កីឡា
U-23 កម្ពុជា ប្រកួតជាមួយ U-23 ជប៉ុន មានសារៈសំខាន់លើសពីការប្រកួតមិត្តភាពកម្ដៅសាច់ដុំ
ក្រុម U-23 កម្ពុជា នឹងធ្វើការប្រកួតមិត្តភាពអន្តរជាតិ ជាមួយក្រុម U-23 ជប៉ុន ដែលនេះជាការត្រៀមដ៏សំខាន់មួយដើម្បីដកស្រង់បទពិសោធន៍ ខណៈក្រៅតែពីជាគោលដៅត្រៀមខ្លួនសម្រាប់ការប្រកួតព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) លើកទី៣២ ឆ្នាំ២០២៣ នៅកម្ពុជា ហើយលើសពីនេះទៅទៀត ក៏ជាការហ្វឹកហាត់អភិវឌ្ឍន៍សមត្ថភាពកម្លាំង ដែលជាផ្នែកមួយនៃបញ្ហា នៅក្នុងការប្រកួត។ នេះបើតាមសម្ដីរបស់ លោក ភា សុភ័ក្ត្រា គ្រូជំនួយនៃក្រុមជម្រើសជាតិកម្ពុជា ក៏ដូចជា U-23 កម្ពុជា។
លោក ភា សុភ័ក្ត្រា បានបញ្ជាក់យ៉ាងដូច្នេះថា «ដូចអ្វីដែលយើងរៀបចំ គឺក្រៅតែពីផែនការត្រៀមសម្រាប់ស៊ីហ្គេម នៅក្នុងឱកាសនៃការលេងមិត្តភាពនេះ យើងបានកោះហៅកីឡាករដ៏ច្រើន ខុសពីសព្វមួយដង ពីព្រោះជាហេតុផល នៅពេលយើងមើលទៅលើកម្រិតរបស់ពួកគាត់ដែលមានគុណភាពផ្សេងៗគ្នា គុណភាពប្រហាក់ប្រហែលគ្នា មានអ្នកខ្លះមានគុណភាពខ្ពស់ ប៉ុន្តែអ្វីដែលយើងចង់បានកាន់តែខ្លាំងគឺការប្រើប្រាស់កម្លាំង»។
«ការប្រើប្រាស់កម្លាំងនេះ គឺដើម្បីផ្សារភ្ជាប់ជាមួយនឹងតាក់ទិចនៃការលេងតម្រូវការខ្ពស់ផ្នែកកម្លាំងនៃការប្រយុទ្ធ បង្កើនចលនានៃការគាំទ្រ និងការប្រយុទ្ធ ក៏ដូចជារក្សាកម្លាំងឱ្យមានថេរវេលាគ្រប់គ្រាន់ដែលយើងតែងតែឃើញមកហើយថា កន្លងមកកីឡាករយើងភាគច្រើនគឺតែងតែធ្លាក់ចុះកម្លាំងក្រោយពីការរត់អស់។ អ៊ីចឹងវាជាហេតុលផលមួយនៅក្នុងន័យដើម្បីពួកគាត់បានដឹងផងដែរពាក់ព័ន្ធនឹងការហ្វឹកហាត់អភិវឌ្ឍន៍សមត្ថភាពកម្លាំង»។ អតីតគ្រូបង្វឹករបស់សមាគមកីឡាបាល់ទាត់កងយោធពលខេមរភូមិន្ទ បានបន្ថែម។
ជាការផ្សារភ្ជាប់ទៅនឹងការអភិវឌ្ឍន៍កម្លាំង ក្រុមការងារជម្រើសជាតិ ដែលដឹកនាំដោយ លោក Keisuke Honda បានដាក់លក្ខខណ្ឌតម្រូវឱ្យកីឡាករដែលត្រូវបានជ្រើសរើសចូលក្រុមជម្រើសជាតិមិនថាក្រុមធំ ឬក្រុមអាយុក្រោម ២៣ឆ្នាំ (ដែលជាក្រុមត្រៀមស៊ីហ្គេម) ត្រូវធ្វើតេស្តកម្លាំងអំណត់ (30-15IFT) ចាប់ពី ២០.៥គីឡូម៉ែត្រ/ម៉ោងឡើងទៅ។ ខណៈការកោះហៅកីឡាករច្រើនដល់ទៅ ៣៥នាក់ គឺដើម្បីយ៉ាងហោចណាស់កីឡាករទទួលបានបទពិសោធន៍ពីការធ្វើតេស្តកម្លាំងអំណត់ដ៏សំខាន់នេះ។
គ្រូជំនួយវ័យ ៤០ឆ្នាំរូបនេះបានសង្កត់ធ្ងន់ថា «មួយវិញទៀតសោត ក៏ដូចជាការជំរុញទឹកចិត្ត ឬក៏លើកទឹកចិត្តទៅដល់ពួកគាត់ដែលបានប្រឹងប្រែងបង្ហាញការប្រកួតកម្រិតខ្ពស់នៅលើទីលានសម្រាប់ក្លិបរៀងៗខ្លួន ក៏ដូចជាការសាបព្រួសដំណាក់កាលដំបូងអំពីរបៀបនៃការរត់ (30-15IFT) ហើយនៅពេលដែលគាត់គិតថាពេលដែលគាត់បានចូលរួមគាត់ទទួលបានបទពិសោធន៍ ឬក៏ដឹងថាខ្លួនឯងនៅខ្វះខាតបញ្ហាកម្លាំងនេះ ដើម្បីឲ្យគាត់ប្រឹងប្រែងជំរុញទឹកចិត្តខ្លួនឯងក្នុងការអភិវឌ្ឍន៍សមត្ថភាពកម្លាំង ដើម្បីឲ្យមានឱកាសមកចូលរួមលើកក្រោយទៀត»។
បញ្ជាក់ថា ការប្រកួតរវាង U-23 កម្ពុជា ជាមួយ U-23 ជប៉ុន គ្រោងនឹងធ្វើឡើងនៅថ្ងៃទី២០ ខែកញ្ញា ឆ្នាំ២០២២ វេលាម៉ោង ៧យប់ នាពហុកីឡដ្ឋានជាតិមរតកតេជោ ហើយការប្រកួតមានផ្សាយផ្ទាល់តាមរយៈទូរទស្សន៍បាយ័ន និង BTV News ផងដែរ៕
អត្ថបទ ៖ មន្នីរ័ត្ន
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?