ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ

ជនរងគ្រោះម្នាក់ក្នុងចំណោមជនរងគ្រោះ២នាក់ ដែលគេសង្ស័យថាជាជនជាតិថៃ ត្រូវបានខ្មាន់កាំភ្លើងបាញ់ប្រហារជាច្រើនគ្រាប់បណ្ដាលឲ្យស្លាប់ពេលបញ្ជូនដល់មន្ទីរពេទ្យ ខណៈម្នាក់ទៀតរត់គេចរួចខ្លួន។

ហេតុការណ៍បាញ់ប្រហារយ៉ាងក៏ក្រើកនេះ បានកើតឡើងកាលពីវេលាម៉ោងជាង៩យប់ ថ្ងៃទី២៦ ខែធ្នូ ឆ្នាំ២០២៤ ស្ថិតនៅលើផ្លូវក្នុងភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

តាមអ្នកឃើញហេតុការណ៍បានអោយដឹងថា ខណៈដែលឮសំឡេងផ្ទុះជាប់ៗគ្នាដូចគេដុតផាវ តែមិនមែនបែជាករណីផ្ទុះអាវុធពីអ្នកជិះម៉ូតូមួយគ្រឿងម៉ាក Zoomer X ជិះគ្នាបីនាក់ដោយពីរនាក់ជាអ្នកជិះពីក្រោយ ហើយអ្នកបើកបានចុះបាញ់ប្រហារយ៉ាងសាហាវជាច្រើនគ្រាប់ទៅលើអ្នកដែលកំពុងជិះម៉ូតូម្ខាងទៀត បណ្តាលអោយត្រូវម្នាក់ដេកស្តូកស្តឹងទៅលើផ្លួវក្នុងថ្លុកឈាម ដោយឡែកម្នាក់ទៀតរត់គេចស្រែកអោយគេជួយជាភាសាថៃ។ ក្រោយការបាញ់ប្រហាររួច ខ្មាំងកាំភ្លើងបានជិះម៉ូតូគេចខ្លួនបាត់។ ចំណែកជនរងគ្រោះក្រោយកើតហេតុត្រូវបានអ្នកដែលរត់គេចខ្លួន នាំជនរងគ្រោះទៅសង្រ្គោះបន្ទាន់នៅមន្ទីរពេទ្យ ហើយក៏ស្លាប់នៅមន្ទីរពេទ្យ។

តាមប្រភពពីកន្លែងកើតហេតុបាននិយាយថា ករណីខាងលើជាករណីជនជាតិថៃ និងជនជាតិថៃ ព្រោះពេលជនម្នាក់រត់គេចពីការបាញ់ប្រហារបានស្រែកអោយគេជួយជាភាសារថៃ។ ភ្លាមៗសមត្ថកិច្ចបានចុះទៅដល់កន្លែងកើតហេតុហើយហ៊ុំព័ទ្ធទីតាំងទៅតាមជំនាញ់សមត្ថកិច្ចពិនិត្យ៕

អត្ថបទ៖ អេម ពៅ