កីឡា
កម្ពុជាមានមហិច្ឆតាទទួលស្វាគមន៍ភ្ញៀវអន្តរជាតិយ៉ាងកក់ក្តៅសម្រាប់ស៊ីហ្គេម២០២៣
គណៈកម្មាធិការជាតិរៀបចំការប្រកួតកីឡាស៊ីហ្គេម ក៏ដូចជាប្រជាជនកម្ពុជាទាំងមូលមានមហិច្ឆតាដ៏ធំធេងដើម្បីទទួលស្វាគមន៍គណៈប្រតិភូ និងភ្ញៀវអន្តរជាតិយ៉ាងកក់ក្តៅបំផុតក្នុងព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។
ក្នុងពិធីរាប់ថយក្រោយ១០០ថ្ងៃនៃដំណើរឆ្ពោះទៅកីឡាស៊ីហ្គេមដែលបានរៀបចំកាលពីល្ងាចថ្ងៃទី២៥ ខែមករា នៅពហុកីឡដ្ឋានជាតិមរតកតេជោ សម្តេចពិជ័យសេនា ទៀ បាញ់ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នយ៍ (CAMSOC) មានប្រសាសន៍ថា សុបិនរបស់កម្ពុជាអស់រយៈពេល៦៤ឆ្នាំកន្លងទៅនេះនឹងជិតក្លាយជាការពិតហើយសម្រាប់ប្រជាជនកម្ពុជាទាំងអស់ ខណៈព្រឹត្តិការណ៍ប្រវត្តិសាស្ត្រដំបូងនៅកម្ពុជានៅសល់តែ១០០ថ្ងៃទៀតប៉ុណ្ណោះ។
ស្ថិតក្រោមដំបូលសន្តិភាព និងអភិវឌ្ឍលើគ្រប់វិស័យ កាលពីឆ្នាំ២០១៥ កន្លងទៅ កម្ពុជាបានទទួលសិទ្ធិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ហើយក៏បានត្រៀមខ្លួនលើគ្រប់ហេដ្ឋារចនាសម្ព័ន្ធ និងធនធានមនុស្សដើម្បីទទួលបន្ទុកដ៏ធំជាលើកដំបូងនេះ។ ទាំងហេដ្ឋារចនាសម្ព័ន្ធ និងធនធានមនុស្សបានត្រៀមរួចរាល់ហើយ នៅសល់តែការអនុវត្តផ្ទាល់តែប៉ុណ្ណោះ ក្នុងនោះ ពិធីការ ការដឹកជញ្ជូន ហូបចុក ស្នាក់នៅ បដិសណ្ឋារកិច្ច សុវត្ថិភាព និងសុខាភិបាលជាកត្តាចាំបាច់បំផុតក្នុងការប្រតិបត្តិ។
សម្តេចពិជ័យសេនា ទៀ បាញ់ មានប្រសាសន៍ថា ៖«ដើម្បីធានាការរៀបចំព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម២០២៣ ឱ្យទទួលបានជោគជ័យ និងផ្តល់កេរ្តិ៍ឈ្មោះល្អដល់កម្ពុជា រាជរដ្ឋាភិបាល ក្រសួង ស្ថាប័នពាក់ព័ន្ធ អាជ្ញាធរ រាជធានី ខេត្ត ពិសេសក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ បានផ្តុំកម្លាំងមហាសាមគ្គីជាតិ ប្តេជ្ញាចិត្តប្រកបដោយឆន្ទៈ និងស្មារតីទទួលខុសត្រូវខ្ពស់ ក្នុងការរៀបចំធ្វើជាម្ចាស់ផ្ទះ ដោយគោរពស្ដង់ដាកីឡាអន្តរជាតិ»។
«ជាមួយគ្នានេះ កម្ពុជាមានមហិច្ឆតាទទួលស្វាគមន៍ប្រកបដោយភាពកក់ក្តៅ និងផ្តល់បដិសណ្ឋារកិច្ចដ៏ប្រពៃ ក៏ដូចជាសេវាដល់គ្រប់ប្រតិភូកីឡា ភ្ញៀវជាតិ អន្តរជាតិ ការងារពិធីការ ដឹកជញ្ជូន ស្នាក់នៅ ហូបចុក ការពារសន្តិសុខ សណ្ដាប់ធ្នាប់ សុខាភិបាល ជាមួយភាពរួសរាយរាក់ទាក់ ពោរពេញដោយស្នាមញញឹមចេញពីបេះដូង របស់ប្រជាជនខ្មែរគ្រប់រូប ដើម្បីផ្តល់នូវភាពកក់ក្ដៅដល់ភ្ញៀវកីឡា មកពីគ្រប់ទិសទីជុំវិញពិភពលោក និងបន្សល់ទុកនូវមរតកស៊ីហ្គេម-អាស៊ានប៉ារ៉ាហ្គេមដល់កម្ពុជាជាម្ចាស់ផ្ទះ»៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម៤ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ