កីឡា
ពហុកីឡដ្ឋានជាតិមរតកតេជោ ត្រៀមបំពាក់ Wifi សម្រាប់បម្រើក្នុងព្រឹត្តិការណ៍ស៊ីហ្គេម
កាលពីព្រឹកថ្ងៃទី ០៧ ខែមីនា ឆ្នាំ ២០២៣ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍-អាស៊ានប៉ារ៉ាហ្គេម ឆ្នាំ ២០២៣ (CAMSOC-CAMAPGOC) បានបើកកិច្ចប្រជុំប្រចាំសប្ដាហ៍ ក្រោមការដឹកនាំដោយ លោក ថោង ខុន រដ្ឋមន្ត្រីក្រសួងទេសចរណ៍ និងអនុប្រធានអចិន្ត្រៃយ៍ នៃគណៈកម្មាធិការជាតិ CAMSOC-CAMAPGOC នាមជ្ឈមណ្ឌលប្រតិបត្តិការកីឡា ក្នុងពហុកីឡដ្ឋានជាតិមរតកតេជោ។
លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍-អាស៊ានប៉ារ៉ាហ្គេម ឆ្នាំ ២០២៣ មានប្រសាសន៍ជម្រាបជូនថា ៖ «ជាទូទៅយើងឃើញថា ការយកចិត្តទុកដាក់នេះគឺបានបំពេញនូវការបំពាក់ Wifi នៅវិមានពហុកីឡដ្ឋានជាតិមរតកតេជោផង នៅភូមិកីឡាផង និងបរិវេណទីធ្លាសាធារណៈ ក៏ត្រូវដាក់បំពាក់ Wifi ផងដែរ។ អ៊ីចឹងការបំពាក់ Wifi នេះនៅក្នុងទីធ្លាពហុកីឡដ្ឋានជាតិមរតកតេជោ គឺបំពាក់សឹងតែគ្រប់ទីកន្លែងទាំងអស់ នេះហើយគឺជាការយកចិត្តទុកដាក់នៅក្នុងវិមានកីឡដ្ឋានមរតកតេជោ សម្រាប់មនុស្សប្រមាណ ៦ ម៉ឺននាក់ ក៏យើងត្រូវមានការបំពាក់ Wifi ផងដែរ ដូច្នេះទាំងពេលពិធីបើក-បិទ និងការប្រកួតផ្សេងៗទៀតក្នុងពហុកីឡដ្ឋានជាតិមរតកតេជោ គឺយើងអាចប្រើប្រាស់បាន ដែលធ្វើឲ្យកំណើន នៃការផ្សាយចេញរូបភាពទាំងអស់ក្នុងពហុកីឡដ្ឋាន គឺបានទូលំទូលាយ និងជះឥទ្ធិពលទៅខាងក្រៅបានល្អ»។
លើសពីនេះទៅទៀត លោកអគ្គលេខាធិការ ក៏បានសង្កត់ធ្ងន់ថា ប្រព័ន្ធ Wifi នេះ ក៏នឹងត្រូវបំពាក់នៅមជ្ឈមណ្ឌលផ្សព្វផ្សាយព័ត៌មានអន្តរជាតិ (International Broadcast Center – IBC) និងមជ្ឈមណ្ឌលអ្នកសារព័ត៌មាន ផងដែរ ទីនេះជាតម្រូវការចាំបាច់សម្រាប់ការផ្សព្វផ្សាយព័ត៌មាន។
លោក វ៉ាត់ ចំរើន បានសម្ដែងក្ដីរំពឹងទៀតថា តាមរយៈការបំពាក់ប្រព័ន្ធ Wifi ប្រើប្រាស់បែបនេះ នឹងផ្ដល់ភាពងាយស្រួលដល់ទាំងផ្នែកប្រព័ន្ធផ្សព្វផ្សាយជាតិ និងអន្តរជាតិ ក៏ដូចជាមហាជនដែលចូលរួមបានផ្សព្វផ្សាយ និងចែករំលែកពីព្រឹត្តិការណ៍ឲ្យបានកាន់តែទូលំទូលាយ។
«យើងបែងចែកចេញជា ២ ទី ១-ដែលប្រើប្រាស់សម្រាប់ការងារនៅក្នុងការងារស្នូលរបស់គណៈកម្មាធិការជាតិ CAMSOC ដែលមានរៀបចំការផ្សព្វផ្សាយ ក៏ដូចជាសម្រួលដល់អ្នកសារព័ត៌មានជាតិ-អន្តរជាតិ ភ្នាក់ងារទូរទស្សន៍ក៏មានភាពងាយស្រួលក្នុងការបញ្ជូនព័ត៌មាន មួយទៀតគឺមហាជន អ្នកចូលរួមទស្សនា គាត់ក៏ជាអ្នកផ្សព្វផ្សាយផងដែរ អ៊ីចឹងគាត់ក៏ទទួលបាន Wifi នេះ គាត់ក៏អាចជួយផ្សព្វផ្សាយព្រឹត្តិការណ៍នេះផងដែរ ដែលនេះហើយគេហៅ ‘កម្លាំងឥទ្ធិពលរបស់កីឡា’»។ ប្រសាសន៍របស់លោក វ៉ាត់ ចំរើន៕
អត្ថបទ ៖ មន្នីរ័ត្ន
Song Hye Kyo នាំមុខក្នុងបញ្ជីតារាស្រីកូរ៉េពេញនិយមបំផុត
ខេត្តក្រចេះមានរោងចក្រពីរកន្លែង មួយថ្ងៃអាចកែច្នៃផលដំឡូងមីរាប់រយតោនពីកសិករ
ប្រធាន អាស៊ាន ឆ្នាំនេះកំពុងពិភាក្សាដោយសម្ងាត់ជាមួយកម្លាំងនយោបាយ មីយ៉ាន់ម៉ា
កម្ពុជា និងប៊ុលហ្គារី បង្ហាញឆន្ទៈជំរុញកិច្ចសហប្រតិបត្តិការសេដ្ឋកិច្ច-ពាណិជ្ជកម្ម ឱ្យកាន់តែរឹងមាំ
សមត្ថកិច្ចបញ្ជាក់បន្ទាប់ពីមានការចុះផ្សាយថាមានករណីក្រុមជនសង្ស័យទាក់ខ្សែភ្លើងកាត់ផ្លូវពេលយប់
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ជីវិតកម្សាន្ដ២ ថ្ងៃ មុនតារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ
-
ព័ត៌មានជាតិ២ ថ្ងៃ មុនស្វែងយល់ មកដល់ពេលនេះមានផ្លូវស្ពានណាខ្លះកំពុងសាងសង់ និងគ្រោងបញ្ចប់?
-
ព័ត៌មានជាតិ៣ ថ្ងៃ មុនប្រវត្តិសង្ខេបរបស់ព្រះរាជដំណាក់ នៅក្រុងសៀមរាប
-
ជីវិតកម្សាន្ដ២ ថ្ងៃ មុនតារាសម្ដែងសិង្ហបុរី ទម្លាយថា មានវិញ្ញាណខ្មោចតាមដល់ផ្ទះ ក្រោយថតភាពយន្តនៅកម្ពុជា
-
ជីវិតកម្សាន្ដ៥ ថ្ងៃ មុនឃ្លិប ២០ ឆ្នាំមុន ទស្សនិកជនស្ទើរមិនជឿថា ជាតារាស្រី ៣ ដួងកំពុងល្បីល្បាញសព្វថ្ងៃនេះ
-
កីឡា១ សប្តាហ៍ មុនបីស្រ្ដីប្រហែល២ម៉ោងស្ពឹកដៃ តែ ព្រំ សំណាង តស៊ូដល់៨ម៉ោងបានរថយន្ត១គ្រឿង
-
ព័ត៌មានជាតិ៣ ថ្ងៃ មុនរោងចក្រផលិតស្បែកជើងដ៏ធំមួយ រើទីតាំងពីមីយ៉ាន់ម៉ា មកផលិតនៅកម្ពុជា
-
ជីវិតកម្សាន្ដ៣ ថ្ងៃ មុនYaya បង្អួតប៊ីគីនីឆ្លុះសាច់ពណ៌ខ្មៅ លើកោះ ម៉ាល់ឌីវ
