កីឡា

PATHMAZING ដាក់គោលដៅរកថវិកា៦លានដុល្លារសម្រាប់ស៊ីហ្គេមនៅកម្ពុជា

បានផុស

៤ years មុន

នៅ

ថ្ងៃព្រហស្បតិ៍ ២៩ កញ្ញា ២០២២

ដោយ

ក្រុមហ៊ុន PATHMAZING Inc បានចុះកុងត្រាផ្តាច់មុខជាមួយគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) ដើម្បីធ្វើទីផ្សារ និងផ្សព្វផ្សាយក្នុងគោលដៅស្វែងរកថវិកា ក៏ដូចជារៃអង្គាសប្រាក់សម្រាប់ជួយឧបត្ថម្ភគាំទ្រដល់កីឡាស៊ីហ្គេម និងអាស៊ានប៉ារ៉ាហ្គេម លើកដំបូងនៅកម្ពុជា។

លោក Steven Path, CEO របស់ PATHMAZING និងឯកឧត្តម វ៉ាត់ ចំរើន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

PATHMAZING នឹងស្វែងរកថវិកាតាមរយៈម្ចាស់ឧបត្ថម្ភពីវិស័យឯកជន ការអភិវឌ្ឍយុទ្ធសាស្ត្រទីផ្សារ និងការផ្សព្វផ្សាយ គ្រប់គ្រងកម្មសិទ្ធិបញ្ញា និងលក់កម្មសិទ្ធិបញ្ញា ក៏ដូចជាវត្ថុអនុស្សាវរីយ៍ផ្សេងៗ។ ក្រុមហ៊ុននេះជាអ្នករ៉ាប់រងក្នុងការរកចំណូល ហើយត្រូវបានកំណត់ក្នុងច្រកចេញចូលតែមួយ ដើម្បីជំរុញឲ្យមានតម្លាភាព គណនេយ្យភាព។ ដើម្បីលើកកម្ពស់បន្ថែមលើគោលការណ៍សន្សំសំចៃខ្ពស់ ឲ្យកាន់តែមានប្រសិទ្ធភាពខ្ពស់ គឺ CAMSOC បានប្រើប្រាស់យន្តការផ្តល់សិទ្ធិដល់ក្រុមហ៊ុនឯកជន ដែលមានវិជ្ជាជីវៈត្រឹមត្រូវច្បាស់លាស់។

យោងតាមការផ្សាយរបស់ Kiripost ដែលជាបុត្រសម្ព័ន្ធរបស់ក្រុមហ៊ុន PATHMAZING បានដាក់គោលដៅស្វែងរកថវិកាចំនួន៥លានដុល្លារអាមេរិកតាមរយៈម្ចាស់ឧបត្ថម្ភ និង១លានដុល្លារអាមេរិកទៀតតាមរយៈការរៃអង្គាស ក៏ដូចជាបរិច្ចាគពីសប្បុរសជនទាំងក្នុង និងក្រៅប្រទេស។

តាមការគ្រោងទុក កីឡាស៊ីហ្គេម លើកទី៣២ ឆ្នាំ២០២៣នឹងចាប់ផ្តើមពីថ្ងៃទី៥ ដល់ទី១៦ ខែឧសភា និងអាស៊ានប៉ារ៉ាហ្គេម លើកទី១២ នឹងចាប់ផ្តើមពីថ្ងៃទី៣ ដល់ទី៩ ខែមិថុនា នៅរាជធានីភ្នំពេញ។

តាមការប៉ាន់ស្មាន មន្ត្រី និងភ្ញៀវអន្តរជាតិប្រមាណ១ម៉ឺននាក់ នឹងមានវត្តមានក្នុងព្រឹត្តិការណ៍កីឡាស៊ីហ្គេម ដែលនឹងមានភ្ញៀវទេសចរអន្តរជាតិពី២០ម៉ឺននាក់ទៅកន្លះលាននាក់ត្រូវបានរំពឹងចូលកម្ពុជានាឆ្នាំ២០២៣៕

អត្ថបទ៖ វីរបុត្រ
ប្រភព៖ Kiripost

Related Topics:កីឡាស៊ីហ្គេម

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា