Connect with us

សន្តិសុខសង្គម

សមត្ថកិច្ចខេត្តកែប បង្ក្រាបបទល្មើសគ្រឿងញៀន ឃាត់ខ្លួនជនសង្ស័យ ៨ នាក់

បានផុស

នៅ

ខេត្តកែប៖ សមត្ថកិច្ចនគរបាលជំនាញគ្រឿងញៀន នៃស្នងការដ្ឋាននគរបាលខេត្តកែប សហការជាមួយកម្លាំងនគរបាល នៃអធិការដ្ឋាន ក្រុងកែប បានបង្ក្រាប បទល្មើសគ្រឿងញៀនមួយករណី ដោយឃាត់ខ្លួនជនសង្ស័យបាន ៨នាក់ រួមនឹងវត្ថុតាងមួយចំនួន។ ការបង្ក្រាបនេះធ្វើនៅភូមិកែប សង្កាត់កែប ក្រុងកែប ខេត្តកែប នៅថ្ងៃទី ២៥ ខែ មីនាឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សូ បញ្ញា ស្នងការរងនគរបាលខេត្តកែប ទទួលផែនបទល្មើសប្រឆាំងគ្រឿងញៀន បានឱ្យដឹងថា ដោយបានការឯកភាពពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប និងការសម្របសម្រួលនីតិវិធី ពីលោក ខាន់ សុផល ព្រះរាជអាជ្ញា នៃអយ្យការ អមសាលាដំបូងខេត្តកែប បានចាត់បញ្ជាឱ្យកម្លាំងជំនាញនៃការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាល ក្រុងកែប ដឹកនាំដោយលោក វរសេនីយ៍ទោ សូ បញ្ញា ស្នងការរង ទទួលផែនការងារប្រឆាំង គ្រឿងញៀន បានបេីកកិច្ចប្រតិបត្តិការចុះបង្ក្រាប ករណីជួញដូរដោយខុសច្បាប់ នូវសារធាតុញៀនចំនួន ១ ករណី ឈានទៅឃាត់ខ្លួនជនសង្ស័យបានចំនួន ៨ នាក់ ដកហូតវត្ថុតាង ថ្នាំញៀនចំនួន ៣ កញ្ចប់ ទម្ងន់ ៩,៧២ ក្រាម ម៉ូតូ ៥ គ្រឿង និងទូរស័ព្ទ ៧ គ្រឿង។

លោកវរសេនីយ៍ទោ សូ បញ្ញា បានបញ្ជាក់ទៀតថា គោលដៅទី១ នៅចំណុចមុខរូបសំណាកស្រីស ស្ថិតនៅភូមិ/សង្កាត់កែប ក្រុងកែប ខេត្តកែប ឃាត់ខ្លួនបាន ២ នាក់ ទី១ ឈ្មោះ រស់ ឡាដាំង ភេទប្រុស អាយុ ៣៩ ឆ្នាំ មុខរបរទិញអេតចាយ (ជាអ្នកជួញដូរ) ២ ឈ្មោះ សុឹមចាន់ណា ភេទប្រុស អាយុ ១៧ ឆ្នាំ មុខរបរកសិករ (ប្រើប្រាស់) អ្នកទាំងពីររស់នៅភូមិកែប សង្កាត់កែប ក្រុងក្រុង ខេត្តកែប។ ដកហូតវត្ថុតាង ថ្នាំញៀន ១ កញ្ចប់តូច ទូរស័ព្ទ ១ គ្រឿង និងម៉ូតូ២គ្រឿង។

គោលដៅទី២ ក្រោយពីឃាត់ខ្លួន និងសួរចម្លើយរួច នៅវេលាម៉ោង ៦ ល្ងាច ថ្ងៃខែឆ្នាំដែល កម្លាំងបានបន្តទៅឃាត់ខ្លួនមុខសញ្ញាបាន ២ នាក់ទៀត នៅផ្ទះជនសង្ស័យ ឈ្មោះ ហ៊ីម ឌុលឡា ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប។ឃាត់ខ្លួន ១ ឈ្មោះ ហ៊ីម អាប់ឌុលឡោះ ភេទប្រុស អាយុ ៣៧ ឆ្នាំ មុខរបរកសិករ មានទីលំនៅភូមិថ្មី សង្កាត់ព្រៃធំ ក្រុងកែប ខេត្តកែប (រក្សាទុកជួញដូរ)។ ២ ឈ្មោះ ចន ម៉ី ភេទប្រុស អាយុ ២២ ឆ្នាំ មុខរបរកម្មករសំណង់ រស់នៅភូមិកែវក្រសាំង សង្កាត់កែប ក្រុងកែបខេត្តកែប (ប្រើប្រាស់)។ ដកហូតវត្ថុតាង ថ្នាំញៀន ៣ កញ្ចប់ ទម្ងន់ ៩,៧២ ក្រាម ម៉ូតូ ១ គ្រឿង និងទូរស័ព្ទ ២ គ្រឿង។

លោក សូ បញ្ញា បានបញ្ជាក់បន្ថែមថា គោលដៅទី៣ ក្រោយពីឃាត់ខ្លួនជនសង្ស័យខាងលើ សមត្ថកិច្ចបន្តចាប់ខ្លួនមុខ សញ្ញាប្រើប្រាស់គ្រឿងញៀនបានចំនួន ៤ នាក់ទៀត ១ ឈ្មោះ អ៊ុយ ចាន់ឆាយ ភេទប្រុស អាយុ ៤៥ ឆ្នាំ មុខរបរលក់មីឆារ ២ ឈ្មោះ សេក សុវណ្ណ ភេទប្រុស អាយុ ២៩ ឆ្នាំ មុខរបរ ជាងផ្សារដែក អ្នកទាំងពីរមានទីលំនៅភូមិកែប សង្កាត់កែប ក្រុងក្រុប ខេត្តកែប ៣ ឈ្មោះ ឡេង យ៉ាងកែវ ភេទប្រុស អាយុ ៣១ ឆ្នាំ មុខរបរកសិករ មានទីលំនៅ ភូមិថ្មីសង្កាត់ព្រៃធំ ក្រុងក្រុង ខេត្តកែប ៤ ឈ្មោះ ម៉ក់ សួនវិបុល ភេទប្រុស អាយុ ៣០ ឆ្នាំ មុខរបរលក់ម្ហូប មានទីលំនៅ ភូមិកែវក្រសាំង សង្កាត់កែប ក្រុងកែប ខេត្តកែប។

បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចជំនាញគ្រឿងញៀនកសាងសំណុំរឿង ដើម្បីបញ្ជូនទៅសាលាដំបូងខេត្តកែប ចាត់ការតាមនីតិវិធីច្បាប់៕

អត្ថបទ៖ សេង ណារិទ្ធ

Helistar Cambodia - Helicopter Charter Services
Sokimex Investment Group
សន្តិសុខសង្គម២ ម៉ោង មុន

ជនបរទេស១៣នាក់ ត្រូវ​ឃាត់​ខ្លួន​ក្នុង​ប្រតិបត្តិការ​បង្រ្កាបបទ​ល្មើស​តាម​ប្រព័ន្ធ​បច្ចេកវិទ្យា នៅសៀមរាប

ព័ត៌មានជាតិ៣ ម៉ោង មុន

លោកសន្តិបណ្ឌិត ឆៃ ស៊ីណារិទ្ធ អនុញ្ញាតឱ្យ ឯកអគ្គរដ្ឋទូតឥណ្ឌូនេស៊ី ចូលជួបសម្តែងការគួរសម

សន្តិសុខសង្គម៤ ម៉ោង មុន

ទីតាំង​ហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម

ព័ត៌មានជាតិ៤ ម៉ោង មុន

មណ្ឌល​ប្រឡង​ភ្នំពេញ​ មាន​បេក្ខជន​ប្រឡង​ជាប់​ឌីប្លូម​ជាង​១ម៉ឺន៥ពាន់នាក់ ស្មើនឹងជាង៩០%

សន្តិសុខសង្គម៥ ម៉ោង មុន

គណៈបញ្ជាការ​ឯកភាព​រដ្ឋបាលខេត្តមណ្ឌលគិរី ចុះ​បង្ក្រាប​ទីតាំង​អនឡាញមួយ​កន្លែង ឃាត់​ជនសង្ស័យ​១៤៩នាក់​

ព័ត៌មានអន្ដរជាតិ១៧ ម៉ោង មុន

មេភូមិភាគ២ថៃ ប្រកាសលែងចាំស្តាប់បញ្ជារដ្ឋា​ភិបាលក្រុងបាងកកទៀតហើយ រឿងឆ្លើយតបជាមួយកម្ពុជា

ព័ត៌មានជាតិ៦ ម៉ោង មុន

អាជ្ញាធរ​​ស្នើ​​អ្នក​បត់​ជើង​តូច​នៅ​​ជិតច្រកចេញ​មុខ​ប្រលាន​យន្តហោះ ចូល​ខ្លួន​សុំ​ទោស​ជា​សាធារណៈ

ព័ត៌មានអន្ដរជាតិ៩ ម៉ោង មុន

ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?

ព័ត៌មានអន្ដរជាតិ១២ ម៉ោង មុន

ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ

ព័ត៌មានអន្ដរជាតិ១៧ ម៉ោង មុន

អ្នកស្លាប់​ព្រោះភ្លៀង​ធ្លាក់​ខ្លាំង​៥ថ្ងៃជាប់គ្នានៅ​កូរ៉េ​ខាង​ត្បូង កើនដល់ ១៤​នាក់ និង​បាត់ខ្លួន ១២នាក់

Sokha Hotels

ព័ត៌មានពេញនិយម