កីឡា
U-19 សិង្ហបុរី មានចំណុចគួរឱ្យចាប់អារម្មណ៍ច្រើន មុនជួបកម្ពុជាល្ងាចនេះ
ក្រុមបាល់ទាត់ជម្រើសជាតិកម្ពុជា នឹងបើកយុទ្ធនាការប្រកួតពានរង្វាន់ជើងឯកយុវជនអាយុក្រោម ១៩ ឆ្នាំ អាស៊ាន (AFF U-19 Boys Championship 2022) ទល់នឹង U-19 សិង្ហបុរី នាល្ងាចថ្ងៃទី ០៣ កក្កដានេះ។ ការប្រកួតនឹងធ្វើឡើងនៅវេលាម៉ោង ៧:០០ យប់ នៅកីឡដ្ឋាន Gelora Bung Karno Madya Stadium រដ្ឋធានី Jakarta។
មុនការប្រកួតមកដល់ លោក ខាន់ កាត់ គ្រូជំនួយបាននិយាយដូច្នេះថា៖ «យើងមិនអាចរៀបចំក្រុមឲ្យបានល្អដូចការរំពឹងទុកនោះទេ។ ប៉ុន្តែយើងនឹងធ្វើឱ្យអស់ពីសមត្ថភាពជាមួយនឹងកីឡាករដែលយើងមាន។ យើងនឹងខិតខំឲ្យខ្លាំង ដើម្បីទទួលបានលទ្ធផលសម្រាប់ក្រុម និងប្រទេស។»
ដោយឡែក U-19 សិង្ហបុរី ត្រូវបានមើលឃើញថា មានកីឡាករមានសក្ដានុពល ក្នុងក្រុមជាក់ស្ដែង គេមានកីឡាករ ៩ នាក់ ដែលបានលេងច្រើនជាង ២ ប្រកួតនៅលីគកំពូលសិង្ហបុរី ក្នុងនោះក៏មានកីឡាករមកពី ៨ ក្លិបនៅលីគកំពូល និងលីគទី ២ សិង្ហបុរី។
លើសពីនេះទៅទៀតគេមានកីឡាករ ៥ នាក់ ដែលធ្លាប់ត្រូវបានកោះហៅចូលក្រុមជម្រើសជាតិសិង្ហបុរី អាយុក្រោម ២៣ ឆ្នាំ ដែលប្រកួតក្នុងស៊ីហ្គេមកាលពីពេលថ្មីៗនេះ។ មានកីឡាករម្នាក់ឈ្មោះថា Khairin Nadim ដែលត្រូវបានចាត់ទុកថាជាកីឡាករល្អ បន្ទាប់ពីរូបគេបានក្លាយជាកីឡាករវ័យក្មេងជាងគេដែលរកគ្រាប់បាល់បាន ៥ គ្រាប់ ក្នុងលីគកំពូលសិង្ហបុរី។
គួររំឮកថា ពានយុវជនអាស៊ីអាគ្នេយ៍អាយុក្រោម ១៩ ឆ្នាំ (AFF U-19 Championship) គ្រោងធ្វើពីថ្ងៃទី ០២ ដល់ថ្ងៃទី ១៥ នៅខែកក្កដា ឆ្នាំ ២០២២។ ក្រុមជម្រើសជាតិកម្ពុជា អាយុក្រោម ១៩ ឆ្នាំ ស្ថិតនៅពូល B ជាមួយ ម៉ាឡេស៊ី, ឡាវ, ទីម័រខាងកើត និងសិង្ហបុរី៕
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត