កីឡា

ភ្នំពេញក្រោន ឈ្នះជើងឯកខេមបូឌានលីគខាប់ និងជាក្លិបដំបូងគេឈ្នះពានរង្វាន់បាល់ទាត់កម្ពុជា ៣ផ្សេងគ្នា

បានផុស

៤ years មុន

នៅ

ថ្ងៃសៅរ៍ ២៨ ឧសភា ២០២២

ដោយ

ក្លិបបាល់ទាត់ភ្នំពេញក្រោន បានក្លាយជាម្ចាស់ជើងឯកខេមបូឌានលីគខាប់ រដូវកាល២០២២ ជាផ្លូវការ ក្រោយយកឈ្នះវិសាខា នៅវគ្គផ្ដាច់ព្រ័ត្រ ២-១ នាល្ងាចថ្ងៃទី២៨ ខែឧសភា ឆ្នាំ២០២២ នៅកីឡដ្ឋានស្មាតអអេសអិន។

នេះជាការប្រកួតដ៏ស្វិតស្វាញដោយនៅវគ្គទី១ ក្រុមទាំងពីរបានត្រឹមស្មើគ្នា ០-០ ប៉ុន្តែចូលដល់វគ្គទី២ ទើបកីឡាករ ប្រាក់ ធីវ៉ា រកគ្រាប់បាល់នាំមុខឱ្យភ្នំពេញក្រោន នៅនាទី៥០។ ការប្រកួតកាន់តែតានតឹង ដោយនៅនាទី៦១ កីឡាករវិសាខាម្នាក់ត្រូវបានអាជ្ញាកណ្ដាលបណ្ដេញចេញ (កាតក្រហម) ក្រោយបង្កកំហុសវាយទៅលើកីឡាករភ្នំពេញក្រោន។ យ៉ាងណាមិញទោះនៅសល់គ្នា ១០នាក់ វិសាខា ក៏បានសងវិញបានមួយគ្រាប់នៅនាទី៨៣ ដោយកីឡាករ Khan Mohammad Faez ធ្វើឱ្យការប្រកួតកាន់តែក្ដៅកគុក ប៉ុន្តែចូលដល់នាទី៨៧ ភ្នំពេញក្រោន បាននាំមុខជាថ្មី ធ្វើបានសម្រេចដោយកីឡាករ Yudai Ogawa ហើយក៏ជាគ្រាប់ជ័យជម្នះផងដែរ។

ដូច្នេះការឈ្នះនេះ គឺធ្វើឱ្យភ្នំពេញក្រោន ឈ្នះពានខាមបូឌានលីគខាប់ ដំបូងគេ ដ្បិតឆ្នាំកន្លងទៅខកខានក្នុងការរៀបចំវគ្គផ្ដាច់ព្រ័ត្រ ដោយសារកូវីដ។ ខណៈការឈ្នះនេះផងដែរ ក៏ធ្វើឱ្យភ្នំពេញក្រោន ក្លាយជាក្លិបដំបូងគេដូចគ្នា ដែលស្គាល់ពាក្យឈ្នះពានរង្វាន់៣ រួចជានៅកម្ពុជា រួមមានលីគកំពូលកម្ពុជា (៧ដង) ពានរង្វាន់សមតេចតេជោ ហ៊ុន សែន (២ដង) និងខេមបូឌានលីគខាប់ (១ដង) ចាប់តាំងពីក្លិបបង្កើតឡើងនៅឆ្នាំ២០០១ មក៕

អត្ថបទ ៖ មន្នីរ័ត្ន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា