កីឡា
ថៃ ធ្វើឲ្យរញីរញ៉ៃ ថ្ងៃបើកឆាកប្រកួតបាល់ទាត់ក្នុងកីឡាស៊ីហ្គេម រហូតចេញលិខិតសុំទោស
ប្រទេសវៀតណាម បានផ្ទុះការខឹងសម្បារយ៉ាងខ្លាំងចំពោះម្ចាស់ផ្ទះថៃដែលបានប្រើទង់ជាតិ និងឈ្មោះខុសសម្រាប់ការប្រកួតកីឡាបាល់ទាត់ ថ្ងៃបើកឆាកកីឡាស៊ីហ្គេម លើកទី៣៣ កាលពីថ្ងៃទី៣ ខែធ្នូ ឆ្នាំ ២០២៥។
អ្វីដែលខុសគឺ ថៃ បានដាក់ទង់ជាតិ និងឈ្មោះប្រទេសខុសជាច្រើនប្រទេស។ នៅពេល ក្រុម U22 វៀតណាម ប្រកួតជាមួយក្រុម U22 ឡាវ គឺដាក់ឈ្មោះ ថៃ ប៉ុន្តែទង់ជាតិវៀតណាម ហើយដាក់ទង់ជាតិឡាវ ប៉ុន្តែឈ្មោះឥណ្ឌូណេស៊ីវិញ។ ប្រទេសផ្សេងទៀតក៏ប្រើខុសដែរ។
នេះមិនមែនជាលើកទី១ទេដែលថៃធ្វើខុស ជាពិសេសលើប្រទេសវៀតណាមជុំវិញការប្រើប្រាស់ទង់ជាតិ។ កាលពីប៉ុន្មានខែមុន ថៃបានធ្វើម្ចាស់ផ្ទះចាប់ឆ្នោតកីឡាហ្វូតសាលអាស៊ី គឺ ប្រទេសវៀតណាម ត្រូវបានដាក់ទង់ជាតិចិន ដែលបានធ្វើឲ្យ វៀតណាម ខឹងសម្បារយ៉ាងខ្លាំង។ ពេលនោះមិនត្រឹមចេញលិខិតសុំទោសជាផ្លូវការប៉ុណ្ណោះទេ ថៃ បានធ្វើដំណើរទៅដល់ប្រទេសវៀតណាមផ្ទាល់ដើម្បីសុំទោសទៀតផង។
រឿងដែលគួរឲ្យចាប់អារម្មណ៍មួយទៀតនោះ នៅពេល ក្រុម U22 វៀតណាម ប្រកួតជាមួយ ក្រុម U22 ឡាវ កាលពីល្ងាចថ្ងៃទី៣ ខែធ្នូ គឺ ពេលគោរពទង់ជាតិនៃប្រទេសទាំងពីរ មិនអាចចាក់បទភ្លេងជាតិកើតទេដែលធ្វើឲ្យកីឡាករនៃប្រទេសទាំងពីរត្រូវច្រៀងផ្ទាល់មាត់។ ពេលនោះគេចាប់អារម្មណ៍ខ្លាំងលើកីឡាករវៀតណាមម្នាក់ច្រៀងមិនកើតរហូតសើចញញឹមម្នាក់ឯង ខណៈកីឡាករឡាវបានច្រៀងស្រុះគ្នា។
ការប្រើឈ្មោះប្រទេស និងទង់ជាតិខុស ក៏ដូចជាមានបញ្ហាក្នុងការចាក់បទភ្លេងជាតិបានធ្វើឲ្យមានការរិះគន់យ៉ាងខ្លាំង ក្នុងនោះប្រទេសវៀតណាមបានខឹងសម្បារ ហើយក៏មានការផ្សព្វផ្សាយជាច្រើនពីកំហុសឆ្គង់។ ជុំវិញបញ្ហានេះហើយ ថៃ បានចេញលិខិតសុំទោសទាំងយប់៕
អត្ថបទ៖ វីរបុត្រ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ