សន្តិសុខសង្គម
ដុតកម្ទេចចោលរថយន្ដកែច្នៃ ០២ គ្រឿង លួចដឹកឈើនៅខេត្តក្រចេះ
រថយន្តសាំយ៉ុងកែច្នៃ ២ គ្រឿង ដឹកឈើចេញពីតំបន់ព្រៃឡង់ ស្រុកសំបូរ ខេត្តក្រចេះ ឆ្ពោះទៅខេត្តកំពង់ចាម ត្រូវបានកម្លាំងកងរាជអាវុធហត្ថខេត្តក្រចេះ សហការជាមួយកម្លាំងកងរាជអាវុធហត្ថខេត្តកំពង់ចាមធ្វើការបង្ក្រាបបាន។ ដោយខុសពីពេលមុនៗ ឈើប្រគល់ជូនទៅសមត្ថកិច្ចជំនាញរក្សាទុក ប៉ុន្តែរថយន្តត្រូវសមត្ថកិច្ចរឹបអូសនិងយកទៅកម្ទេចចោល។
ការកម្ទេចចោលរថយន្តដឹកឈើលើកនេះ ធ្វើឡើងនៅវេលាម៉ោង១៦:០០នាទី ស្ថិតក្នុងភូមិភ្ញារង ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ។
លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះបានឲ្យដឹងថា កងរាជអាវុធហត្ថខេត្តក្រចេះ បានធ្វើការបំផ្ទុះនិងដុតកំទេចរថយន្ដសាំយ៉ុងកែច្នៃ ០២ គ្រឿង ដែលជាមធ្យោបាយដឹកជញ្ជូនបទល្មើសព្រៃឈើ។
រថយន្តសាំយ៉ុងកែច្នៃដឹកឈើទាំង ២គ្រឿងនេះ ត្រូវបានកម្លាំងកម្លាំងកងរាជអាវុធហត្ថខេត្តក្រចេះ សហការជាមួយកម្លាំងកងរាជអាវុធហត្ថខេត្តកំពង់ចាម ធ្វើការបង្ក្រាបកាលពីថ្ងៃទី០១ ខែវិច្ឆិកា ឆ្នាំ២០២២ វេលាម៉ោង១១:៣០នាទី ស្ថិតក្នុងភូមិឈើទើ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម ។
សមត្ថកិច្ចបន្តថា ឈើដែលបង្ក្រាបបានប្រគល់ជូនទៅកម្លាំងជំនាញរក្សាទុក ប៉ុន្តែរថយន្តត្រូវយកទៅកម្ទេចចោលតែម្តង។ ជាមួយគ្នានេះបច្ចុប្បន្នសមត្ថកិច្ចកំពុងបន្តស្រាវជ្រាវអត្តសញ្ញាណអ្នកប្រព្រឹត្ត ដើម្បីកសាងសំនុំរឿងបញ្ជូនទៅតុលាកាខេត្តបន្តទៀត៕
អត្ថបទ៖ វិធិន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?