ក្លឹបបាល់ទាត់មហាយក្សមួយទៀត ប្រកាសដណ្ដើម Ronaldo ចូលក្រុមរបស់ខ្លួន

យោងតាមព័ត៌មានពី Express UK ក្លឹបអារ៉ាប៊ីសាអូឌីតដ៏ធំមួយទៀត បន្ទាប់ពីក្លឹប Al Nassr កំពុងប្រកាសប្រជែងយកកុងត្រារបស់តារាបាល់ទាត់ឆ្នើម CR7 ដើម្បីឱ្យកីឡាករវ័យ ៣៧ឆ្នាំរូបនេះចូលជាសមាជិករបស់ខ្លួន ក្រោយចប់ការប្រកួត World Cup ឆ្នាំ២០២២។

បន្ទាប់ពីប្រកាសចែកផ្លូវជាមួយក្រុមបិសាចក្រហម MU កំពូលកីឡាករបាល់ទាត់ Cristiano Ronaldo ត្រូវបានក្លឹបជាច្រើនដណ្ដើមគ្នាយក ខណៈពេលថ្មីៗនេះកីឡាករព័រទុយហ្គាល់ត្រូវបានក្លឹប Al Nassr នៃប្រទេសអារ៉ាប៊ីសាអូឌីត បានផ្តល់ប្រាក់ចំណូលជាង ២០០លានក្នុងមួយឆ្នាំ ដើម្បីចែចូវ CR7 ឱ្យចូលរូមជាមួយក្រុមខ្លួន។ ប៉ុន្តែការសម្រេចចិត្តជាផ្លូវការពីសាមីខ្លួន នៅមិនទាន់ប្រកាសជាសាធារណៈនៅឡើយ។

ជាមួយគ្នាដែរ ក្លឹបបាល់ទាត់មហាយក្សទី២ នៅអាស៊ីខាងលិច​គឺក្លឹប Al Hilal បានក្លាយជាគូប្រជែងក្នុងប្រទេសតែមួយជាមួយក្លឹប Al Nassr ដើម្បីដណ្ដើមយក CR7 ជាសមាជិក ដោយក្លឹបនេះសន្យាផ្ដល់ប្រាក់ចំណូលលើសក្លឹប Al Nassr ទៅទៀត។

ទោះបីជាយ៉ាងណា ក្នុងពេលនេះ ចំនួនទឹកប្រាក់ជាក់លាក់មិនត្រូវបានបង្ហាញដោយក្លឹប Al Hilal នោះទេ។ ចំណែក CR7 វិញ កំពុងផ្ដោតលើការប្រកួត ព្រោះ World Cup 2022 ទំនងជាការប្រកួតចុងក្រោយរបស់ CR7  ដោយសារការប្រកួតលើកក្រោយកីឡាព័រទុយហ្គាល់រូបនេះ មានវ័យកាន់តែជ្រេហើយ៕

ប្រែសម្រួល៖ សន្យា

ចុចអាន៖ Ronaldo ត្រៀមចូលក្លឹបអារ៉ាប៊ីសាអូឌីត ឯប្រាក់ខែខ្ពស់បំផុតក្នុងប្រវត្តិសាស្ត្រ

ចុចអាន៖ កីឡាករ១០រូប អ្នកប្រហែលជាលែងបានឃើញទៀតហើយ ក្នុងព្រឹត្តិការណ៍ World Cup លើកក្រោយ