កីឡា
គូឯកជក់ចិត្ត! Xiong Jing Nan ឡើងការពារខ្សែក្រវាត់ ONE strawweight ទល់នឹង Ayaka Miura នៅសង្វៀន ONE: Heavy Hitters
កីឡាការិនីចិន ‘The Panda’ Xiong Jing Nan នឹងឡើងការពារខ្សែក្រវាត់ ONE women’s strawweight World Title ទល់នឹង Ayaka ‘Zombie’ Miura ក្នុងនាមជាគូឯកនៃកម្មវិធីដំបូងឆ្នាំ ២០២២ គឺ ONE: Heavy Hitters នាថ្ងៃសុក្រទី ១៤ ខែមករា ខាងមុខនេះ។
ក្នុងការឡើងការពារខ្សែក្រវាត់ចុងក្រោយរបស់ខ្លួនកីឡាការិនីវ័យ ៣៣ ឆ្នាំ បានយកឈ្នះកីឡាការិនីសញ្ជាតិប្រេស៊ីល និងជាជើងឯកជីជិតស៊ូពិភពលោក ១៣ សម័យកាល Michelle Nicolini ដើម្បីការពារខ្សែក្រវាត់របស់ខ្លួន។ លទ្ធផលខាងលើនេះនាំឲ្យ Xiong កើនជ័យជម្នះរហូតដល់ ១៦ ដង និងចាញ់ ២ ដង ក្នុងនោះដែរ គេបានផ្ដួលដៃគូឲ្យសន្លប់រហូតដល់ ១០ លើកឯណោះ។ លើសពីនេះទៅទៀត គេនៅតែមិនទាន់ចាញ់ ក្នុងការប្រកួតទម្ងន់ strawweight នៅសង្វៀន ONE Championship ហើយការចាញ់របស់គេមានតែការប្រកួតទល់នឹង ‘Unstoppable’ Angela Lee ក្នុងការដណ្ដើមខ្សែក្រវាត់ ONE atomweight ប៉ុណ្ណោះកាលខែតុលា ឆ្នាំ ២០១៩។
គេជាកីឡាការិនីចិនដំបូង ដែលឈ្នះខ្សែក្រវាត់ពិភពលោកជាង ១៤០០ ថ្ងៃ។ ក្រៅពីមានក្បាច់ប្រយុទ្ធដ៏អស្ចារ្យក្នុងទម្ងន់ strawweight កីឡាការិនី Xiong បានអភិវឌ្ឍខ្លួនលើស្នៀតចំបាប់ និងជឺជិតស៊ូយ៉ាងល្អ ដោយមានការបង្វឹកពីសំណាក់គ្រូល្អៗលំដាប់ពិភពលោកនៅក្លិប Evolve MMA នាប្រទេសសិង្ហបុរី។ Xiong កាន់តែស្រេកឃ្លានក្នុងការស្វែងរកជ័យជម្នះទល់នឹងកីឡាការិនីលំដាប់ទី ៤ Miura ដែលធ្វើបានល្អគ្រប់ការប្រកួតនេះពេលកន្លងមកនៅសង្វៀន Singapore Indoor Stadium។ អ្នកគាំទ្រនឹងបានទស្សនាការប្រកួតយ៉ាងគឃ្លើនតាំងពីទឹកដំបូងជាក់ជាមិនខាន ក្នុងនាមស្ដេចត្រាញ់ក្នុងទម្ងន់ strawweight។
មុនឡើងទៅដណ្ដើមខ្សែក្រវាត់ Miura បានថ្លែងថា៖«គ្រប់គូប្រជែង ដែលខ្ញុំបានជួបប្រកួតសុទ្ធតែបានចូលរួមប្រកួតដណ្ដើមខ្សែក្រវាត់ពិភពលោក លើកលែងតែខ្ញុំមួយ។ ដូច្នេះខ្ញុំចង់សាកល្បងវា។ ខ្ញុំគិតថា មានតែXiong ដែលជាគូប្រជែងដ៏ខ្លាំងបំផុតមIយ ប៉ុន្តែ ខ្ញុំដឹងទេ រហូតដល់ខ្ញុំអាចជួបគេដោយផ្ទាល់»។
បែបណាក្ដី Xiong Jing Nan មិនខ្លាចគូប្រកួតណាទាំងអស់ ព្រោះគេបានឡើងការពារខ្សែ ក្រវាត់ ONE strawweight ជោគជ័យពីរលើករួចមកហើយ ពោលលើកទី១ ការពារបានសម្រេចទល់នឹងTiffany Teo និងលើកទី២ ទល់នឹង Michelle Nicolini ។ តើលើកទី៣ លទ្ធផលទៅជាបែបណា?
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)