សន្តិសុខសង្គម

ឃាត់ខ្លួនក្មេងទំនើងមួយក្រុម ព្រួតវាយយុវជនម្នាក់ រងរបួស ហើយថតវីដេអូបង្ហោះលើបណ្ដាញសង្គម

បានផុស

២ years មុន

នៅ

ថ្ងៃសុក្រ ៦ កញ្ញា ២០២៤

ដោយ

ក្មេងទំនើងប្រុស-ស្រី មួយក្រុម បានព្រួតវាយយុវជនម្នាក់ បណ្ដាលឲ្យរងរបួស ហើយថតវីដេអូបង្ហោះលើបណ្ដាញសង្គម ត្រូវកម្លាំងកងរាជអាវុធហត្ថឃាត់ខ្លួនយកទៅសួរនាំ និងចាត់ការតាមនីតិវិធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួននេះ កាលពីវេលាម៉ោង ៣ រសៀល ថ្ងៃទី ៥ ខែកញ្ញា ឆ្នាំ ២០២៤ នៅម្ដុំលក់ស្រាក្រឡុក ជិតផ្សារដីថ្មី សង្កាត់ស្ទឹងមានជ័យទី ៣ ខណ្ឌមានជ័យ។

កម្លាំងកងរាជអាវុធហត្ថបានឲ្យដឹងថា ក្រោយពីបានឃើញការបង្ហោះរូបវីដេអូឃ្លីបតាមបណ្ដាញសង្គម មានក្មេងប្រុស-ស្រី មួយក្រុម បាននាំគ្នាព្រួតវាយយុវជនម្នាក់ បណ្ដាលឲ្យរងរបួស កាលពីវេលាម៉ោង ៦ ព្រឹក ម្សិលមិញ កម្លាំងកងរាជអាវុធហត្ថខណ្ឌមានជ័យ ក៏ស្រាវជ្រាវរហូតដល់វេលាម៉ោង ៣ រសៀល ថ្ងៃខែដដែល ទើបឈានដល់ការឃាត់ខ្លួនមនុស្សប្រុស-ស្រី ជាច្រើននាក់ ម្ដុំលក់ស្រាក្រឡុក នៅជិតផ្សារដីថ្មី ភូមិដំណាក់ធំ ២ សង្កាត់ស្ទឹងមានជ័យទី ៣ ខណ្ឌមានជ័យ។

បន្ទាប់ពីធ្វើការឃាត់ខ្លួនក្រុមក្មេងទំនើងប្រុស-ស្រី កម្លាំងកងរាជអាវុធហត្ថ បាននាំខ្លួនជនសង្ស័យទាំងនោះយកទៅធ្វើការសួរនាំនៅមូលដ្ឋានកងរាជអាវុធហត្ថខណ្ឌមានជ័យដើម្បីបន្តនីតិវិធី៕

អត្ថបទ ៖ សុខា