បណ្តាំចុងក្រោយរបស់ Pele មុនទទួលមរណភាព 

ពិភពលោកកំពុងកាន់ទុក្ខដល់ Pele ឬគេស្គាល់នៅក្នុងប្រទេសប្រេស៊ីលថាជា ស្តេច។ គាត់បានទទួលមរណភាពក្នុងអាយុ៨២ឆ្នាំ ដោយសារជំងឺមហារីកពោះវៀនធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនស្រីឈ្មោះ Kely Nascimento បានបញ្ជាក់ពីការស្លាប់របស់ឪពុក ជាមួយនឹងការបង្ហោះតាមប្រព័ន្ធផ្សព្វផ្សាយសង្គមដែលនិយាយថា “អ្វីគ្រប់យ៉ាងគឺយើងសូមអរគុណចំពោះអ្នក។ យើងស្រឡាញ់អ្នកជារៀងរហូត។ សូម​ទៅឲ្យ​បាន​ស្ងប់សុខ”។

អ្នកកាន់ទុក្ខ អាចទៅគោរពវិញ្ញាណក្ខន្ធ Pele នៅកីឡដ្ឋាន Estadio Urbano Caldeira ជាកន្លែងដែលគាត់លេងឲ្យក្លិប Santos។ សពលោក Pele នឹង​ត្រូវ​យក​ទៅ​ទីនោះ​នៅ​ព្រឹកព្រលឹម​ថ្ងៃ​ចន្ទទី០២ខែមករាឆ្នាំ២០២៣ ហើយ​ពិធីគោរពវិញ្ញាណក្ខន្ធ​ជា​សាធារណៈ​នឹង​ចាប់​ផ្តើម។

បណ្តាំចុងក្រោយមុនទទួលមរណភាព លោក Pele បានផ្តាំឲ្យគេយកសពគាត់ទៅបញ្ចុះនៅជាន់ទី៩នៃទីបញ្ចុះសពខ្ពស់បំផុតលើពិភពលោកគឺ Ecumenical Necropolis Memorial ក្នុងទីក្រុង Santos។ លោក Pele បានជ្រើសរើសយកជាន់នេះ ដើម្បីជាការគោរពចំពោះឪពុករបស់គាត់ ដែលធ្លាប់ពាក់អាវលេខ៩នៅពេលលេងបាល់ទាត់។

លោក Pele ពន្យល់ថា “ខ្ញុំបានជ្រើសរើសទីបញ្ចុះសព Ecumenical Necropolis Memorial ដោយសារតែការរៀបចំ និងរចនាសម្ព័ន្ធរបស់ទីនោះ។ វា​ជា​កន្លែង​ដែល​ផ្តល់​សន្តិភាព​និង​ភាព​ស្ងប់ស្ងាត់​ខាង​វិញ្ញាណ ជា​កន្លែង​ដែល​មនុស្ស​ម្នាក់​មិន​មាន​អារម្មណ៍​ក្រៀមក្រំ ​មិន​ដូច​ជា​ទី​បញ្ចុះសព​”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប្រេស៊ីល ប្រកាសកាន់ទុក្ខ៣ថ្ងៃ ចំពោះមរណភាពរបស់ Pele