កីឡា
ខឹងអត់បង់លុយឲ្យ អ្នកម៉ៅការភ្លើង LED ស៊ីហ្គេម ខេត្តឈុនបុរី បង្ហោះសារព្រមានតាម Facebook
អ្នកទទួលបន្ទុករៀបចំភ្លើង LED នៅខេត្តឈុនបុរី សម្រាប់ការប្រកួតកីឡាស៊ីហ្គេ លើកទី៣៣ របស់ប្រទេសថៃ បានសម្រេចផ្អាកការងារ និងបង្ហោះសារព្រមានតាម Facebook ដោយសារគណៈកម្មការរៀបចំការប្រកួតមិនបានបង់លុយឲ្យពួកគេតាមការព្រមព្រៀង។
ទំព័រហ្វែសប៊ុកឈ្មោះ Love Led ដែលត្រូវបានគេជឿជាអ្នកម៉ៅការទទួលបន្ទុករៀបចំភ្លើងផ្ទាំង LED សម្រាប់ទីតាំងប្រកួតកីឡាស៊ីហ្គេម នៅខេត្តឈុនបុរី បានបង្ហោះសារថា ប្រសិនបើមិនបង់ប្រាក់ឲ្យគិតត្រឹមម៉ោង៤រសៀលថ្ងៃនេះ (ថ្ងៃទី៤ ខែធ្នូ) បើមិនដូច្នេះទេ អ្វីៗនឹងចាត់ទុកជាមោឃៈ។ នេះគ្រាន់តែជាសារជូនដំណឹង។
បន្តិចក្រោយមក បន្ទាប់ពីផុសខ្លឹមសារជូនដំណឹងខាងលើ ផេកដដែលបានចេញវីដេអូពន្យល់ថា ៖«នេះជាកិច្ចព្រមព្រៀងផ្ទាល់មាត់សម្រាប់ការងារ ហើយប្រាក់កក់ត្រូវបង់នៅថ្ងៃចន្ទ ទី១ ខែធ្នូ ឆ្នាំ ២០២៥ ប៉ុន្តែបានពន្យារពេល។ យើងមិនច្បាស់ ដូច្នេះហើយយើងបានយល់ព្រមគ្នានៅថ្ងៃនេះ (ទី៤ ខែធ្នូ ឆ្នាំ ២០២៥) លុយកក់ត្រូវទូទាត់»។
ផេកដដែលបានបន្តថា ៖«នៅថ្ងៃចន្ទ ការងារមួយចំនួនចាប់ផ្តើមធ្វើឡើងវិញ ប៉ុន្តែការងារខ្លះនៅរក្សាដដែល ពីព្រោះយើងយើងបារម្ភថា ក្រុមការងារមិនមានពេលរកការងារផ្សេង។ យើងសង្ឃឹមថ្ងៃនេះ ថ្ងៃទី៤ ខែធ្នូ ប៉ុន្តែភាពមិនប្រាកដប្រជានៅតែដដែល។ ដូច្នេះយើងបានសម្រេចផុសនេះដើម្បីជាភស្តុតាងពិតប្រាកដគឺ ប្រសិនបើលុយមិនចូលត្រឹមម៉ោង៤រសៀលនេះ អ្វីៗចាត់ទុកជាមោឃៈ ហើយអស់លោកអាចជួលអ្នកផ្សេងបាន។ បន្ទាប់មក ខ្ញុំនឹងរកការងារផ្សេងជំនួសវិញ»។
ប្រភពដដែលបានបន្តរៀបរាប់ថា ៖«ការងារកីឡាស៊ីហ្គេមធំណាស់ ប៉ុន្តែដំណើរការជួល និងទូទាត់ប្រាក់មិនច្បាស់លាស់សោះ។ ខ្ញុំមិនត្រឹមតែបារម្ភពីខ្លួនឯងនោះទេ ប៉ុន្តែក្រុមការងារ និងសម្ភារពាក់ព័ន្ធផ្សេងៗទៀត ហើយយើងត្រូវទទួលខុសត្រូវចំពោះពួកគេ។ ទោះជាយ៉ាងណា យើងគោរពចំពោះគណៈកម្មការរៀបចំការប្រកួត។ យើងមានកិច្ចព្រមព្រៀង តែប្រហែលជាត្រូវបានបំពានហើយ»។
អ្នកផុសបានបញ្ជាក់ថា ការងាររបស់ពួកគាត់តែក្នុងខេត្តឈុនបុរីមួយប៉ុណ្ណោះ មិនមាននៅកន្លែងផ្សេងទៀតទេ។
ព្រឹត្តិការណ៍កីឡាស៊ីហ្គេម លើកទី៣៣ គ្រោងបើកជាផ្លូវការនៅថ្ងៃទី៩ ខែធ្នូ ឆ្នាំ ២០២៥ ប៉ុន្តែមានបញ្ហាជាច្រើនបានកើតមានឡើង ហើយកំពុងទទួលរងការរិះគន់ទាំងប្រជាជនថៃខ្លួនឯង និងបណ្តាប្រទេសផ្សេងៗ។ ប្រជាជនថៃជាច្រើនស្ទើរតែមិនដឹងថា មានកីឡាស៊ីហ្គេម នៅប្រទេសរបស់ខ្លួន ហើយកាលវិភាគប្រកួត កីឡាណាប្រកួតនៅកន្លែងណា និងពេលវេលាយ៉ាងណា ពួកគាត់មិនដឹង៕
ប្រែសម្រួល៖ វីរបុត្រ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ