថ្ងៃបុណ្យចូលឆ្នាំចិន វៀតណាម
ភ្នំពេញ៖ អភិបាលនៃគណៈអភិបាលខណ្ឌទួលគោក លោក ជា ពិសី បានជំរុញឱ្យអាជ្ញាធរ ដូចជាកម្លាំងមានសមត្ថកិច្ច ទប់ស្កាត់នូវការដុតផាវ កាំជ្រួច ឬបង្កសំឡេងផ្ទុះគ្រប់ប្រភេទ និងបានជំរុញឱ្យអាជ្ញាធរ កម្លាំងមានសមត្ថកិច្ចដាក់វេនប្រចាំការជារៀងរាល់ថ្ងៃ ដើម្បីការពារសន្តិសុខជូនប្រជាពលរដ្ឋ ខណៈពួកគាត់ចាកចេញពីលំនៅដ្ឋាន ទៅដើរលេងកម្សាន្តក្នុងឱកាសនៃពិធីបុណ្យចូលឆ្នាំចិន វៀតណាម ខាងមុខ។
ការជំរុញនេះបានធ្វើឡើងនៅក្នុងកិច្ចប្រជុំសាមញ្ញលើកទី ៣២ របស់ក្រុមប្រឹក្សាខណ្ឌទួលគោក នាព្រឹកថ្ងៃទី ២៨ ខែមករា ឆ្នាំ ២០២២ នេះ នៅសាលាខណ្ឌទួលគោក ក្រោមវត្តមានលោក ម៉ែន សិរី ប្រធានក្រុមប្រឹក្សាខណ្ឌ,
សមាជិកក្រុមប្រឹក្សា និងមានការចូលរួមពីមន្ត្រីក្រោមឱវាទជាច្រើនរូបទៀត។
លោក ជា ពិសី បានមានប្រសាសន៍ថា ពិធីបុណ្យចូលឆ្នាំ ចិន វៀតណាម មិនមានអនុក្រឹត្យណាមួយ ណែនាំឱ្យមន្ត្រីរាជការឈប់សម្រាកនោះទេ ដូច្នេះយើងត្រូវមកបំពេញការងារជាធម្មតា ហើយឱ្យកាន់តែខ្លាំងក្លាជាងមុនថែមទៀត ដោយសារតែយើងជាមន្ត្រីរាជការ បម្រើប្រជាពលរដ្ឋដោយភាពស្មោះត្រង់។
លោកស្នើឱ្យអាជ្ញាធរមានសមត្ថកិច្ចទាំងអស់ ត្រូវពង្រឹងកិច្ចការពារសន្តិសុខ ជូនប្រជាពលរដ្ឋឱ្យបានល្អបំផុត ពោលគឺ ត្រូវដាក់វេនគ្នាប្រចាំការ ការពារសន្តិសុខនៅពេលដែលបងប្អូនប្រជាពលរដ្ឋ បិទទ្វារចាក់សោទៅដើរលេងកម្សាន្តនៅតាមបណ្ដាខេត្តផ្សេងៗ។ ក្នុងនាមអាជ្ញាធរ កម្លាំងមានសមត្ថកិច្ចត្រូវមើលការខុសត្រូវលើបញ្ហានេះ ពិសេស គឺការពារឱ្យបាននូវនូវចោរលួចគាស់ផ្ទះ ដើម្បីឱ្យប្រជាពលរដ្ឋទទួលបាននូវភាពកក់ក្តៅពីយើង។ បន្ថែមពីនេះទៀត ត្រូវធ្វើការផ្សព្វផ្សាយទៅដល់ប្រជាពលរដ្ឋចៀសវាងឱ្យបាននូវការដុតផាវ កាំជ្រួច ឬបង្កសំឡេងផ្ទុះគ្រប់ប្រភេទ និងការចាក់ធុងបាស់ឮៗជាដើម ក្នុងឱកាសពិធីបុណ្យចូលឆ្នាំ ចិន វៀតណាម ដែលបង្កឱ្យប៉ះពាល់ដល់សិទ្ធិអ្នកដទៃ។
ពាក់ព័ន្ធនឹងបញ្ហាអគ្គីភ័យ លោក ជា ពិសី បានណែនាំដល់អាជ្ញាធរសង្កាត់ ១០ ត្រូវធ្វើការផ្សព្វផ្សាយឱ្យប្រជាពលរដ្ឋ បង្ការទប់ស្កាត់ ធ្វើយ៉ាងណាកុំឱ្យមានគ្រោះអគ្គិភ័យកើតឡើង ពិសេសគឺត្រូវប្រុងប្រយ័ត្នទៅលើភ្លើង ធូប ទៀន និងខ្សែភ្លើងផ្សេងៗ ដែលបង្កឱ្យមានហានិភ័យនៃអគ្គីភ័យនេះ។ បន្ថែមពីលើនេះទៀត ពាក់ព័ន្ធការពារការរីករាលដាលនៃជំងឺកូវីដ-១៩ ត្រូវតែអនុវត្តជាប្រចាំ ពិសេសត្រូវអនុវត្តឱ្យបាននូវវិធានរបស់ក្រសួងសុខាភិបាល និងការអនុវត្តឱ្យបាននូវអនុសាសន៍ ៣កុំ៣ការពារ៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ