សន្តិសុខសង្គម

អ្នករត់កង់បីម្នាក់ សង្ស័យខ្យល់គរដួលស្លាប់នៅកន្លែងលក់ឱសថស្ថាន

បានផុស

២ years មុន

នៅ

ថ្ងៃសៅរ៍ ១៩ តុលា ២០២៤

ដោយ

បុរសជាអ្នករត់កង់បីឥណ្ឌាម្នាក់ សង្ស័យមិនស្រួលខ្លួន ជិះមករកទិញថ្នាំ តែជាអកុសលពេលមកដល់បានដួលនៅមុខឱសថស្ថានស្លាប់ បង្កឲ្យមានការភ្ញាក់ផ្អើលដល់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ៤ និង ៣០ នាទី ថ្ងៃទី ១៨ ខែតុលា ឆ្នាំ ២០២៤ ស្ថិតតាមបណ្ដោយផ្លូវ ២០០២ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

បើតាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ វ័យប្រហែលជាង ៣០ ឆ្នាំ បើកកង់បីឥណ្ឌាមួយគ្រឿង ពណ៌ស ពាក់ស្លាកលេខ ភ្នំពេញ 1LB-2319 ទិសដៅពីលិចមកកើត លុះមកដល់ចំណុចកើតហេតុមុខផ្សារ ២០០២ បុរសខាងលើបាន អែបខាង រួចចុះពីលើកង់បី ដើរបានបន្តិច ក៏ដួលសន្លប់ភ្លាមៗ ប្រជាពលរដ្ឋនៅជិតនោះឃើញមិនស្រួល បាននាំគ្នាជួយសង្គ្រោះបឋម និងទាក់ទងហៅរថយន្តសង្គ្រោះមកយក តែជាអកុសល ជនរងគ្រោះបានដាច់ខ្យល់ស្លាប់បាត់ទៅហើយ។

ប្រភពពីប្រពន្ធជនរងគ្រោះបានឲ្យដឹងថា ជនរងគ្រោះឈ្មោះ ឆាង រដ្ឋា អាយុ ៣៨ ឆ្នាំ ស្នាក់នៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ មានកូនប្រុសម្នាក់ អាយុ ៩ ឆ្នាំ ហើយកាលពីមុនប្ដីរបស់គាត់រត់ម៉ូតូឌុបនៅជិតៗ ផ្ទះ ក្រោយមកក៏សុំប្រពន្ធទិញកង់បីវិញ ទើបរត់បានមិនដល់មួយសប្ដាហ៍ផងបានស្លាប់ចោលប្រពន្ធកូន ដោយសង្ស័យខ្យល់គរ។

ក្រោយពេលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុធ្វើការទាក់ទងទៅនគរបាលការិយាល័យបច្ចេកទេសវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញចុះទៅធ្វើកោសល្យវិច័យ រួចធ្វើកំណត់ហេតុប្រគល់សពជូនក្រុមគ្រួសារយកធ្វើបុណ្យតាមប្រពៃណី៕

អត្ថបទ ៖ ម៉េង