កីឡា
កីឡាករ U-23 ថៃ លេងនៅលីគព័រទុយហ្គាល់ថា ជួបកម្ពុជា មិនមែនជារឿងងាយស្រួល
កីឡាករ Chayapipat Supunpasuch ខ្សែបម្រើសជាតិ U-23 ថៃ ដែលលេងនៅឈុត B នៃក្លិបលីគកំពូលព័រទុយហ្គាល់ បានបង្ហើបថា ការប្រកួតជាមួយកម្ពុជា មិនមែនជារឿងងាយស្រួលនោះឡើយ។
ការលើកឡើងបែបនេះគឺនៅមុនជួប U-23 កម្ពុជា ក្នុងជំនួបទី៣ ប្រចាំពូល B នៃព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម នាថ្ងៃទី១៤ ខែឧសភា ស្អែកនេះ។

Chayapipat Supunpasuch ខ្សែបម្រើជម្រើសជាតិថៃបាននិយាយថា៖ «ឥឡូវគ្រប់គ្នាមានទំនុកចិត្តហើយ។ បន្ទាប់ពីយកឈ្នះសិង្ហបុរី ៥-០ បន្ទាប់ពីការប្រកួតដំបូងយើងចាញ់ ប៉ុន្តែយើងមិនចង់ឈប់ប្រយុទ្ធទេ។ ខ្ញុំត្រៀមខ្លួនជាស្រេចសម្រាប់ការប្រកួតបន្ទាប់ជាមួយកម្ពុជា»។
«ការប្រកួតជាមួយកម្ពុជា មិនមែនជាការប្រកួតងាយស្រួលនោះទេ យើងត្រូវតែតាំងចិត្ត រក្សាភាពជឿជាក់សម្រាប់ក្រុមដើម្បីឈ្នះ យើងត្រូវតែមើលការប្រកួតពីមួយទៅមួយ។ ហើយគិតអំពីការប្រកួតបន្ទាប់។ ប្រកួតនេះយើងត្រូវប្រមូល ៣ពិន្ទុជាមុនសិន» ។

កីឡាករវ័យ ២១ឆ្នាំរូបនេះលេងនៅអ៊ឺរ៉ុប ឱ្យឈុត B នៃក្លិបលីគកំពូលព័រទុយហ្គាល់ G.D. Estoril Praia ប៉ុន្តែការមកលេងឱ្យថៃ សម្រាប់ប្រទេសអាស៊ីរូបគេថាមិនជាពិបាកឡើយ។ «សម្រាប់ Mano ដែលជាគ្រូបង្វឹក មានវិធីសាស្រ្តបាល់ទាត់ស្រដៀងនឹងព័រទុយហ្គាល់ ខ្ញុំបានមកលេងក្នុងក្រុមនេះ វាងាយស្រួលលេង ហើយគ្រូបង្វឹកបានពន្យល់ពីអ្វីដែលគាត់ចង់បានពីខ្ញុំ ខ្ញុំព្យាយាមសម្របខ្លួន និងជួយក្រុមតាមដែលខ្ញុំអាចធ្វើបាន»។

បញ្ចាក់ថា សម្រាប់ក្រុមជម្រើសជាតិថៃ នឹងជួបជាមួយកម្ពុជា នៅកីឡដ្ឋាន Thien Trung នៅថ្ងៃទី១៤ ខែឧសភាឆ្នាំ២០២២ វេលាម៉ោង ១៩:០០យប់។ ថៃ ត្រូវការឈ្នះ កម្ពុជា ដាច់ខាត ដូច្នេះហើយការប្រកួតថ្ងៃស្អែក ប្រាកដជាការប្រកួតមួយដែលមានភាពស្វិតស្វាញ ស្របពេលដែលកម្ពុជា ក៏រឹតតែត្រូវការឈ្នះដ្បិតបច្ចុប្បន្នកំពុងមាន ៣ពិន្ទុក្នុងដៃដូចគ្នា៕
អត្ថបទ៖ មន្នីរ័ត្ន

-
ព័ត៌មានអន្ដរជាតិ២២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?