សន្តិសុខសង្គម
ឃាតកជាប្អូនថ្លៃត្រូវបានសមត្ថកិច្ចឃាត់ខ្លួនបានហើយ
រតនគិរី ៖ ប្តីប្រពន្ធមួយគូត្រូវបានឃាតក(ជាប្អូនថ្លៃ)កាប់សម្លាប់យ៉ាងឃោរឃៅព្រៃផ្សៃបំផុតជាច្រើនពូថៅ ដោយសារមានទំនាស់នៅក្នុងគ្រួសារបន្តិចបន្តួច។
ហេតុការណ៍នេះបានកើតឡើង នៅវេលាម៉ោង៩និង៣០យប់ ថ្ងៃទី២៨ ខែកុម្ភៈ ឆ្នាំ២០២៤ នៅត្រង់ចំណុចផ្ទះជនរងគ្រោះ ស្ថិតក្នុងភូមិតឺន ឃុំតឺន ស្រុកកូនមុំ ខេត្តរតនគិរី។
លោក ចៅ នាង ស្នងការរងហើយក៏ជាអ្នកនាំពាក្យស្នងការដ្ឋាននគរបាលខេត្តបានឲ្យកម្ពុជាថ្មីដឹងនៅល្ងាចថ្ងៃទី២៩កុម្ភៈ ថា ជនរងគ្រោះជាប្តីឈ្មោះ ហាន ហន ភេទប្រុស អាយុ៦១ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្នភូមិ-ឃុំកើតហេតុខាងលើ។រីឯប្រពន្ធឈ្មោះ ណែម សុខជា អាយុ៥៧ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្នជាមួយគ្នា។
លោកបានបញ្ជាក់ទៀតថា ក្រោយពីទទួលបានព័ត៌មានភ្លាមកម្លាំងជំនាញខេត្ត ដឹកនាំដោយលោកឧត្តមសេនីយ៍ត្រី ផែន ឌីណា ស្នងការរងទទួលផែនព្រហ្មទណ្ឌ បានចុះមកដល់កន្លែងកើតហេតុនៅព្រឹកថ្ងៃទី២៩ ខែកុម្ភៈ ឆ្នាំ២០២៤ ក្នុងនោះកម្លាំងសមត្ថកិច្ចចម្រុះរួមមាន: កម្លាំងអធិការស្រុកកូនមុំ កម្លាំងនគរបាលប៉ុស្តិ៍ កម្លាំងការិយាល័យព្រហ្មទណ្ឌកម្រិតធ្ងន់ កម្លាំងកងរាជអាវុធហត្ថខេត្ត និងកម្លាំងវិទ្យាសាស្ត្របច្ចេកទេសកោសល្យវិច័យ សាកសួរបំភ្លឺជុំវិញនៅកន្លែងកើតហេតុ ហើយធ្វើការកំណត់មុខសញ្ញាជនសង្ស័យបាន ត្រូវជាប្អូនប្រុសបង្កើតស្ត្រីរងគ្រោះឈ្មោះ យិន សុធារិទ្ធ (ហៅ ពៅ) ភេទប្រុស អាយុ៤២ឆ្នាំ ជនជាតិខ្មែរ មុខរបរកសិករ មានស្រុកកំណើតភូមិចាន់និមិត្រ ឃុំតាប៉ាវ ស្រុកត្បូងឃ្មុំ ខេត្តត្បូងឃ្មុំ បច្ចុប្បន្នរស់នៅជាមួយស្ត្រីរងគ្រោះ។ ជនសង្ស័យក្រោយពីធ្វើសកម្មភាពកាប់សម្លាប់បងបង្កើតនិងបងថ្លៃរួចមក បានជិះម៉ូតូរត់គេចខ្លួនបាត់ស្រមោល។
លោកថា ផ្តើមចេញមកពីមានទំនាស់នៅក្នុងគ្រួសារ បងថ្លៃបានស្តីបន្ទោសជារៀងរាល់ថ្ងៃ ដោយសារប្អូនថ្លៃមិនធ្វើការងារអ្វីឡើយ ហើយនៅយប់កើតហេតុប្អូនថ្លៃបានទិញស្រាមួយលីត្រផឹកហើយក៏បានធ្វើសកម្មភាពតែម្តង។
បន្ទាប់មកកម្លាំងសមត្ថកិច្ចជំនាញខេត្ត បានសហការជាមួយកម្លាំងអធិការស្រុកធ្វើការចុះស្រាវជ្រាវរហូតដល់វេលាម៉ោង១៣និង៣០នាទី ថ្ងៃទី២៩ ខែកុម្ភៈ ឆ្នាំ២០២៤ ទើបសមត្ថកិច្ចធ្វើការចាប់ខ្លួនជនសង្ស័យបាន នៅត្រង់ចំណុចអូរកញ្ជាន់ ក្នុងឃុំតឺន ស្រុកកូនមុំ ខេត្តរតនគិរី។
បច្ចុប្បន្ន ជនសង្ស័យកំពុងឃាត់ខ្លួននៅការិយាល័យនគរបាលព្រហ្មទណ្ឌកម្រិតធ្ងន់ ដើម្បីបំពេញបែបបទសំណុំរឿងបញ្ជូនទៅអយ្យការអមសាលាដំបូងខេត្តដើម្បីផ្តន្ទាទោសទៅតាមផ្លូវច្បាប់៕
ដោយ ៖ វុទ្ធឦសាន
ក្រុមទម្លាក់យោងម្នាក់ ក្នុងចំណោមបក្ខពួក៣នាក់ ត្រូវនគរបាលខេត្តកំពង់ស្ពឺឃាត់ខ្លួន
គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់
ព្រះវិហារ ដ៏ចំណាស់អាយុជាង ១០០ឆ្នាំ ក្នុងវត្តដំណាក់ កំពុងទទួលបានការជួសជុល អភិរក្ស
កម្ពុជាប្រារព្វទិវាអន្តរជាតិប្រយុទ្ធប្រឆាំងគ្រឿង ញៀនដ៏ធំប្រចាំឆ្នាំ ដើម្បីលើកកកម្ពស់ការអប់រំ
តំបន់ទឹកស្ទឹង ដែលរីងហួតហែងនៅប៉ែកខាងក្រោម ចាប់ផ្ដើមមានទឹកហូរកាត់រឹមៗហើយ
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
ន.ប.ប.ប បំភ្លឺថា ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស
ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង
-
សន្តិសុខសង្គម៥ ថ្ងៃ agoជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ agoប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ agoសមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ agoUpdate៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ agoសមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ agoសមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ agoស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ