កីឡា
ព័រទុយហ្គាល់ចាញ់ប្រកួត តែគ្រូបង្វឹកថាមិនស្ដាយក្រោយសូម្បីបន្តិច ដែលទុក Ronaldo នៅកៅអីបម្រុង
អ្នកចាត់ការសញ្ជាតិព័រទុយហ្គាល់ លោក Fernando Santos បាននិយាយថា គាត់នឹងមិនផ្លាស់ប្តូរការសម្រេចចិត្តនោះទេ ដែលទុក Cristiano Ronaldo ឱ្យអង្គុយនៅលើកៅអីបម្រុង បើទោះបីជាក្រុមរបស់គាត់ត្រូវបានធ្លាក់ចេញពីការប្រកួត World Cup ដោយសារតែការបរាជ័យ ១-០ ជាមួយម៉ារ៉ុក ក្នុងការប្រកួតវគ្គ ១/៤ ផ្តាច់ព្រ័ត្រក៏ដោយ។
កាលពីយប់មិញនេះ ក្នុងការប្រកួត ១/៤ ក្រុមបាល់ទាត់ព័រទុយហ្គាល់មិនទទួលជោគជ័យលើម៉ារុកឡើយ ហើយក្រោយចាញ់ការប្រកួត Ronaldo បានសម្រុកចេញពីទីលាន បន្ទាប់ពីកញ្ចែចុងក្រោយ តារាបាល់ទាត់រូបនេះបានយំយ៉ាងខ្លាំង ប៉ុន្តែក៏ត្រូវបានមិត្តរួមក្រុមលួងលោម។
ជាមួយនឹងលទ្ធផលបរាជ័យមួយនេះ គ្រូបង្វឹក Santos បានប្រាប់សន្និសីទសារព័ត៌មានកាលពីថ្ងៃសៅរ៍ថា “ខ្ញុំមិនសោកស្តាយទេ ដែលទុក Ronaldo នៅកៅអីបម្រុង។ ទោះបី Ronaldo ចូលប្រកួតមុនក៏ដោយ វាក៏គ្មានអ្វីផ្លាស់ប្តូរដែរ។ មិនថាព័រទុយហ្គាល់ធ្លាប់ឈ្នះស្វីស មិនមានហេតុផលអ្វីដើម្បីផ្លាស់ប្តូរការប្រកួតទល់នឹងម៉ារ៉ុកនោះទេ” ។
គាត់ថែមទាំងសង្កត់ធ្ងន់ទៀតថា ទោះបីលទ្ធផលចាញ់ក្ដី ប៉ុន្តែមិនមានន័យថា Ronaldo លែងជាកីឡាករដ៏អស្ចារ្យនោះទេ ព្រោះលទ្ធផលចាញ់លើកនេះ គ្មានអ្វីពាក់ព័ន្ធនឹងគ្នាឡើយ។
គួររំលឹកថា Ronaldo ជាកីឡាករស៊ុតបញ្ចូលទីនាំមុខគេ និងល្អបំផុតរបស់ព័រទុយហ្គាល់ជាមួយនឹង ១១៨គ្រាប់ ក្នុងការបង្ហាញខ្លួន ១៩៥ដង។ តារាបាល់ទាត់វ័យ ៣៧ឆ្នាំរូបនេះ ក៏បានក្លាយជាកីឡាករទី១ ដែលស៊ុតបញ្ចូលទីក្នុងព្រឹត្តិការណ៍ World Cup ៥លើកជាប់ៗគ្នា។ លោកបានស៊ុតបញ្ចូលទីក្នុងព្រឹត្តិការណ៍ World Cup ឆ្នាំ២០០៦, ២០១០, ២០១៤, ២០១៨ និង២០២២៕
ប្រែសម្រួល៖ សន្យា
ចុចអាន៖ ទោះប្រេស៊ីលធ្លាក់ តែ Neymar តាមស្មើកំណត់ត្រារបស់ Pele
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)