Connect with us

សន្តិសុខសង្គម

ក្មេងស្ទាវ ២ ក្រុមដេញប្រយុទ្ធគ្នាផ្អើលក្រុងបាត់ដំបង ចាប់បាន ៤ នាក់​មក​សាកសួរ

បានផុស

នៅ

ក្រោយពីមានវីដេអូឃ្លីបមួយដែលបានបង្ហោះចែកចាយលើបណ្តាញសង្គម បានបង្ហាញអំពីសកម្មភាពក្មេងស្ទាវ ​២ ក្រុមដេញប្រយុទ្ធគ្នាផ្អើលដល់មហាជន នៅលើសួនច្បារសម្ដេចក្រឡាហោម ស ខេង កាលពីវេលាម៉ោង​ ០៣ ​និង ៣០​នាទី​ទៀប​ភ្លឺថ្ងៃទី ៩ មីនា ស្ថិត​នៅ​ទីតាំងក្នុង ភូមិរំចេក៤ សង្កាត់រតនៈ ក្រុងបាត់ដំបង តែមិនឃើញមានកម្លាំងសមត្ថកិច្ច មកអន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែមានការចែកចាយ និងរិះគន់ដល់សមត្ថកិច្ចតាមបណ្តាញសង្គមព្រោងព្រាត ខាងស្នងការខេត្តក៏បានចេញសេចក្តីបំភ្លឺជូនដល់សាធារជនថា ក្រោយកើតហេតុសមត្ថកិច្ចបានឃាត់ខ្លួន យុវជនដែលសង្ស័យចំនួន ០៤ នាក់​មក​សាក​សួរ។ តែយ៉ាងណានោះសមត្ថកិច្ចនឹងស្រាវជ្រាវរកបក្សពួកបន្តទៀត។

បើទោះបីយ៉ាងណា សមត្ថកិច្ចមិនទាន់បានបង្ហើបឲ្យដឹងជុំវិញតាមចាប់ខ្លួនបក្សពួកក្រុមស្ទាវទាំង ២ ក្រុមដែលបង្កអសន្តិសុខ​​ក្នុងសង្គមបានថាយ៉ាងណានៅឡើយ ហើយការបើកឆាកប្រយុទ្ធគ្នារបស់ក្រុមក្មេងស្ទាវទាំង ២ ក្រុមនេះក៏គេមិនទាន់ដឹងថាមានអ្នករងរបួសនោះនៅឡើយដែរ។

នៅថ្ងៃទី ១០ ខែមីនា ឆ្នាំ២០២៣ លោកវរសេនីយ៍ឯក អ៉ិម កុសស ស្នងការរងទទួលបន្ទុកការងារប្រតិកម្មរហ័ស និងជាអ្នកនាំពាក្យនៃស្នងការខេត្ត បានបើកកិច្ចប្រជុំមួយជាមួយមន្ត្រី នគរបាលដែលទទួលបន្ទុកការងារព័ត៌មានតាមបណ្តាញសង្គម និងប្រតិកម្មរហ័សនៅតាមបណ្តា អង្គភាពការិយាល័យជំនាញចំណុះស្នងការដ្ឋាន និងតាមអង្គភាពវរសេនាតូចនគរបាលការពារព្រំដែនគោក ព្រមទាំងអធិការរដ្ឋាននគរបាល ក្រុង ស្រុក ដែលការប្រជុំនេះធ្វើឡើងស្របតាមការអនុញ្ញាតពីលោកឧត្តមសេនីយ៍ទោ សាត គឹមសាន ស្នងការនៃស្នងការខេត្តបាត់ដំបងផងដែរ។

ក្នុងជំនួបកិច្ចប្រជុំ លោកស្នងការរងបានរំលឹកឡើងវិញនូវតួនាទី និងភារកិច្ចរបស់មន្រ្តីនគរបាលដែលមានភារកិច្ចអនុវត្តការងារនេះក្នុងរយៈពេលកន្លងមកក៏ដូចជាពេលបច្ចុប្បន្ន។ ដោយសារស្ថានភាពនៃការវិវឌ្ឈន៍រីកចម្រើនឥតឈប់ឈរ​លើគ្រប់​វិស័យនៅក្នុងព្រះរាជាណាចក្រកម្ពុជា ជាពិសេសវិស័យព័ត៌មានវិទ្យាដែលតម្រូវឱ្យមន្រ្តីនគរបាលទាំងអស់ត្រូវខិតខំស្រាវជ្រាវ និងស្វែងយល់ឱ្យបានទូលំទូលាយចំពោះបញ្ហានេះក្នុងនោះគឺព័ត៌មានសង្គមដែលត្រូវបានមហាជន​ទូទៅនិយមប្រើប្រាស់ទាំងក្នុងទិដ្ឋភាពល្អ និងទិដ្ឋភាពមិនល្អផងដែរហើយទិដ្ឋភាពខ្លះបានក៏បានបង្កនូវករណីល្មើសច្បាប់មួយចំនួនធ្វេីឱ្យបាត់បង់នូវសន្តិសុខ សណ្តាប់ធ្នាប់សង្គមផងដែរ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម