Connect with us

កីឡា

ក្រសួងអប់រំ ធ្វើកំណែទម្រង់ស៊ីជម្រៅ ដើម្បីលើកកម្ពស់វិស័យកីឡា ឆ្ពោះទៅធ្វើម្ចាស់ផ្ទះស៊ីហ្គេម

បានផុស

នៅ

ថ្លែងក្នុងឱកាសបើកការប្រកួតជាផ្លូវការ នៃការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២២ បណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា ក្រសួងអប់រំ បានរៀបចំគោលនយោបាយកីឡាជាតិ ស្ដីពីការអភិវឌ្ឍវិស័យអប់រំកាយ និងកីឡា ព្រមទាំងបានធ្វើកំណែទម្រង់ស៊ីជម្រៅលើការងារអប់រំកាយ និងកីឡា ចំនួន ៤ចំណុច ដើម្បីលើកកម្ពស់វិស័យកីឡាឆ្ពោះទៅធ្វើម្ចាស់ផ្ទះស៊ីហ្គេម លើកទី៣២ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំណែទម្រង់នោះ រួមមាន៖ ១. ការជួសជុលកែលម្អ និងកសាងហេដ្ឋារចនាសម្ព័ន្ធកីឡា ២. ការបណ្ដុះបណ្ដាលធនធានមនុស្ស ៣. ការកែលម្អរចនាសម្ព័ន្ធនៃការប្រកួត ៤. ការពង្រឹងសហព័ន្ធកីឡាជាតិ។

មិនតែប៉ុណ្ណោះក្រសួងអប់រំ ក៏បានដាក់នូវកំណែទម្រង់ការប្រកួតកីឡាគ្រប់កម្រិតក្នុងការរៀបចំឱ្យមានគុណភាព មានលក្ខណៈជាហ្គេមដូចជា៖

១. ការប្រកួតកីឡាសិស្សមធ្យមសិក្សាជ្រើសរើសជើងឯកប្រចាំឆ្នាំ ៤ប្រភេទកីឡា មកជាការប្រកួតកីឡាសិស្សមធ្យមសិក្សាថ្នាក់ជាតិមានជាលក្ខណៈហ្គេម (National School GAMES) ស្របតាមការប្រកួតកីឡាសិស្សអាស៊ាន (ASEAN School GAMES)។

២. ការប្រកួតកីឡាឧត្ដមសិក្សា និងមធ្យមសិក្សាបច្ចេកទេស ជ្រើសរើសជើងឯកប្រចាំឆ្នាំ ៤ប្រភេទកីឡា មកជាការប្រកួតកីឡាឧត្ដមសិក្សា និងមធ្យមសិក្សាបច្ចេកទេស មានជាលក្ខណៈហ្គេម (National University GAMES) ស្របតាមការប្រកួតកីឡាសាកលវិទ្យាល័យអាស៊ាន (ASEAN University GAMES)។

៣. ការប្រកួតកីឡាសាកលវិទ្យាល័យពិភពលោករដូវក្ដៅ (World Summer University Games)។

បណ្ឌិតសភាចារ្យ ហង់ជួន ណារ៉ុន មានប្រសាសន៍បន្ថែមថា ចំពោះកីឡាករ កីឡាការិនី ដែលមានទេពកោសល្យនឹងក្លាយជាកីឡាករ កីឡាការិនី សម្រាប់សហព័ន្ធកីឡាសិស្សនិស្សិតកម្ពុជា ហើយក៏ក្លាយជាកីឡាករ កីឡាការិនីសិស្សនិស្សិតតំណាងឱ្យកម្ពុជា ក្នុងការបន្តហ្វឹកហាត់ ដើម្បីត្រៀមលក្ខណៈចូលរួមការប្រកួតកីឡាសិស្សអាស៊ាន និងប្រកួតកីឡាសាកលវិទ្យាល័យអាស៊ាន ជាពិសេសបន្តការហ្វឹកហាត់ទាំងបច្ចេកទេស និងកាយសម្បទា ឆ្ពោះទៅកីឡាស៊ីហ្គេម លើកទី៣២ ឆ្នាំ២០២៣ នាពេលដ៏ខ្លីខាងមុខ ជាពិសេស គឺអនុវត្តតាមអនុសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ដែលបានជំរុញលើការផ្សព្វផ្សាយឱ្យបានទូលំទូលាយនូវពាក្យស្លោក “ប្រជាជនម្នាក់លេងកីឡាមួយប្រភេទប្រចាំជីវិត” ដែលត្រូវផ្ដើមចេញពីការអនុវត្តកីឡាក្រៅម៉ោងសិក្សានៅក្នុងគ្រឹះស្ថានសិក្សាគ្រប់កម្រិត។

គួរបញ្ជាក់ថា ការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២២ ដំណើរការពីថ្ងៃទី២១ ដល់ថ្ងៃទី៣០ ខែមិថុនា ឆ្នាំ២០២២ ដោយមានប្រតិភូ កីឡាករ និងកីឡាការិនីសរុប ១ ៤៤៣ នាក់ មកពីមានគ្រឹះស្ថានឧត្ដមសិក្សា និងមធ្យមសិក្សាបច្ចេកទេស សរុបចំនួន ៣៨។ ក្នុងនោះគ្រឹះស្ថានសិក្សាសាធារណៈ ចំនួន ២០ និងឯកជន ចំនួន ១៨ ដែលមាន ១២ប្រភេទកីឡា ស្មើនឹង ៨៨វិញ្ញាសា នឹងត្រូវប្រើប្រាស់ទីលានកីឡា ចំនួន ៥ទីតាំង គឺទីលានវិទ្យាស្ថានជាតិអប់រំកាយ និងកីឡា ទីលានវិទ្យាល័យបឹងត្របែក ពហុកីឡដ្ឋានជាតិអូឡាំពិក ទីលានមជ្ឈមណ្ឌលជាតិហ្វឹកហ្វឺនកីឡា និងទីលានសាកលវិទ្យាល័យភូមិន្ទភ្នំពេញ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

លោក ហេង សួរ ចង់ឱ្យ​គម្រោង​គាំទ្រ​ស្ត្រី​ក្នុង​វិស័យ​ថែរក្សា​សម្ផស្ស និង​សហគ្រិនភាព ក្លាយជា​កូនសោ​ពង្រីក​ការបណ្តុះបណ្តាល​ជំនាញ​ដល់​ពលរដ្ឋ​ខ្មែរ​កាន់តែច្រើន

ព័ត៌មានជាតិ៣ ម៉ោង មុន

ការថតវីដេអូ Pre-Wedding នៅតាមប្រាង្គប្រាសាទ​កើន​ជិត ៤ ពាន់វីដេអូ

ព័ត៌មានជាតិ៣ ម៉ោង មុន

មន្រ្តីក្រសួង​សាធារណការ​ចុះ​ប្រមូលព័ត៌មាន​​​​ទីតាំង​​​​សាងសង់​ផ្លូវល្បឿនលឿនភ្នំពេញ-សៀមរាប

ព័ត៌មានជាតិ៤ ម៉ោង មុន

នាយទាហានកម្ពុជា៨រូប បានការពារសារណាបញ្ចប់ការសិក្សាដោយជោគជ័យ នៅប្រទេសចិន

ព័ត៌មានជាតិ៤ ម៉ោង មុន

ជប៉ុន ប្រគល់គ្រឿងឥស្សរិយយសជូនលោក ពិត ចំណាន ដែលបានលើកកម្ពស់ទំនាក់ទំនងកម្ពុជា-ជប៉ុន លើវិស័យអប់រំ

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម