Update៖ ករណីអគ្គិភ័យឆេះនៅតំបន់សេដ្ឋកិច្ចពិសេស​បិទត្រាងព្រះសីហនុគ្រប់គ្រងបានទាំងស្រុង

ករណីអគ្គិភ័យដែលឆាបឆេះយ៉ាងសន្ធោសន្ធៅនៅក្នុងតំបន់សេដ្ឋកិច្ចពិសេស បិទត្រាង ​ខេត្តព្រះសីហនុ ត្រូវបានកម្លាំងមន្ត្រីជំនាញបង្ការពន្លត់អគ្គិភ័យគ្រប់គ្រងបានទាំងស្រុងហើយ កាលពីវេលាម៉ោង១២ថ្ងៃត្រង់ទី១០ធ្នូនេះ ដោយមិនមានការរាលដាលនោះទេ។ តាមការអះអាងពីមន្ត្រីអគ្គិភ័យ ករណីនេះគឺឆេះកាសសំណល់ដែលស្តុកទុកចោលនៅក្នុងតំបន់សេដ្ឋកិច្ចពិសេស មិនមែន​ឆេះរោងចក្រដែលកំពុងធ្វើសង្វាក់ផលិតកម្មនោះទេ។

សូមបញ្ជាក់ថា កាលពីវេលាម៉ោង៩និង៥០នាទីព្រឹកថ្ងៃទី១០ធ្នូនេះ មានករណីអគ្គិភ័យបានឆាបឆេះយ៉ាងសន្ធោសន្ធៅនៅក្នុងតំបន់សេដ្ឋពិសេស បិទត្រាង ខេត្តព្រះសីហនុ។ ក្រោយពីទទួលព័ត៌មាន កម្លាំងសមត្ថកិច្ចជំនាញបង្ការ សង្គ្រោះ និងពន្លត់អគ្គិភ័យ បានចេញរថយន្ដពន្លត់អគ្គិភ័យជាច្រើនគ្រឿងទៅកន្លែងកើតហេតុដើម្បីជួយអន្តរាគន៍។ ទោះបីយ៉ាងណាករណីអគ្គិភ័យនេះត្រូវបានគ្រប់គ្រងបានទាំងស្រុងដោយមិនមានការរាលដាលដល់រោងចក្រនោះទេ ខណៈមូលហេតុនៃការឆាបឆេះនេះ កម្លាំងជំនាញកំពុងស្រាវជ្រាវបន្ថែម៕