សង្ស័យភ្លេីងប្រចណ្ឌ ប្តីសម្លាប់ប្រពន្ធរួចចង កសម្លាប់ខ្លួនតាមក្រោយ

ប្តីប្រពន្ធមួយគូត្រូវបានគេប្រទះឃេីញស្លាប់ក្នុងបន្ទប់ជួលបង្កការភ្ញាក់ផ្អេីលកាលពីវេលាម៉ោង៨និង៣០នាទីព្រឹក ថ្ងៃទី១៤ ខែកុម្ភៈ ឆ្នាំ២០២៤ នៅក្នុងបន្ទប់ជួលបន្ទលេខB15 ក្នុងបុរី ញ៉ូថោន ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះជាប្តីត្រូវបានគេស្គាល់ឈ្មោះ ទុំ ចាន់សុម៉េង ភេទប្រុសអាយុ២៧ឆ្នាំ ស្នាក់នៅកន្លែងកេីតហេតុ ចំណែកប្រពន្ធឈ្មោះ រូង ករុណា អាយុ១៩ឆ្នាំ មុខរបរលក់បាយ ស្នាក់នៅកន្លែងកេីតហេតុ។

តាមប្រភពព័ត៌មានបានឱ្យដឹងថា ជនរងគ្រោះទាំង២នាក់មិនបានចេញពីបន្ទប់ជួលតាំងពីថ្ងៃទី១២ ខែកុម្ភៈ មកម្ល៉េះ លុះមកដល់ថ្ងៃកេីតហេតុទេីបអ្នកជិតខាងរាយការណ៍ទៅសន្តិសុខ គាស់បន្ទប់ចូលមេីលបែជាឃេីញប្រពន្ធស្លាប់នៅលេីឥដ្ឋការ៉ូចំណែកប្តីចង ក សម្លាប់ខ្លួន។

ក្រោយពីបង្កការភ្ញាក់ផ្អេីលក៏រាយការណ៍ទៅសមត្ថកិច្ចមូលដ្ឋានចុះមកដល់ចំណុចកេីតហេតុពិនិត្យជាក់ស្តែង។
ជំហានដំបូងសង្ស័យថា ករណីប្តីសម្លាប់ប្រពន្ធរួចចងកសម្លាប់ខ្លួនឯងតាមក្រោយ៕

អត្ថបទ៖ សុខា