កីឡា

ជើងខ្លាំងចិន Zhang ប្រកាសចង់ជួបស្តេឃ្លេ Aoki ទទួលការឆ្លើយតបវិញឈឺចាប់

បានផុស

៥ years មុន

នៅ

ថ្ងៃពុធ ១៨ សីហា ២០២១

ដោយ

កីឡាករប្រដាល់គុនចម្រុះរបស់ចិន Zhang Lipeng ទើបតែលេចមុខប្រកួតនៅលើសង្វៀនអន្តរជាតិ ONE លើកទី១កាលពីថ្ងៃទី១៣ ខែសីហា កន្លងទៅនេះដោយទទួលបានជ័យជម្នះដោយពិន្ទុលើអតីតជើងឯកពិភពលោករបស់ហ្វីលីពីន Eduard Folayang។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយទទួលបានជ័យជម្នះនេះ Zhang Lipeng ពិតជាថ្លើមធំមែនបានប្រកាសនៅលើបណ្តាញទំនាក់ទំនងសង្គមដោយចង់ជួបកំពូលអ្នកប្រដាល់ជប៉ុនដែលល្បីខាងជំនាញឃ្លេ Shinya Aoki និងម្ចាស់ខ្សែក្រវាត់ពិភពលោកប្រុសស្អាត Christian Lee។

អ្នកលេងគុនចម្រុះចិន Zhang បានសរសេរថា ៖«និយាយត្រង់ សម្រាប់ដៃគូបន្ទាប់ ខ្ញុំចង់ប្រកួតជាមួយ Shinya Aoki។ ខ្ញុំពិតជាចង់ជួបគាត់ណាស់ ពីព្រោះខ្ញុំចូលចិត្តក្បាច់វ៉ៃរបស់គាត់ណាស់។ មែនទែនទៅ ខ្ញុំជាអ្នកគាំទ្ររបស់គាត់ម្នាក់។ Shinya Aoki ខ្ញុំចង់ប្រកួតជាមួយលោកនៅ ONE។ តើលោកទទួលទេ”?

មិនយូរប៉ុន្មានកំពូលអ្នកជំនាញឃ្លេរបស់ជប៉ុនបានឆ្លើយតបវិញភ្លាម និងអាចជាសារព្រមានដល់កីឡាករចិនម្នាក់នេះឲ្យចេះគិតពិចារណាមុនពេលប្រកាសក្តែងៗ ហើយក៏មិនទទួលយកការប្រកាសចង់ជួបរបស់កីឡាករចិនម្នាក់នេះភ្លាមៗដែរ។

បង្ហោះវីដេអូខ្លីតាមរយៈបណ្តាញទំនាក់ទំនងសង្គម Aoki បាននិយាយថា ៖«សួស្តី Zhang Lipeng។ អរគុណណាស់ដែលបាននិយាយថា ចូលចិត្តខ្ញុំ និងថាជាអ្នកគាំទ្រខ្ញុំម្នាក់»។

«ខ្ញុំបានឮថា លោកចង់ប្រកួតជាមួយខ្ញុំ? ទោះជាខ្ញុំកំពុងពេញចិត្តនឹងអ្វីដែលខ្ញុំមានបច្ចុប្បន្ននេះ ក៏ខ្ញុំចង់ឲ្យលោកពិចារណាឲ្យបានច្បាស់។ មានកីឡាករជាច្រើននៅ ONE។ កីឡាករល្អៗ និងលេចធ្លោជាច្រើន។ ពួកគេមិននិយាយពាក្យសំដីដូចជាថា ចូលចិត្តខ្ញុំទេ។ អ្នកប្រដាល់ស្មោះត្រង់ច្រើនណាស់។ លោកគួរមើលពួកគេជាគំរូផង។ អ្នកគួរប្រកួត និងកោតសរសើរពួកគេ។ ខ្ញុំសូមអរគុណ»។

បើគិតពីបទពិសោធប្រកួតនៅលើសង្វៀន ONE ពិតជាខុសគ្នាឆ្ងាយណាស់។ Aoki បានប្រកួត១៥ដងហើយពោលគឺតាំងពីឆ្នាំ២០១២ ក្នុងនោះចាញ់តែ៣ដងប៉ុណ្ណោះ ខណៈ Zhang ទើបឡើងប្រកួតបាន១ដងប៉ុណ្ណោះ។ ជាពិសេសទៀតនោះ Aoki ធ្លាប់គ្រងខ្សែក្រវាត់ពិភពលោកដែលបច្ចុប្បន្នគ្រប់គ្រងដោយកីឡាករវ័យក្មេង Christian Lee៕

Related Topics:កីឡាប្រដាល់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា