កីឡា
ហែលទឹកសិង្ហបុរី២២នាក់ដាក់គោលដៅកំពូលតារាងមេដាយស៊ីហ្គេមនៅកម្ពុជា
សមាគមកីឡាហែកទឹកសិង្ហបុរីបានចេញបញ្ជីឈ្មោះអត្តពលិក២២នាក់ចុងក្រោយហើយដើម្បីចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជាជាមួយនឹងគោលដៅឈរលើកំពូលតារាងមេដាយសម្រាប់ប្រភេទកីឡាហែលទឹក។

កាលពីថ្ងៃទី២៧ ខែកុម្ភៈ កន្លងទៅនេះ សិង្ហបុរីបានសម្រេចបញ្ជូនអត្តពលិកចំនួន៥៧២នាក់ដើម្បីចូលរួមប្រកួតកីឡាស៊ីហ្គេម លើកទី៣២ នៅប្រទេសកម្ពុជា លើ៣០ប្រភេទកីឡា។ ក្នុងចំណោមកីឡាទាំង៣០ប្រភេទដែលសិង្ហបុរីចូលរួមប្រកួត ក៏មានកីឡាហែលទឹកដែលជាកីឡាមានសក្តានុពលបំផុតរបស់សិង្ហបុរី។
សម្រាប់កីឡាហែលទឹកមានកីឡាករ និងកីឡាការិនីចំនួន២២រូបដែលសុទ្ធតែខ្លាំង និងធ្លាប់មានបទពិសោធច្រើន ហើយក៏ធ្លាប់ឈ្នះមេដាយអន្តរជាតិជាច្រើនដែរ។ នៅផេករបស់សមាគមកីឡាហែលទឹកសិង្ហបុរីបានចេញកាលពីថ្ងៃទី១ ខែមីនា ម្សិលមិញបានលើកឡើងថា ២២នាក់សុទ្ធតែខ្លាំង ម្នាក់ៗឈ្នះមេដាយមាស១គ្រឿងគឺនឹងឈរលើកំពូលតារាងមេដាយនៃកីឡាហែលទឹកនៅស៊ីហ្គេម លើកទី៣២។
ក្នុងចំណោមកីឡាករ និងកីឡាការិនីដែលមានបទពិសោធច្រើន ក៏មានដាក់បញ្ចូលអត្តពលិកថ្មីដែលមានសក្កានុពលផងដែរ។ វត្តមានអត្តពលិកខ្លាំងៗទាំងនោះមានដូចជា កីឡាករ Teong Tzen Wei ធ្លាប់ឈ្នះមេដាយមាស៤គ្រឿង និងសំរឹទ្ធ១គ្រឿងពីស៊ីហ្គេម។ កីឡាការិនី Amanda Lim ធ្លាប់ឈ្នះមេដាយស៊ីហ្គេម១៥គ្រឿងគឺមាស១០ ប្រាក់៣ និងសំរឹទ្ធ២។

កីឡាការិនី Ting Wen Quah ជាម្ចាស់មេដាយស៊ីហ្គេម ៣៧គ្រឿងគឺមាស១៨ ប្រាក់១៦ និងសំរឹទ្ធ៣ ក៏នឹងមានវត្តមាននៅលើទឹកដីកម្ពុជាដែរ ខណៈកីឡាករ Zheng Wen ដែលជាម្ចាស់មេដាយស៊ីហ្គេម៣០គ្រឿងគឺ មាស១៩ ប្រាក់៨ និងសំរឹទ្ធ៣ ក៏ជាក្តីសង្ឃឹមរបស់សិង្ហបុរីក្នុងការប្រមូលមេដាយនៅលើទឹកកម្ពុជាផងដែរ៕
អត្ថបទ៖ វីរបុត្រ
-
ព័ត៌មានអន្ដរជាតិ៣ ថ្ងៃ មុន
វេបសាយ ថៃ ចុះផ្សាយពីម្ហូបអាហារនៅស៊ីហ្គេមរបស់កម្ពុជាថា មានច្រើនមុខរាប់មិនអស់
-
ជីវិតកម្សាន្ដ៧ ថ្ងៃ មុន
ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ
-
ជីវិតកម្សាន្ដ៥ ថ្ងៃ មុន
ម្ដាយ Matt បង្ហោះសារវែងអន្លាយលើកទឹកចិត្តកូនស្រី ក្រោយបែកបាក់ជាមួយ Songkran
-
ជីវិតកម្សាន្ដ៥ ថ្ងៃ មុន
Matt ទម្លាយថា នាងបែកគ្នាជាមួយមិត្តប្រុសយូរហើយ និងគ្មានជនទីបីពាក់ព័ន្ធ
-
ជីវិតកម្សាន្ដ៦ ថ្ងៃ មុន
កូនស្រីជាទូតសុឆន្ទៈឱ្យប្រេន CELINE ទាំងមូល តែម្ដាយ Lisa ប្រើការបូបតម្លៃថោកៗ
-
ព័ត៌មានជាតិ៦ ថ្ងៃ មុន
សម្ដេចតេជោ ហ៊ុន សែន ៖ បើសិនជាខ្ញុំមិនរឹងទេ ឃួង ស្រេង អត់បានចូលអាណត្តិទី ២ទេ
-
ព័ត៌មានជាតិ៤ ថ្ងៃ មុន
ក្ដីកង្វល់ពីកន្លែងស្នាក់នៅហូបចុករបស់ប្រតិភូកីឡា និងកីឡាករ ១ ២០០០ នាក់ត្រូវបានដោះស្រាយ
-
ព័ត៌មានជាតិ២ ថ្ងៃ មុន
សម្ដេចតេជោ ហ៊ុន សែន ផ្ដាំឲ្យលោក ម៉ៃ សុគន្ធ ត្រូវចេញមុខសុំទោសលោក Keisuke Honda