សន្តិសុខសង្គម
ពលរដ្ឋភូមិម័ល ស្នើអាជ្ញាធរ ពន្លឿនដោះស្រាយបញ្ហារោងចក្រចំនួន ២ បញ្ចេញផ្សែងពុលប៉ះពាល់សុខភាព
ប្រជាពលរដ្ឋជាច្រើនគ្រួសារ ស្នើសុំអាជ្ញាធរជួយពន្លឿនរកដំណោះស្រាយចំពោះបញ្ហារោងចក្រចំនួន ២ ទីតាំង ដែលបង្ហើរផ្សែងបំពុលបរិយាកាស ធ្វើឲ្យប៉ះពាល់ដល់អ្នករស់នៅក្បែរនោះ។
បើតាម លោកស្រី សឿង សេរី ចៅសង្កាត់ដង្កោ នៅថ្ងៃទី ១៧ ខែកក្កដា ឆ្នាំ ២០២៤ នេះ បានប្រាប់កម្ពុជាថ្មី ឲ្យដឹងថា អាជ្ញាធរ បានចុះណែនាំរោងចក្រទាំងពីរទីតាំងខាងលើចំនួន ២ ដង រួចមកហើយ ឲ្យបញ្ឈប់ការដុតក្រណាត់ មកដុតអុសវិញ ចៀសវាងហុយផ្សែងខ្មៅបំពុលទៅដល់ប្រជាពលរដ្ឋដែលនៅជិតទីតាំងនោះ។
ពាក់ព័ន្ធករណីនេះដែរ លោក រក្សា អ្នកតំណាងប្រជាពលរដ្ឋរស់នៅក្នុងតំបន់រងផលប៉ះពាល់ បានលើកឡើងដែរថា ចំពោះបញ្ហាផ្សែងហុយចេញពីខាងលើរោងចក្រនេះ គឺប៉ះពាល់ខ្លាំងទៅដល់ប្រជាពលរដ្ឋដែលរស់នៅជុំវិញតំបន់ខាងលើ។ ជាពិសេសក្មេងៗ និងមនុស្សចាស់ ដែលរស់នៅតំបន់នេះ ភាគច្រើនមួយរយៈចុងក្រោយ គឺ ឧស្សាហ៍ឈឺ ក្អក ពាក់ព័ន្ធនឹងផ្លូវដង្ហើមខ្លាំងតែម្ដង។
លោកលើកឡើងបន្តថា បញ្ហាបំពង់ផ្សែងបង្ហុយចេញពីរោងចក្រនេះ តែងតែបង្ហុយផ្សែងខ្មៅខ្មួលខ្មាញ់ចេញមកជារៀងរាល់ថ្ងៃ រាល់ម៉ោងធ្វើការ ដែលធ្វើឲ្យពួកគាត់ រួមទាំងក្មេងៗ និងមនុស្សចាស់ ពិបាកដកដង្ហើមរាល់ពេលមានផ្សែងចេញមកម្តងៗ។
ជាមួយគ្នានេះ ប្រជាពលរដ្ឋរស់នៅតំបន់រងផលប៉ះពាល់ បានសំណូមពរទៅដល់អាជ្ញាធរពាក់ព័ន្ធ សូមជួយពន្លឿនដោះស្រាយបញ្ហាខាងលើនេះផង។ ពួកគាត់ ក្នុងនាមជាប្រជាពលរដ្ឋ គ្រាន់តែចង់ឲ្យខាងរោងចក្រកែសម្រួលដល់បំពង់បង្ហុយផ្សែង មេត្តាជួយតបំពង់ឲ្យខ្ពស់ជាងមុន និងចង់ឲ្យខាងរោងចក្រឈប់ដុតក្រណាត់បន្តទៀត ដើម្បីកុំឲ្យប៉ះពាល់សុខភាពកាន់តែខ្លាំងជាងនេះ។
សូមជម្រាបថា កាលពីថ្ងៃទី ២១ ខែឧសភា ឆ្នាំ ២០២៤ កន្លងទៅ ប្រជាពលរដ្ឋរស់នៅក្នុងភូមិម័ល សង្កាត់ដង្កោ ខណ្ឌដង្កោ ក្បែររោងចក្រខាងលើ បានដាក់ពាក្យបណ្ដឹងទៅ លោកស្រី សឿង សេរី ចៅសង្កាត់ដង្កោ ដើម្បីដោះស្រាយពីបញ្ហារោងចក្របង្ហុយផ្សែងពុលប៉ះពាល់ដល់សុខភាពរបស់ពួកគាត់ និងបរិស្ថាន។
នៅក្នុងពាក្យបណ្ដឹង ប្រជាពលរដ្ឋដែលរស់នៅជុំវិញបរិវេណរោងចក្រ អលឡាក់គី និងក្រុមហ៊ុន គុនបូស្តាយស៍ អីតែរឹល ឯ.ក បានស្នើសុំអាជ្ញាធរសង្កាត់ដង្កោ ចាត់វិធានការលើរោងចក្រទាំងពីរនេះ ដោយបញ្ឈប់សកម្មភាពបង្ហុយផ្សែងក្នុងបរិយាកាសទាប ហើរចូលផ្ទះរបស់ពួកគាត់ធ្វើឲ្យប៉ះពាល់ដល់សុខភាព ដូចជាផ្លូវដង្ហើម និងផ្ទះរោលផ្សែងខ្មៅជាដើម។
ប្រភពព័ត៌មានខ្លះ បានឲ្យដឹងថា រោងចក្រនេះ បានដុតក្រណាត់ ដើម្បីយកចំហេះ ដោយបង្ហុយផ្សែងចេញតាមបំពង់មានកម្ពស់ទាប ម្ល៉ោះហើយខ្យល់បក់ធ្វើឲ្យផ្សែងធ្លាក់ចុះមកក្រោមចូលផ្ទះប្រជាពលរដ្ឋរស់នៅក្បែរខាង នៃរោងចក្រមួយនេះ៕
អត្ថបទ ៖ រដ្ឋា , ម៉េង
ប៉ូលិសអាមេរិក បាញ់សម្លាប់ជនសង្ស័យប្រដាប់អាវុធ នៅមិនឆ្ងាយប៉ុន្មានពី សមាជបក្សលោក ត្រាំ
ពលរដ្ឋរង់ចាំការស្ថាបនាផ្លូវបេតុងមួយខ្សែប្រវែងជាង១ពាន់ម៉ែត្រ ខណៈអាជ្ញាធរចុះវាស់វែងជិត២ឆ្នាំមកហើយ
លោក ប្រាក់ សោភ័ណ ប្រាប់ស្នងការកុំឱ្យបន្ធូរដៃបង្រ្កាបក្មេងទំនើងកាប់ចាក់ និងក្មេងជក់បារីអេឡិចត្រូនិចនៅក្នុងខេត្តសៀមរាប
ពលរដ្ឋភូមិម័ល ស្នើអាជ្ញាធរ ពន្លឿនដោះស្រាយបញ្ហារោងចក្រចំនួន ២ បញ្ចេញផ្សែងពុលប៉ះពាល់សុខភាព
ខេត្តមួយទៀត ទុកពេល១៥ថ្ងៃឱ្យរុះរើស្លាកផ្សាយពាណិជ្ជកម្មគ្រឿងស្រវឹងនៅទីសាធារណៈ
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
សមត្ថកិច្ចប្រកាសរកសាច់ញាតិបុរសម្នាក់ដែលគេប្រទះឃើញក្បែរទីលានចាក់សំរាម មានដែកគោលជាប់ក្បាល
ប៉ូលិសថៃ រកឃើញតម្រុយ ពាក់ព័ន្ធការស្លាប់មនុស្ស៦នាក់ ក្នុងបន្ទប់សណ្ឋាគារផ្កាយ៥
ស្នងការរាជធានីកោះហៅមន្ត្រីនគរបាលចរាចរណ៍ និងមន្ត្រីជាប់កិច្ចសន្យា៤នាក់ពាក់ព័ន្ធករណីឃាត់រ៉ឺម៉កម៉ូតូនៅក្រោមស្ពានអាកាសស្ទឹងមានជ័យ
លោ ស សុខា បញ្ជាឱ្យចាត់វិធានការច្បាប់ លើអ្នកឆ្លៀតប្រព្រឹត្តអំពើពុករលួយពេលដេញថ្លៃគម្រោងមូលនិធិឃុំ សង្កាត់
-
ព័ត៌មានជាតិ៦ ថ្ងៃ agoអ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ២ ថ្ងៃ agoសមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៣ ថ្ងៃ agoគម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ១ ថ្ងៃ agoអ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ២ ថ្ងៃ agoព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៣ ថ្ងៃ agoសមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
ព័ត៌មានជាតិ៥ ថ្ងៃ agoម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
ព័ត៌មានអន្ដរជាតិ២ ថ្ងៃ agoជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា