Connect with us

សន្តិសុខសង្គម

កាប់សម្លាប់ប្ដីប្រពន្ធមួយគូ សមត្ថកិច្ចថា ជនដៃដល់ជាប្អូនបង្កើតមានសតិមិនគ្រប់

បានផុស

នៅ

ជនដៃដល់ម្នាក់បានកាប់សម្លាប់ប្ដីប្រពន្ធមួយគូស្លាប់ភ្លាមៗ ហើយរត់គេចខ្លួនបាត់ ខណៈសមត្ថកិច្ចអះអាងថា ជនដៃដល់ត្រូវជាប្អូនប្រុសរបស់ជនរងគ្រោះ និងមានសតិមិនគ្រប់។

ករណីឃាតកម្មកាប់សម្លាប់នេះបានកើតឡើងកាលពីវេលាម៉ោង៩និង៣០នាទីយប់ នៅថ្ងៃទី២៨ ខែកុម្ភៈ ឆ្នាំ២០២៤ ស្ថិតក្នុងភូមិតឺន ឃុំតឺន ស្រុកកូនមុំ ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានបញ្ជាក់ថា ជនរងគ្រោះជាប្ដីមានឈ្មោះ ហាន ហ៊ន អាយុជាង៦០ឆ្នាំ ជនជាតិខ្មែរ មុខរបរជាកសិករ រីឯប្រពន្ធនៅមិនទាន់អត្តសញ្ញាណនៅឡើយ។ សមត្ថកិច្ចបានបន្តថា ជនរងគ្រោះជាប្ដីត្រូវបានកាប់ផ្នែកខាងក្បាល។ ជនដៃដល់ត្រូវជាប្អូនប្រុសខាងប្រពន្ធជនរងគ្រោះ មានសតិមិនគ្រប់ អាយុប្រហែលជាង៤០ឆ្នាំ បានយកពូថៅកាប់ទៅលើបងថ្លៃ និងបងស្រីរបស់ខ្លួនបណ្ដាលឲ្យស្លាប់នៅកន្លែងកើតហេតុ ហើយរត់គេចខ្លួនបាត់ស្រមោល។

នៅព្រឹកថ្ងៃទី២៩ ខែកុម្ភៈ ឆ្នាំ២០២៤ កម្លាំងនគរបាលមូលដ្ឋាន សហការជាមួយកម្លាំងជំនាញព្រហ្មទណ្ឌ នៃស្នងការដ្ឋាននគរបាលខេត្តរតនគិរី ចុះត្រួតពិនិត្យកន្លែងកើតហេតុធ្វើកំណត់ហេតុប្រគល់សាកសពទៅឲ្យក្រុមគ្រួសារដើម្បីធ្វើបុណ្យទៅតាមប្រពៃណី។ ដោយឡែកជនដៃដល់សមត្ថកិច្ចជំនាញកំពុងស្រាវជ្រាវចាប់យកមកអនុវត្តដើម្បីផ្ដន្ទោសទៅតាមផ្លូវច្បាប់៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម