កីឡា

ឱកាសសម្រាប់ បងប្អូន ចូលរួមក្នុង ព្រឹត្តិការណ៍កីឡាវាយកូនហ្គោលអន្តរជាតិធំបំផុតនៅកម្ពុជា លើទីលានស្តង់ដាដ៏ប្រណីត មកដល់

បានផុស

៨ ខែ មុន

នៅ

ថ្ងៃពុធ ២២ តុលា ២០២៥

ដោយ

សប្តាហ៍ទី៣ នៃខែវិច្ឆិកា ខាងមុនេះ នឹងមានព្រឹត្តិការណ៍ប្រកួតកីឡាវាយកូនហ្គោលអន្តរជាតិធំបំផុតមិនធ្លាប់មាននៅក្នុងប្រទេសកម្ពុជាគឺ «ជើងឯកវឌ្ឍនៈឡេជិន» នៅទីលាន វឌ្ឍនៈ ហ្គោល រីហ្សត ជាទីលានវាយកូនបាល់ស្តង់ដាអន្តរជាតិស្តង់ដាបំផុតស្ថិតនៅសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បងប្អូនប្រហែលជាគិតថា ព្រឹត្តិការណ៍អន្តរជាតិប្រជុំដោយកីឡាករឆ្នើមៗមកពីទូទាំងពិភពលោកនៅទីតាំងដ៏ទំនើបបែបនេះគឺពិបាកចូលរួមទស្សនាណាស់មើលទៅ ប៉ុន្តែតាមពិតទៅមិនដូចអ្វីដែលបងប្អូនគិតនោះទេ។ ជើងឯកវឌ្ឍនៈឡេជិន រៀបចំឡើងដើម្បីផ្សព្វផ្សាយវិស័យទេសចរណ៍ទៅកាន់ពិភពលោកឲ្យបានស្គាល់ពីកម្ពុជាតាមរយៈប្រព័ន្ធផ្សព្វផ្សាយធំៗទូទាំងពិភពលោក និងផ្តល់ឱកាសឲ្យប្រជាពលរដ្ឋទូទៅទទួលបានការកម្សាន្តពិសេសប្លែកមិនធ្លាប់មាន។

នៅលើផ្ទៃដីរាប់រយហិចតា រុក្ខជាតិ និងបរិយាកាសស្រស់ថ្លាធម្មជាតិសុទ្ធសាធនាជាយក្រុងភ្នំពេញ បងប្អូនអាចចូលទស្សនាបានបានតាមរយៈការទិញសំបុត្រតម្លៃ ១៥ដុល្លារម្នាក់សម្រាប់ ១ថ្ងៃ ឬ ៥០ដុល្លារមួយគ្រួសារ ដែលមានសមាជិក ៤នាក់ (កូនអាយុក្រោម ១៥ឆ្នាំ) សម្រាប់ ១ថ្ងៃ បងប្អូននឹងទទួលការកម្សាន្តពិសេសប្លែកជាច្រើន។

បងប្អូននឹងបានទស្សនាការប្រកួតកីឡាវាយហ្គោលដែលមានកីឡាករឆ្នើមៗកម្រិតពិភពលោកជាច្រើននាក់ ហើយពួកគាត់ជាម្ចាស់ជើងឯកព្រឹត្តិការណ៍ធំលំដាប់ពិភពលោកដូចជា U.S Open, ជើងឯកទ្វីបអឺរ៉ុប និងជើងឯកទ្វីបអាស៊ីជាដើម។ នេះជារឿងកម្រដែលបងប្អូនបានឃើញពួកគាត់ផ្ទាល់ភ្នែកនៅក្នុងប្រទេសកម្ពុជាតែម្តង។

មិនត្រឹមតែប៉ុណ្ណោះ មានស្តង់លក្ខណៈភូមិកីឡា»ជាច្រើនសម្រាប់ការស្នាក់នៅ និងលេងកម្សាន្ត ដោយទទួលបានអាហារ ភេសជ្ជៈ និងមានការសម្តែងសិស្បៈវប្បធម៌ផ្សេងៗ ព្រមទាំងលេងហ្គេមកម្សាន្ត ដែលមានរង្វាន់ជាច្រើនសម្រាប់មនុស្សគ្រប់វ័យ។

បន្ថែមលើនេះ បងប្អូននឹងបានឃើញ ក៏ដូចជាកម្សាន្តជាមួយ វឌ្ឍនៈ ហ្គោល រីហ្សត ដែលមានទេសភាពស្រស់ស្អាត។ ទីលាននេះត្រូវបានរចនាដោយម្ចាស់ជើងឯក ៦ សម័យកាល លោក ស៊ឺ និច ហ្វាល់ដូ។ តារាងនៅផ្នែកខាងកើត មានលក្ខណៈប្លែកពីគេដោយបញ្ចូលគ្នានូវការរចនាលំដាប់ពិភពលោកជាមួយបេតិកភណ្ឌវប្បធម៌ខ្មែរ ដោយមានការចម្លងរូបសំណង់ប្រវត្តិសាស្ត្រខ្មែរដ៏ល្បីល្បាញដូចជា ប្រាសាទអង្គរវត្ត ប្រាសាទបាយ័ន និងប្រាសាទព្រះវិហារ។

សូមបញ្ជាក់ថា ការប្រកួតជើងឯកវឌ្ឍនៈឡេជិន ចាប់ពីថ្ងៃទី១៧ ដល់ ថ្ងៃទី២៣ ខែវិច្ឆិកា ឆ្នាំ ២០២៥ មានកាលបរិច្ឆេទដូចខាងក្រោម៖

ថ្ងៃចន្ទ អង្គារ៍ ពុធ៖ ការអញ្ជើញមកដល់ និងការហ្វឹកហាត់របស់កីឡាករ
ថ្ងៃព្រហស្បតិ៍៖ ការប្រកួតប្រូ-អែម ផ្លូវការរវាងភ្ញៀវ និងកីឡាករអាជីព (សម្រាប់អ្នកលេងទូទៅជាមួយកីឡាករអាជីព)
ថ្ងៃសុក្រ៖ ការប្រកួតជុំទី១ (សម្រាប់តែកីឡាករអាជីព)
ថ្ងៃសៅរ៍៖ ការប្រកួតជុំទី២ (សម្រាប់តែកីឡាករអាជីព)
ថ្ងៃអាទិត្យ៖ ការប្រកួតជុំផ្តាច់ព្រ័ត្រ (សម្រាប់តែកីឡាករអាជីព)

ឥស្សរជនកីឡាវាយកូនហ្គោលល្បីៗ រួមមានអតីតប្រធានក្រុម រ៉ាយឌឺ ខាប់ ជើងឯកធំៗ និងតារាកីឡាអន្តរជាតិមានដូចជា លោក Michael Campbell ជាម្ចាស់ជើងឯក U.S Open ឆ្នាំ ២០០៥, លោក David Fichard ជាម្ចាស់ជើងឯកទ្វីបអឺរ៉ុប European Tour ៥សម័យកាល និងវីរបុរសឆ្នើមៗជាច្រើនទៀតដូចបងប្អូនឃើញរូបភាពខាងក្រោម៕