កីឡា

ស្វាយរៀងខាប់ U15 សប្តាហ៍នេះ ៤ក្រុមរកបាន៣ពិន្ទុពេញ ឯ២គូទៀតចែកគ្នា១ពិន្ទុម្នាក់

បានផុស

២ years មុន

នៅ

ថ្ងៃអាទិត្យ ១២ មីនា ២០២៣

ដោយ

ព្រឹត្តិការណ៍បាល់ទាត់ពានរង្វាន់ស្វាយរៀងខាប់យុវជនអាយុក្រោម១៥ឆ្នាំ (U15) ចុងសប្តាហ៍នេះបានឆ្លងកាត់ការប្រកួត៦គូទៀតហើយដោយ៤ក្រុមរកបាន៣ពិន្ទុពេញដូចគ្នា ខណៈ៤ក្រុមផ្សេងទៀតចែកគ្នាបាន១ពិន្ទុម្នាក់ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតក្នុងពូល (ខ) នៅថ្ងៃសៅរ៍ ទី១១ ខែមីនា ក្រុម ដារ៉ូពិទូ Sport ទទួលបាន៣ពិន្ទុ បន្ទាប់ពីបានយកឈ្នះក្រុម ភូមិហ៊ីង ដោយលទ្ធផល ៤-០។ នៅពូលជាមួយគ្នានេះ ក្រុម សសយកស្រុកស្វាយជ្រុំ និង MST ចែកគ្នា១ពិន្ទុម្នាក់ បន្ទាប់ពីស្មើគ្នា ១-១។

នៅថ្ងៃជាមួយគ្នានេះ ក៏មានការប្រកួតក្នុងពូល (គ) មួយគូគឺក្រុមយុវជនគគីរសោម និង United Sez2 ក៏ចែកគ្នាបាន១ពិន្ទុដែរ បន្ទាប់ពីបញ្ចប់ការប្រកួតដោយលទ្ធផលគ្រាប់បាល់ស្មើគ្នា ៣-៣។

នៅថ្ងៃអាទិត្យ ទី១២ ខែមីនា ក៏មានការប្រកួតពូល (គ) ដោយក្រុម សសយកស្រុកចន្ទ្រា រកបាន៣ពិន្ទុពេញពីការទទួលបានជ័យជម្នះលើក្រុម សសយកស្រុកស្វាយទាប ដោយលទ្ធផលតឹងតែង ១-០។

ចំណែកនៅពូល (ឃ) ក្រុម សសយកក្រុងស្វាយរៀង ក្រសោបបាន៣ពិន្ទុ តាមរយៈជ័យជម្នះលើក្រុម យុវជនជីភូ ២-១ ហើយក្រុមយុវជនសាមគ្គី ក៏ទទួលបាន៣ពិន្ទុពីការប្រកួតឈ្នះក្រុមយុវជនចុងព្រែកដោយលទ្ធផល ២-០។

លទ្ធផល ថ្ងៃទី១១ ខែមីនា ឆ្នាំ២០២៣

ដារ៉ូពិទូ Sport ៤-០ ភូមិហ៊ីង (ពូល ខ)
MST ១-១ សសយកស្រុកស្វាយជ្រុំ (ពូល ខ)
យុវជណគគីរសោម ៣-៣ United Sez2 (ពូល គ)

លទ្ធផល ថ្ងៃទី១២ ខែមីនា ឆ្នាំ២០២៣

សសយកស្រុកចន្រ្ទា ១-០ សសយកស្រុកស្វាយទាប (ពូល គ)
សសយកក្រុងស្វាយរៀង ២-១ យុវជនជីភូ (ពូល ឃ)
យុវជនសាមគ្គី ២ – ០ យុវជនចុងព្រែក ( ឃ)

ការប្រកួតបាល់ទាត់ពានរង្វាន់ស្វាយរៀងខាប់ យុវជនអាយុក្រោម១៥ឆ្នាំ (U15) បានចាប់ផ្តើមដំណើរការហើយនៅថ្ងៃទី៨ ខែមីនា ឆ្នាំ២០២៣នេះ នៅទីលានវិទ្យាល័យស្វាយរំពារ ស្រុកស្វាយទាប ខេត្តស្វាយរៀង ដោយពូល«ក»ចាប់ផ្តើមបើកឆាកប្រកួតមុនគេ។

ការប្រកួតពានរង្វាន់ស្វាយរៀងខាប់ យុវជនអាយុក្រោម១៥ឆ្នាំ ឆ្នាំ២០២៣នេះមានក្រុមចូលរួមប្រកួតចំនួន២១ក្រុម ដែលត្រូវបានបែងចែកជា៤ពូល។ ក្នុងនោះពូល «ក»មាន៦ក្រុម ខណៈ៣ពូលផ្សេងទៀតគឺ«ខ គ និង ឃ»មាន៥ក្រុមដូចខាងក្រោម។

ការប្រកួតជើងឯកយុវជនស្វាយរៀងខាប់អាយុក្រោម១៥ឆ្នាំធ្វើឡើងរៀងរាល់ថ្ងៃសៅរ៍ អាទិត្យ និងពេលឈប់សម្រាកនៃថ្ងៃបុណ្យជាតិ។ ក្នុង១ថ្ងៃធ្វើការប្រកួតចំនួន៣គូគឺ គូទី១ចាប់ផ្តើមវេលាម៉ោង៨ព្រឹក គូទី២ ម៉ោង២រសៀល និងគូទី៣ ម៉ោង៤រសៀល។ ការប្រកួតសន្សំពិន្ទុក្នុងពូលចាប់ពីថ្ងៃទី៨ ខែមីនា ដល់ថ្ងៃទី៣០ ខែមេសា និងវគ្គខ្វែងប្រកួតចាប់ពីថ្ងៃទី៦ ខែឧសភា ដល់ថ្ងៃទី២១ ខែឧសភា ឆ្នាំ២០២៣។

ការប្រកួតបាល់ទាត់ពានរង្វាន់ស្វាយរៀងខាប់ យុវជនអាយុក្រោម១៥ឆ្នាំ លើកទី១ ឆ្នាំ២០២៣ ត្រូវបានផ្តួចផ្តើមរៀបចំឡើងដោយ ឯកឧត្តម ឌី វិជ្ជា អនុប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជាខេត្តស្វាយរៀង៕