Connect with us

កីឡា

ព្រះ​​អង្គ​​ម្ចាស់​ Abdulaziz​ bin ​​​នឹង​​រៀប​​ចំ​​អ្នក​​ស្ម័គ្រ​ចិត្ត​​មក​​ជួយ​​ស៊ីហ្គេម​​​កម្ពុជា

បានផុស

នៅ

ព្រះ​អង្គ​ម្ចាស់ Abdulaziz bin Turki Al Saud រដ្ឋ​មន្ត្រី​ក្រសួង​កីឡា និង​ជា​ប្រធាន​គណៈកម្មាធិការ​​ជាតិ​អូឡាំពិក​អារ៉ាប៊ីសាអ៊ូឌីត ប្រាប់​សមភាគី​កម្ពុជា​​ឯក​ឧត្តម ថោង ខុន រដ្ឋ​មន្ត្រី​ក្រសួងទេសចរណ៍ និង​ជា​ប្រធាន​គណៈកម្មាធិការ​ជាតិ​អូឡាំពិក​កម្ពុជាពី​ការ​រៀប​ចំ​អ្នក​ស្ម័គ្រ​ចិត្ត​មក​ជួយ​កម្ពុជា​​សម្រាប់​ការ​រៀប​ចំ​ព្រឹត្តិការណ៍​ប្រកួត​កីឡា​ស៊ីហ្គេម លើក​ទី​៣២ ឆ្នាំ​២០២៣​នៅ​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ថ្លែង​បែប​នេះ​នៅ​ពេល​ជំនួប​ពិភាក្សា និង​សម្តែង​ការ​គួរ​សម​រវាង​រដ្ឋ​មន្ត្រី​ទាំង​ពីរ​នា​រសៀល​ថ្ងៃ​ទី​៤ ខែ​តុលា នៅ​សណ្ឋាគារ​សុខា​រ៉េស៊ីដង់ ដែល​ជា​ជំនួប​ក្រៅ​របៀប​វារៈ​នៃ​មហា​សន្និបាត​ក្រុម​ប្រឹក្សា​អូឡាំពិក​អាស៊ី (OCA) ដែល​ប្រារព្ធ​នៅ​រាជ​ធានី​ភ្នំពេញ​ពី​ថ្ងៃ​ទី​១​ដល់​ទី​៥ ខែ​តុលា ឆ្នាំ​២០២៣។

ក្រោយ​ពេល​ជំនួបពិភាក្សា​រវាង​ឯក​ឧត្តម ថោង ខុន និង​ព្រះ​អង្គ​ម្ចាស់​ Abdulaziz bin Turki Al Saud ​ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិ CAMSOC បាន​ប្រាប់​ថា ប្រទេស​អារ៉ាប៊ីសាអ៊ូឌីត​​បាន​ និង​កំពុង​​​​រៀបចំ​ការ​ប្រកួត​កីឡា​អន្តរជាតិ​ធំ​​ៗ​ជា​ច្រើន ដូច​ជា Asian Winter និង Asian Indoor Martial Art Games ​ជា​ដើម។

ឯក​ឧត្តម​ វ៉ាត់ ចំរើន បាន​បន្ត​ថា ​៖«នៅ​ពេល​ជំនួប​ពិភាក្សា​​នេះ ឯក​ឧត្តមបណ្ឌិត ថោង ខុន បាន​រំលេច​ឡើងនូវ​ការជួយ​គ្នា​ទៅ​វិញ​ទៅ​មកផ្នែក​វិស័យ​កីឡា។ ស្ថិត​ក្នុង​វិស័យ​កីឡា​នេះ ឯក​ឧត្តមមាន​ប្រសាសន៍​ហើយ​ថា យើង​នឹង​ផ្លាស់ប្តូរបទ​ពិសោធ​គ្នា​ទៅ​វិញ​ទៅ​មក។ ជា​ពិសេស​ផ្លាស់​ប្តូរ​ក្នុង​កម្រិតរដ្ឋបាល​កីឡា នៅ​ក្នុង​របត់​នៃ​ប្រតិភូ​ជំនាញបច្ចេកទេស។ ពេល​នេះ​យើង​ឃើញ​ថា មាន​ឯកភាព​គ្នា​មួយ​គឺ​​​ពេល ស៊ីហ្គេម នៅ​កម្ពុជា ​អារ៉ាប៊ីសាអ៊ូឌីតនឹង​រៀប​ចំ​អ្នក​ស្ម័គ្រ​ចិត្តមក​ជួយ​ការងារ​យើង​ ហើយ​ក៏​មក​ជួយ​បណ្តុះ​បណ្តាល ក៏​ដូច​ជា​ផ្លាស់​ប្តូរ​បទ​ពិសោធ​គ្នា​ទៅ​វិញ​ទៅ​មក»។

ទន្ទឹម​ជា​មួយ​គ្នា ឯក​ឧត្តម ថោង ខុន ​ក៏​បាន​អញ្ជើញ​ព្រះ​អង្គ​ម្ចាស់​រដ្ឋ​មន្ត្រី​ក្រសួង​កីឡា និង​ជា​ប្រធាន​គណៈកម្មាធិការ​ជាតិ​អូឡាំពិក​អារ៉ាប៊ីសាអ៊ូឌីតមក​ចូល​រួម​ក្នុង​ពិធី​បើក​​កីឡា​ស៊ីហ្គេម នៅ​កម្ពុជា។ ចំណែក​​ព្រះ​អង្គ​ម្ចាស់​ផ្ទះក៏​បាន​អញ្ជើញ​ឯក​ឧត្តម​ ថោង ខុន ​ដើម្បី​​ពិភាក្សា​គ្នា​ក្នុង​គោល​បំណង​ចុះ​អនុស្សរណៈ​នៃ​ការ​យោគ​យល់​គ្នា នៅ​ប្រទេស​ ​អារ៉ាប៊ីសាអ៊ូឌីត ដែល​អាច​នឹង​ចាប់​ផ្តើម​ក្នុង​ពេល​ឆាប់​ៗ​។ ក្រោយ​ពេល​ស៊ីហ្គេម អត្តពលិក​ជម្រើស​ជាតិ​កម្ពុជា​ក៏​គ្រោង​នឹង​ចូល​រួម​ប្រកួតកីឡាទ្វីប​អាស៊ី​នៅ​ប្រទេស ​អារ៉ាប៊ីសាអ៊ូឌីតដែរ។

សូម​បញ្ជាក់​ថា ព្រះ​អង្គ​ម្ចាស់​ Abdulaziz bin Turki Al Saud ស្ថិត​ក្នុង​ចំណោម​​ប្រតិភូ​កីឡាប្រមាណ ៣៣៦រូប មកពី ៥៥ប្រទេសជុំវិញពិភពលោក​ក្នុង​ការ​ចូល​រួម​ ​មហាសន្និបាតក្រុមប្រឹក្សាអូឡាំពិកអាស៊ីនៅកម្ពុជាពីថ្ងៃទី១ដល់ទី៥ ខែតុលា​នៅ​កម្ពុជា៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»

ព័ត៌មានអន្ដរជាតិ១០ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

Sokha Hotels

ព័ត៌មានពេញនិយម