កីឡា
នេះមូលហេតុកីឡាខ្លះដកខ្លួន កីឡាខ្លះនៅបន្តបញ្ជូនទៅប្រកួតកីឡាស៊ីហ្គេម នៅថៃ
ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា បានប្រកាសពីការដកកីឡាមួយចំនួនចេញពីការចូលរួមប្រកួតកីឡាស៊ីហ្គេម លើកទី៣៣ នាខែធ្នូ ឆ្នាំ ២០២៥ នៅប្រទេសថៃ។
នៅក្នុងលិខិតដែល កម្ពុជា បានដាក់ជាផ្លូវការទៅ គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣៣ របស់ប្រទេសថៃ បានង្ហាញពីកីឡាចំនួន ៨ ប្រភេទត្រូវបានដកចេញ និងនៅសល់កីឡាចំនួន ១៣ ប្រភេទត្រូវបន្តទៅចូលរួមប្រកួត។
កីឡាដែលត្រូវបន្តបញ្ជូនទៅប្រកួតមានកីឡា ហែលទឹក អត្តពលកម្ម គុនដាវ កាយសម្ព័ន ជឺជីតស៊ូ ឃីកបុកស៊ីង តេក្វាន់ដូ ជិះសេះ ម៉ូតូទឹក ត្រីយ៉ាត្លុង បាល់ទាត់លើតុ បាល់ទះ និង កីឡាអេឡិចត្រូនិក។
ចំពោះកីឡាដែលត្រូវដកខ្លួនចំនួន ៨ ប្រភេទគឺ បាល់ទាត់ទាំងបុរស និងនារី យូដូ ការ៉ាតេ បញ្ចស៊ីឡាត់ ប៉េតង់ ចំបាប់ វូស៊ូ និង សីដក់។
មូលហេតុដែលនាំឲ្យសម្រេចដកកីឡាចំនួន ៨ ប្រភេទចេញគឺ ដោយសារគិតគូពីសុវត្ថិភាពរបស់កីឡាករ កីឡាការិនី និងប្រតិភូ ជាអាទិភាពចម្បងបំផុត។ កីឡាទាំងនេះភាគច្រើនប្រកួតនៅខេត្តសុងក្លា ដែលជាតំបន់រងគ្រោះដោយទឹកជំនន់ ដូច្នេះហេដ្ឋារចនាសម្ព័ន្ធរងការខូតខាតដែលអាចធ្វើឲ្យបញ្ហាប្រឈមនឹងគ្រោះថ្នាក់កាន់តែខ្ពស់។
ម្យ៉ាងវិញទៀត កីឡាមួយចំនួនដែលមានអ្នកគាំទ្រងុបងល់ ដែលអាចធ្វើឲ្យអ្នកជ្រុលនិយមងាយឈានទៅរកការបង្កបញ្ហា។ ជាពិសេសកីឡាទាំងឡាយណាដែលមានឈ្មោះប្រកួតប្រជែងនៅលើទីលានប៉ះទង្គិចគ្នាខ្លាំងក៏ត្រូវបានដកចេញដែរ។
ដោយឡែក កីឡាមួយចំនួនដែលបន្តបញ្ជូនទៅចូលរួមប្រកួតគឺជាប្រភេទកីឡាដែលប្រកួតនៅទីក្រុងក្រុងបាងកកដែលមានហេដ្ឋារចនាសម្ព័ន្ធ និងទីតាំងច្បាស់លាស់ក្នុងការធ្វើដំណើរ ស្នាក់ ដែលងាយស្រួលក្នុងការគ្រប់គ្រងពីសុវត្ថិភាព។
បន្ទាប់ពីប្រកាសដកកីឡាចំនួន ៨ ប្រភេទចេញ ដូច្នេះនៅសល់ ១៣ ប្រភេទកីឡាដែលស្មើនឹង កីឡាករ កីឡាការិនី និងប្រតិភូចំនួន ១៥០នាក់ប៉ុណ្ណោះទៅចូលរួមប្រកួត៕
អត្ថបទ៖ វីរបុត្រ
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ