សន្តិសុខសង្គម
សមត្ថកិច្ចឃាត់ខ្លួនក្មេងទំនើង៥នាក់ ករណីបំផ្លាញទ្រព្យសម្បត្តិអ្នកដទៃ និងប៉ុនប៉ងបង្ករបួសស្នាម
កំពង់ឆ្នាំង ៖ ក្មេងទំនើងមួយក្រុមមានគ្នា៥ នាក់ ត្រូវបានសមត្ថកិច្ចឃាត់ខ្លួននឹងបានកសាងសំណុំរឿងបញ្ជូនទៅតុលាការនៅថ្ងៃទី២១ ខែសីហា ឆ្នាំ ២០២២នេះ បន្ទាប់ពីពួកគេ បាននាំគ្នាយកដុំថ្ម និងកាំបិត ប្រើហឹង្សាកាប់របងចូលក្នុងស្ថានីយ៍លក់ប្រេងមួយកន្លែងក្នុងភូមិចុងកោះ សង្កាត់ផ្សារឆ្នាំងក្រុងកំពង់ឆ្នាំង កាលពីម៉ោង ១៧: ៣០ នាទីល្ងាច ថ្ងៃទី ១៩ ខែសីហា ឆ្នាំ២០២២។
សមត្ថកិច្ចបានឲ្យដឹងថា មុនពេលកើតហេតុ ក្មេងទំនើងមួយក្រុមបានចូលទៅសួរជនរងគ្រោះឈ្មោះ លឹម យូអ៊ី ភេទប្រុស អាយុ៥២ឆ្នាំ មានទីលំនៅភូមិចុងកោះ សង្កាត់ផ្សារ ឆ្នាំង ក្រុងកំពង់ឆ្នាំង បម្រើការងារក្នុងស្ថានីយ៍លក់ប្រេងខាងលើដោយបានសួរថា «មានជេរមេម៉ែអញអត់?» ជនរងគ្រោះឆ្លើយថាអត់បានជេរទេ។ ខណៈក្រុមក្មេងទំនើងក៏ត្រឡប់ទៅវិញ មួយសន្ទុះក្រោយមកក៏លើកគ្នាមកជាច្រើននាក់ ជិះម៉ូតូ០៥គ្រឿ ង ក្នុងដៃមានកាន់ដុំថ្ម និងកាំបិតកាប់របងស្ថានីយ៍លក់ប្រេងបំណងចូលទៅកាប់ចាក់លើជនរងគ្រោះ។
ក្នុងហេតុការណ៍នោះ ជនរងគ្រោះ ក៏បានរាយការណ៍ជាបន្ទាន់ ទៅសមត្ថកិច្ច ក្រោយពីទទួលបានបណ្តឹងពីជនរងគ្រោះសមត្ថកិច្ចនគរបាលអធិការដ្ឋានក្រុងកំពង់ឆ្នាំង សហការជាមួយសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលខេត្ត បានចុះមកកន្លែងកើតហេតុ និងបានឃាត់ខ្លួនជនសង្ស័យ ០៥នាក់គឺ ៖
១, ឈ្មោះ ភឿន វណ្ណនឿន ភេទ ប្រុស អាយុ ១៨ឆ្នាំ ទីលំនៅភូមិ ស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។ ២, ឈ្មោះ ខៀវ សុ វណ្ណនី ភេទប្រុស អាយុ ១៤ឆ្នាំ ទីលំនៅភូមិត្រពាំងបី សង្កាត់ផ្សារឆ្នាំង ។ ៣, ឈ្មោះ ខុម វ៉ាយុ ភេទប្រុស អាយុ ១៧ឆ្នាំ ទីលំនៅភូមិស្រែព្រីង សង្កាត់កំពង់ឆ្នាំង។
៤, ឈ្មោះ ជឹម គឹមឡេង ភេទប្រុស អាយុ ១៧ឆ្នាំ ទីលំនៅភូមិម៉ុងបារាំង សង្កាត់ប្អេរ ។ ៥, ឈ្មោះ និន មិនា ភេទប្រុស អាយុ ២០ឆ្នាំ ទីលំនៅភូមិត្រពាំងបី សង្កាត់ផ្សារឆ្នាំង។
វត្ថុតាងដែលបានដកហូតរួមមានកាំបិតកកុក ០៣, កាំបិតប៉័ងតោ ០១, ជំពាមកៅស៊ូ ០១, គ្រាប់ជំពាម ០៦គ្រាប់(គ្រាប់ថ្ម), ស្លាកលេខម៉ូតូចំនួន ០១សន្លឹក (ស្វាយរៀង 1Q- 3651) ម៉ូតូ ០៣គ្រឿង(ម៉ាកហុងដាឌ្រីម ០២គ្រឿង សេរីឆ្នាំ២០២០ គ្មានស្លាលេខ និងសេរីឆ្នាំ២០២១ ស្លាកលេខ កំពង់ឆ្នាំង 1L-0773 និង០១គ្រឿងទៀតម៉ាក វីនន័រ ពណ៍ទឹកក្រូចសេរីឆ្នាំ២០១៧ ស្លាកលេខ ភ្នំពេញ 1BG-5983 ។ ចំណែកបក្សពួកមួយចំនួនទៀតបានរត់គេចខ្លួនអស់។
សមត្ថកិច្ចបានបញ្ជាក់ឲ្យដឹងថាជន សង្ស័យទាំង ០៥នាក់ ដែលបានឃាត់ខ្លួន ត្រូវបានកសាងសំណុំរឿងចោទប្រកាន់ពីបទហឹង្សាដោយចេតនាមានស្ថានទម្ងន់ទោស និងធ្វើឱ្យខូចខាតដោយចេតនា ដោយត្រូវបញ្ជូនខ្លួននិងវត្ថុតាង ទៅកាន់តុលាការខេត្តចាត់ការបន្តតាមនិតិវិធី ៕
អត្ថបទ៖ ឈៀង ថារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន