កីឡា
លីគ CPL ប្រជែងគ្នាខ្លាំងរវាងលេខ១ និងលេខ២ ខណៈសល់៣ប្រកួតទៀត
ការប្រកួតជម្រើសជើងឯកខេមបូឌានព្រីមៀរលីគរដូវកាល២០២២កាន់តែតឹងតែងទ្វេឡើយនៅពេលក្រុមកំពូលទាំងពីរមានពិន្ទុស្មើគ្នា បន្ទាប់ពីការប្រកួតក្រុមលំដាប់កំពូលទាំង៤បានដំណើរការ៣ប្រកួត។
ការប្រកួតក្នុងសប្តាហ៍ទូ២៤ ដែលត្រូវនឹងការប្រកួតទី៣នៃក្រុមកំពូលទាំង៤ វិសាខា និង ភ្នំពេញក្រោនសុទ្ធតែរកបាន៣ពិន្ទុពេញដើម្បីបង្កើនការប្រជែងជើងឯកកាន់តែគួរឲ្យចាប់អារម្មណ៍ខ្លាំង។
វិសាខា បានឈានឡើងលើកំពូលតារាងជាលើកដំបូងនៅក្នុងលីគរដូវកាលនេះ បន្ទាប់ពីបានយកឈ្នះ បឹងកេត ដោយលទ្ធផល ១-២ ដើម្បីទទួលបាន៤៦ពិន្ទុ ស្មើនឹងព្រះខ័នរាជស្វាយរៀងដែលធ្លាក់មកចំណាត់ថ្នាក់លេខ២លើកដំបូងក្នុងរដូវកាលនេះ ក្រោយចាញ់ភ្នំពេញក្រោន ដោយលទ្ធផល ២-៥។
ព្រះខ័នរាជស្វាយរៀង ធ្លាក់ចុះទម្រង់លេងយ៉ាងខ្លាំងមួយរយៈពេលចុងក្រោយនេះ។ ការប្រកួត៦លើកចុងក្រោយ ព្រះខ័នរាជស្វាយរៀង ឈ្នះតែ១ប្រកួតប៉ុណ្ណោះ ហើយស្មើ១ និងចាញ់៤ប្រកួត។ ចំពោះវិសាខា៦ប្រកួតចុងក្រោយឈ្នះ៣ ស្មើ២ និងចាញ់១។
ចំណែកភ្នំពេញក្រោនបង្កើន៣ពិន្ទុទៀតហើយដើម្បីមាន៤៣ពិន្ទុតាមពីក្រោយក្រុមចំណាត់ថ្នាក់លេខ១ និងលេខ២តែ៣ពិន្ទុប៉ុណ្ណោះ។ ក្រុមការពារតំណែងជើងឯកចាស់នេះធ្វើបានល្អណាស់ក្នុង៦ប្រកួតមិនដែលចាញ់សោះក្នុងនោះឈ្នះ៥ប្រកួតជាប់គ្នា និងស្មើ១ប្រកួត។ ភ្នំពេញក្រោនក៏ជាបេក្ខភាពប្រជែងជើងឯកដែលមិនអាចមើលរំលងបានឡើយ។
ប្រសិនបើ វិសាខា និងព្រះខ័នរាជស្វាយរៀងចាញ់សម្រាប់ការប្រកួតណាមួយក្នុងចំណោម៣ប្រកួតដែលនៅសល់ ហើយភ្នំពេញក្រោនបន្តឈ្នះ នោះការប្រជែងជើងឯករឹតតែរន្ធត់ រំភើបខ្លាំង។
ដោយឡែក បឹងកេត សម្រាប់៦ប្រកួតចុងក្រោយ ឈ្នះ២ ស្មើ២ និងចាញ់២ នៅរក្សាចំណាត់ថ្នាក់លេខ៤ជាមួយ៣៩ពិន្ទុដដែល ហើយកាន់តែឃ្លាតឆ្ងាយក្នុងការឈ្នះជើងឯក ដោយសារគូប្រជែងលេខ១ និងលេខ២នាំមុខដល់ទៅ៧ពិន្ទុឯណោះ។
ការប្រកួតសប្តាហ៍ទី២៥ ថ្ងៃទី២០ ខែវិច្ឆិកានេះ
- ភ្នំពេញក្រោន ទទួល ព្រះខ័នរាជស្វាយរៀង
- វិសាខា ទទួល បឹងកេត
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore