កីឡា

ក្រៅពីចូលរួមមហាសន្និបាតក្រុមប្រឹក្សាអូឡាំពិកអាស៊ី ភ្ញៀវអន្តរជាតិចង់ទៅមើលអង្គរវត្ត

បានផុស

៤ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

ភ្ញៀវអន្តរជាតិចន្លោះពី ៣០០ ទៅ ៤០០នាក់នេះនឹងចូលរួម មហាសន្និបាតក្រុមប្រឹក្សាកីឡាអូឡាំពិកអាស៊ី (OCA) លើកទី៤១ ចាប់ពីថ្ងៃទី០១ដល់ទី០៥ ខែតុលា ឆ្នាំ២០២២ ខាងមុខនេះ។

កិច្ចប្រជុំត្រៀមមហាសន្និបាត OCA (រូបថត៖ យឹម វឌ្ឍនា)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្ញៀវអន្តរជាតិទាំងនោះសុទ្ធតែចង់ស្គាល់ភាពរីកចម្រើនលើគ្រប់វិស័យរបស់ប្រទេសកម្ពុជា។ ស្របពេលបាន និងកំពុងអភិវឌ្ឍប្រទេសជាតិឈានទៅរកភាពរុងរឿង កម្ពុជាមានលទ្ធភាពពេញលេញក្នុងការទទួលរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលនេះជាកម្លាំងចលករដ៏សំខាន់ជួយលើកតម្កើតកិត្យានុភាព និងមុខមាត់ជាតិលើឆាកអន្តរជាតិ ជាពិសេសជំរុញកំណើនវិស័យទេសចរណ៍ បន្ទាប់ពីរងផលប៉ះពាល់ធ្ងន់ធ្ងរដោយវិបត្តិជំងឺកូវីដ-១៩។

នាព្រឹកថ្ងៃទី៨ ខែកញ្ញានេះ គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ដែលហៅកាត់ CAMSOC បានរៀបចំកិច្ចប្រជុំស្តីពីការត្រៀមលក្ខណៈសម្បត្តិធ្វើម្ចាស់ផ្ទះ មហាសន្និបាតក្រុមប្រឹក្សាអូឡាំពិកអាស៊ី លើកទី៤១។

ក្រោយកិច្ចប្រជុំ ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា និង CAMSOC បានប្រាប់អ្នកសារព័ត៌មានថា ៖«មហាសន្និបាត OCA នឹងមាន៤៥ប្រទេសចូលរួម។ ដូច្នេះភ្ញៀវអន្តរជាតិចន្លោះពី ៣០០ ទៅ ៤០០នាក់នេះចូលរូម។ យើងមានមោទនភាព ក្នុងការរៀបចំធ្វើជាម្ចាស់ផ្ទះ មហាសន្និបាតក្រុមប្រឹក្សាកីឡាអូឡាំពិកអាស៊ី ដើម្បីលើកកម្ពស់កិត្យានុភាពជាតិរបស់យើង ដើម្បីបង្ហាញអំពីស្ថានភាពពិត និងសក្ដានុពលរបស់ជាតិរបស់យើង និងស្ថានភាពកម្ពុជា ដែលកំពុងរស់នៅក្នុងសន្ដិភាព និងការអភិវឌ្ឍនេះ ទៅដល់ប្រទេសទាំងអស់ ដែលបានចូលរួម»។

ឯកឧត្តម វ៉ាត់ ចំរើន អះអាងថា ពេលនេះ គណៈកម្មការជំនាញបានកំណត់ច្បាស់លាស់នូវភាពចុះសម្រុងគ្នា និងប្រទាក់ក្រឡាគ្នា ក្នុងការងារដ៏មានប្រសិទ្ធភាព ទាំងការមកដល់ ការទទួល និងការរៀបចំនូវដំណើរទស្សនកិច្ចផ្សេងៗទៀត។ បច្ចុប្បន្ន ភ្ញៀវភាគច្រើនណាស់ចង់មកប្រជុំនៅកម្ពុជា ហើយនឹងអាចបានទៅលេងប្រាសាទអង្គរវត្ត ពីព្រោះភ្ញៀវអន្តរជាតិខ្លះមិនទាន់បានស្គាល់អង្គរវត្តដ៏ល្បីល្បាញរបស់កម្ពុជា ដោយឆ្លៀតឱកាសមកប្រជុំផង និងបានទៅធ្វើទស្សនកិច្ចនៅអង្គរវត្តផង ដូច្នេះហើយដំណើររបស់ភ្ញៀវអន្តរជាតិនឹងផ្តល់ផលចំណេញដល់វិស័យទេសចរណ៍របស់កម្ពុជាទៀត៕

អត្ថបទ៖ វីរបុត្រ

Related Topics:កីឡាស៊ីហ្គេម

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា