កីឡា

U-22 កម្ពុជា ចេញទៅ ថៃ ម៉ោង ៣ រសៀលនេះ រំពឹងដល់កោះសាមុយម៉ោង ៩ យប់

បានផុស

២ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម ២២ ឆ្នាំ (U22) នឹងចេញដំណើរទៅបោះជំរំហ្វឹកហាត់នៅលើកោះសាមុយ ប្រទេសថៃ ដើម្បីត្រៀមខ្លួនប្រកួតកីឡាស៊ីហ្គេម លើកទី ៣២ ឆ្នាំ ២០២៣ នៅរសៀលថ្ងៃទី ២៧ នេះ ដែលជាការបោះជំរំហ្វឹកហាត់ដំណាក់កាលទី ១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីមន្ត្រីសហព័ន្ធកីឡាបាល់ទាត់កម្ពុជា ក្រុមទាំងមូលនឹងចាកចេញនៅវេលាម៉ោង ៣ និង ៣៥ នាទីរសៀល ហើយរំពឹងទៅដល់ទីក្រុងបាងកក ប្រទេសថៃ នៅវេលាម៉ោងជិត ៥ ល្ងាច។

បន្ទាប់ពីទៅដល់ទីក្រុងបាងកកហើយ ក្រុមទាំងមូលត្រូវរង់ចាំការហោះហើរបន្តទៀតទៅកាន់កោះសាមុយ ពោលគឺរំពឹងទៅដល់កោះសាមុយនៅវេលាម៉ោង ៩ យប់។

គួររំលឹកថា សម្រាប់ការហ្វឹកហាត់ដំណាក់កាលទី ១ មានកីឡាករ ៣០ រូប នឹងចាប់ផ្ដើមហ្វឹកហាត់ពីថ្ងៃទី ២៧ ខែកុម្ភៈ ដល់ថ្ងៃទី ១៥ ខែមីនា ឆ្នាំ ២០២៣។ ក្នុងដំណាក់កាលទី ១ នេះចប់ នឹងមានការជម្រុះកីឡាករចេញខ្លះ ដើម្បីបន្តដំណាក់កាលទី ២។

បញ្ជាក់ថា លើកទី ៣២ ដែលកម្ពុជាធ្វើជាម្ចាស់ផ្ទះ នឹងចាប់ផ្ដើមពីថ្ងៃទី ០៥ ដល់ថ្ងៃទី ១៧ ខែឧសភា ឆ្នាំ ២០២៣។ សម្រាប់ប្រភេទកីឡាបាល់ទាត់ នឹងចាប់ផ្ដើមមុនពិធីបើក ៦ ថ្ងៃ ដោយសារត្រូវប្រកួតយូរថ្ងៃ ពោលគឺនឹងប្រកួតពីថ្ងៃទី ២៩ ខែមេសា ឆ្នាំ ២០២៣៕

អត្ថបទ ៖ មន្នីរ័ត្ន

Related Topics:កីឡាស៊ីហ្គេម ឆ្នាំ២០២៣