ក្រុមហ៊ុនទ្រី ភាព បានប្រកាសជូនដំណឹង​ជុំវិញការប្រើប្រាស់រំសេវគ្រឿងបំផ្ទុះ សម្រាប់បំផ្ទុះបំបែកថ្មសំណង់នៅតំបន់កោះទន្សាយដែលមានទីតាំងស្ថិតក្នុងភូមិកែប សង្កាត់កែប ក្រុងកែប ខេត្តកែប។​

ក្រុមហ៊ុន ទ្រី ភាព កោះទន្សាយរីសតបញ្ជាក់ថាខ្លួន​ទទួលបានការអនុញ្ញាតពីគណៈកម្មាធិការ​វិនិយោគកម្ពុជា ដើម្បីរៀបចំគម្រោងអភិវឌ្ឍន៍កោះទន្សាយ ប៉ុន្តែដោយទីតាំងលើកោះទន្សាយ​ភាគច្រើនសម្បូរទៅដោយផ្ទាំងថ្ម ទើបក្រុមហ៊ុនមានការស្នើសុំទៅដល់ ក្រសួងរ៉ែ និងថាមពល ដើម្បីប្រើប្រាស់រំសេវគ្រឿងផ្ទុះ។

​សម្រាប់ការបំផ្ទុះបំបែកថ្មគឺចាប់ពីថ្ងៃចន្ទដល់ថ្ងៃព្រហស្បតិ៍ចន្លោះពីម៉ោង ៩ ព្រឹកដល់ម៉ោង ៣ រសៀល មុននិងធ្វើការបំផ្ទុះ ក្រុមហ៊ុននឹងបន្លឺសំឡេងស៊ីរ៉ែន​ជាសញ្ញាក្នុងរយៈពេល១០នាទីម្តង ចំនួន៣ដង៕

អត្ថបទ៖ សឹង រ៉ាត់