កីឡា

កីឡាការិនីបាល់ទាត់ខ្មែរ-អូស្ត្រាលី Sandra បញ្ចប់ការសិក្សាអនុបណ្ឌិតនៅអាមេរិក

បានផុស

៤ years មុន

នៅ

ថ្ងៃសុក្រ ១៤ តុលា ២០២២

ដោយ

កីឡាការិនីបាល់ទាត់កូនកាត់ខ្មែរ-អូស្ត្រាលី Sandra Hill បានបញ្ចប់ការសិក្សាថ្នាក់អនុបណ្ឌិតនៅសហរដ្ឋអាមេរិកកាលពីពេលថ្មីៗនេះ។ នេះបើតាមការឲ្យដឹងពីពិធីការិនីកីឡាដ៏ល្បីល្បាញលោកស្រី ប្រាក់ សម្ភស្ស ដែលត្រូវជាម្តាយមីង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី Sandra Hill ត្រូវជាក្មួយស្រីរបស់លោកស្រី ប្រាក់ សម្ភស្ស និងលោកគ្រូ ប្រាក់ សុវណ្ណារ៉ា។ នាងកើតនៅប្រទេសកម្ពុជា ដែលមានឪពុកជាជនជាតិអូស្ត្រាលី និងម្តាយជាជនជាតិខ្មែរ។

កូនកាត់ខ្មែរ-អូស្ត្រាលី វ័យ២៣ឆ្នាំ ដែលមានកម្ពស់១,៧៣ម៉ែត្រ ធ្លាប់បានចូលរួមជាមួយក្រុមបាល់ទាត់នារីជម្រើសជាតិកម្ពុជាម្តងហើយក្នុងពានរង្វាន់ AFF Women’s Championship កាលពីឆ្នាំ២០១៨ នៅប្រទេសឥណ្ឌូនេស៊ី។

Sandra ពេលប្រកួតឲ្យជម្រើសជាតិកម្ពុជាកាលពីឆ្នាំ២០១៨

កាលណោះ Sandra Hill ត្រូវបានគេមើលឃើញមានបច្ចេកទេសល្អ ល្បឿនលឿន និងកាយសម្បទាខ្ពស់ និងបានរួមចំណែកជួយក្រុមបាល់ទាត់នារីកម្ពុជាឈ្នះក្រុមបាល់ទាត់នារីទីម័រខាងកើត ដោយលទ្ធផល ១២-០ និងចាញ់៣ប្រកួត។

ចាប់តាំងពីនោះមក កីឡាការិនីបាល់ទាត់រូបនេះមិនបានចូលរួមសកម្មភាពបាល់ទាត់ជាមួយក្រុមបាល់ទាត់នារីកម្ពុជាទៀតទេ ដោយសារនាងបានបន្តការសិក្សានៅសហរដ្ឋអាមេរិក ហើយក៏ចូលរួមលេងបាល់ទាត់ជាមួយក្រុមបាល់ទាត់សាកលវិទ្យាល័យ Grand Canyon។

Sandra ពេលលេងឲ្យក្រុមសាកលវិទ្យាល័យGrand Canyon

ក្រោយបញ្ចប់ការសិក្សា Sandra Hill អាចនឹងត្រូវបានកោះហៅចូលក្រុមបាល់ទាត់នារីជម្រើសជាតិកម្ពុជាសម្រាប់ស៊ីហ្គេម ២០២៣ ខណៈក្រុមបាល់ទាត់នារីកម្ពុជាកំពុងបោះជំរំហ្វឹកហាត់នៅប្រទេសចិនរហូតដល់ស៊ីហ្គេម ទើបវិលត្រឡប់មកកម្ពុជា៕

អត្ថបទ៖ វីរបុត្រ

Related Topics:កីឡាស៊ីហ្គេម កីឡាបាល់ទាត់

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា