សន្តិសុខសង្គម

បុរសម្នាក់ឆក់កាបូបលុយប្រជាពលរដ្ឋ ត្រូវសមត្ថកិច្ចឃាត់ខ្លួន

បានផុស

២ years មុន

នៅ

ថ្ងៃអាទិត្យ ៦ កុម្ភៈ ២០២២

ដោយ

កម្លាំងអធិការដ្ឋាននគរបាលក្រុងបានលុង ឃាត់ខ្លួនជនសង្ស័យម្នាក់ ពាក់ព័ន្ធករណីឆក់កាបូបលុយរបស់ប្រជាពលរដ្ឋកំពុងធ្វើដំណើរនៅលើដងផ្លូវលំមួយកន្លែង។

ឃាត់ខ្លួនជនសង្ស័យខាងលើនេះ បានធ្វើឡើងនៅ វេលាម៉ោង ២ និង ៣០ នាទីរសៀល កាលពីថ្ងៃទី ៥ ខែកុម្ភៈ ឆ្នាំ ២០២២ ត្រង់ចំណុចផ្លូវខាងក្រោយវិទ្យាល័យហ៊ុនសែនភូមិថ្មី ស្ថិតនៅក្នុងភូមិអូររមៀត សង្កាត់ឡាបានសៀក ក្រុងបានលុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា បន្ទាប់ពីប្រជាពលរដ្ឋបានរាយការណ៍តាមទូរសព្ទថា មានចោរឆក់កាបូបលុយ ភ្លាមនោះកម្លាំងសមត្ថកិច្ចបានចុះមកស្រាវជ្រាវ និងឈានរកមុខសញ្ញាឃើញ ក្នុងនោះដោយមានការសម្របសម្រួលនីតិវិធីពីលោក កែវ ភក្តី ព្រះរាជអាជ្ញារងអមសាលាដំបូងខេត្ត។ សមត្ថកិច្ចបានបញ្ជាក់ថា ជនសង្ស័យឈ្មោះ ដង់ កន្តាន់ (ហៅ ក្តាន់) ភេទប្រុស អាយុ ២៦ ឆ្នាំ ជនជាតិខ្មែរ មានទីលំនៅភូមិធួយ ឃុំចាអ៊ុង ស្រុកអូរជុំ ខេត្ត តនគិរី មុខរបរធ្វើចម្ការ ក្រោយឃាត់ខ្លួនសមត្ថកិច្ចបានធ្វើតេស្តទឹកនោមរកសារធាតុញៀនលទ្ធផលវិជ្ជមាន។

បច្ចុប្បន្នជនសង្ស័យ ត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលក្រុងបានលុង ដើម្បី បំពេញសំណុំរឿងបញ្ជូនទៅអយ្យការអមសាលាដំបូងខេត្តចាត់វិធានការទៅតាមនីតិវិធី៕

អត្ថបទ៖ វុទ្ធឦសាន

Related Topics:ករណីឆក់