Connect with us

កីឡា

រត់​​ Fun Run​ ដើម្បី​​អាស៊ី​ហ្គេម​ និង​ ស៊ីហ្គេម​ នៅ​ខ្មែរ​​ម្សិល​​មិញ​​មាន​​អ្នក​​ចូល​១​​ពាន់​​នាក់

បានផុស

នៅ

ព្រឹត្តិការណ៍​រត់​ប្រណាំង OCA Fun Run នៅតំបន់ជ្រោយចង្វារ​កាល​ពី​ព្រឹក​ថ្ងៃ​អាទិត្យ ទី​២ ខែ​តុលា ដើម្បី​​អបអរសាទរមហាសន្និបាត​ក្រុម​ប្រឹក្សា​អូឡាំពិក​អាស៊ី (OCA) លើកទី៤១ នៅកម្ពុជាផង និងដំណើរឆ្ពោះទៅព្រឹត្តិការណ៍ 19th Asian Games Hangzhou 2022 នៅប្រទេសចិនផង​មាន​អ្នក​ចូល​រួម​ប្រមាណ​១​ពាន់​​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​រៀប​ចំ​ឲ្យ​មាន​ព្រឹត្តិការណ៍​រត់​ប្រណាំង OCA Fun Run ​ស្រប​ពេល​កម្ពុជា​ទទួល​ធ្វើម្ចាស់ផ្ទះមហាសន្និបាតក្រុមប្រឹក្សាកីឡាអូឡាំពិកអាស៊ីនេះ​ដែល​នេះ​បាន​ក្លាយ​ជា​បទពិសោធន៍​​សម្រាប់​កម្ពុជា​ដែល​កំពុង​ត្រៀមធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។ វា​បាន​ក្លាយ​ជា​ការ​ហ្វឹកហាត់ការងារ ទាំង​ទំនាក់ទំនង បដិសណ្ឋារកិច្ច ការស្នាក់នៅ-ហូបចុក និងការរៀបចំកម្មវិធីផ្សេងៗទៀត។

​​លោក វ៉ាត់ ចំរើន អគ្គលេខាធិការ​នៃគណៈ​កម្មាធិការ​ជាតិ​អូឡាំពិក​បាន​លើក​ឡើង​ថា ៖«យើងហ្វឹកហាត់ពីការរៀបចំ Fun Run នេះ បានន័យថា កម្ពុជា​ទទួលបានប្រយោជន៍ច្រើនណាស់ លើការងារបច្ចេកទេស ការផ្លាស់ប្ដូរ និងទទួលបទពិសោធន៍ពីក្រុមការងារអន្ដរជាតិ ដែលចូលរួមកម្មវិធីនេះ។ នេះគឺអ្វីដែលយើងចង់បានក្នុងលក្ខណៈជំនាញ ប៉ុន្ដែសំខាន់ មិនមែនជារឿងងាយស្រួលទេ។ យើងធ្វើទៅ អាចមានការលំបាកខ្លះ តែយើងទទួលបាននោះ គឺកេរ្ដិ៍ឈ្មោះ ក្នុងនាមម្ចាស់ផ្ទះ។ កេរ្ដិ៍ឈ្មោះរបស់យើង គឺយើងត្រូវតែរក្សាឲ្យបាននូវកិត្តិយសជាតិរបស់យើងក្នុងការរៀបចំ»។

សូម​បញ្ជាក់​ថា កីឡា​ទ្វីប​អាស៊ី​ (Asian Games) លើក​ទី​១៩ បាន​លើក​ពេល​ពី​ឆ្នាំ​២០២២​នឹង​ប្រារព្ធ​នៅទី​ក្រុង​ Hangzhou ប្រទេស​ចិន​ចាប់​ពី​​ថ្ងៃ​ទី​២៣ ខែ​កញ្ញា ដល់​ថ្ងៃ​ទី​៨ ខែ​តុលា។ ការរៀបចំរត់​ប្រណាំង Fun Run គឺ​ជា​ការ​ផ្សព្វផ្សាយ​ដំណើរ​ឆ្ពោះ​ទៅ​ព្រឹត្តិការណ៍​នេះ ស្រប​ពេល​ដែល​កម្ពុជា​នឹង​រៀប​ចំ​ព្រឹត្តិការណ៍​ស៊ីហ្គេម លើក​ទី​៣២ ពី​​ថ្ងៃ​ទី​៥ ដល់​ថ្ងៃ​ទី​១៦ ខែ​ឧសភា ឆ្នាំ​២០២៣៕

អត្ថបទ៖ វីរ​បុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម