Connect with us

សន្តិសុខសង្គម

សកម្មភាព​លក់សាច់សត្វព្រៃ​នៅតែ​បន្ត​នៅខេត្តស្ទឹងត្រែង​មិនរអែងសមត្ថកិច្ច

បានផុស

នៅ

ឈ្មួញលក់សាច់សត្វព្រៃនៅផ្សារសាមគ្គីស្ទឹងត្រែងជាមុខសញ្ញាចាស់រាប់ឆ្នាំមកហើយ ដែលធ្លាប់ធ្វើកិច្ចសន្យាផ្តិតមេដៃថាឈប់លក់ តែរហូតមកដល់ពេលបច្ចុប្បន្ននេះនៅតែបន្តលក់ជារៀងរហូត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាច់សត្វព្រៃរស់ និងងាប់ត្រូវឈ្មួញប្រមូលទិញយកមកស្តុបតាមផ្ទះ សត្វរស់គេលក់ទៅឱ្យក្រុមឈ្មួញ នៅតាមបណ្ដាខេត្តនានា និងសាច់ងាប់គេដាក់តាំងលក់ដោយចំហរនៅតាមជួរបន្លែ ត្រី សាច់ នៅជុំវិញបវេណផ្សារសាមគ្គីខេត្ត សឹ្ទងត្រែង ដោយមិនខ្លាចញ​ញើត​សមត្ថកិច្ច​ពាក់ព័ន្ធបន្តិចណាសោះឡើយហាក់បីដូចជាគេត្រូវដងត្រូវផ្លែគ្នាអស់ទៅហើយ។

ការបង្រ្កាបសាច់សត្វព្រៃរស់ និងងាប់នៅផ្សារសាមគ្គីគ្រាន់តែដូចជាការវែកចកអញ្ចឹងចាប់ពេលព្រឹកល្ងាចលក់វិញ ហើយអ្នកលក់នោះសុទ្ធសឹងតែជាមុខសញ្ញាចាស់ ដែលសមត្ថកិច្ចធ្លាប់បង្រ្កាបនិងធ្វើកិច្ចសន្យារួចហើយតែរហូតមកដល់ពេលនេះ មុខសញ្ញាលក់សត្វព្រៃរាប់ឆ្នាំទាំងនេះ នៅតែបន្តលក់ជាធម្មតាដោយមិនខ្វល់ពីសមត្ថកិច្ចនោះឡើយ។

តាមការបង្ហើបពីអ្នកបន្លែនៅក្នុងសារសាមគ្គីបាននិយាយថា:រាល់ការបង្ក្រាបរបស់សមត្ថកិច្ចដូចជាគ្មានប្រសិទ្ធភាពនោះទេ មុនពេលសមត្ថកិច្ចជំនាញចុះមកគេបានឃើញអ្នកលក់សាច់សត្វព្រៃយកសាច់ទុកអស់ទើបមមេព្រៃចុះមកដល់ ហាក់បីដូចជាមាន ផ្ទៃក្នុងប្រាប់មុនបាត់ទៅហើយ។ 

ទាក់ទងក្នុងករណីខាងលើនេះ លោក អន ចាន់ សុជាតិនាយខណ្ឌរដ្ឋបាលព្រៃឈើខេត្តបានប្រាប់អ្នកយកព័ត៌មានថា រៀងរាល់ពេលមន្រ្តីរបស់លោករៀបចំកម្លាំងចុះបង្រ្កាបក្រុមឈ្មួញលក់ដូរសាច់សត្វព្រៃម្តងៗ ក្រុមអ្នកលក់ទាំងនោះ តែងតែដឹងខ្លួនជាមុន ពេលទៅដល់មិនឃើញមានដាក់លក់ឡើយ។

លោកថាបើទោះបីយ៉ាងណាក៏ដោយករណីនេះ លោកនិងធ្វើការចុះស្រាវជ្រាវរកមុខអ្នកពាក់ព័ន្ធនៅពីក្រោយខ្នង ក្រុមឈ្មួញលក់ដូរសាច់សត្វព្រៃខុសច្បាប់នេះ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ១៦ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ៥៤ នាទី មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

ព័ត៌មានអន្ដរជាតិ៥៦ នាទី មុន

មកដឹងចំនួនពលករ ថៃ ត្រៀមចំណាកស្រុកទៅធ្វើការនៅ កូរ៉េខាងត្បូង ឆ្នាំនេះ

ព័ត៌មានជាតិ១ ម៉ោង មុន

យុវជនសង្គមស៊ីវិល ជួបពិភាក្សាជាមួយតំណាងក្រសួងព័ត៌មាន លើកិច្ចការសង្គម និងព័ត៌មាន

Sokha Hotels

ព័ត៌មានពេញនិយម