កីឡា

U-22 កម្ពុជា ជម្រុះកីឡាករ ៦ នាក់ សម្រាប់បោះជំរំហ្វឹកហាត់ដំណាក់កាលទី ២ ត្រៀមស៊ីហ្គេម ២០២៣

បានផុស

៣ years មុន

នៅ

ថ្ងៃសុក្រ ១៧ មីនា ២០២៣

ដោយ

សហព័ន្ធកីឡាបាល់ទាត់កម្ពុជា បានធ្វើការប្រកាសបញ្ជីឈ្មោះកីឡាករចំនួន ២៤ នាក់ សម្រាប់ក្រុមជម្រើសជាតិអាយុក្រោម ២២ ឆ្នាំ ក្រោយពីបានបញ្ចប់ការបោះជំរំហ្វឹកហាត់ដំណាក់កាលទី ១ ដើម្បីត្រៀមស៊ីហ្គេម ឆ្នាំ ២០២៣ នៅខែឧសភាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករទាំង ២៤ នាក់ ដែលបន្តមានឈ្មោះគឺស្ថិតក្នុងចំណោមកីឡាករ ៣០ នាក់ ដែលបានចេញទៅបោះជំរំហ្វឹកហាត់នៅកោះសាមុយ ប្រទេសថៃ ពីថ្ងៃទី ២៧ ខែកុម្ភៈ ដល់ថ្ងៃទី ១៥ ខែមីនា ឆ្នាំ ២០២៣ ជាលទ្ធផលកីឡាករ ៦ នាក់ ត្រូវបានជម្រុះចេញពីក្រុម។

ត្រូវបានដឹងថា កីឡាករដែលជម្រុះចេញរួមមាន ខ្សែការពារ វ៊ាំង ដាវីន, អ៊ីម វ៉ាឃីម, រី លាភផេង ខ្សែបម្រើ ទេព ហ្វីលីប និងខ្សែប្រយុទ្ធ អ៊ាន ពិសី ជាមួយ សារ ទី។

ចំពោះកីឡាករទាំង ២៤ នាក់ នឹងបោះជំរំហ្វឹកហាត់ដំណាក់កាលទី ២ ដែលបន្តធ្វើឡើងពីថ្ងៃទី ២០ ខែមីនា ខណៈក្រុមម្ចាស់ផ្ទះស៊ីហ្គេម ២០២៣ ក៏ត្រូវចូលរួមការប្រកួតពានរង្វាន់មួយនៅប្រទេសសិង្ហបុរី ដែលមានឈ្មោះ Merlion Cup ដែលមាន ៤ ក្រុម ចូលរួម U-22 ម្ចាស់ផ្ទះសិង្ហបុរី, U-22 ហុងកុង, U-22 ម៉ាឡេស៊ី ប្រព្រឹត្តិទៅចាប់ពីថ្ងៃទី ២៤ ដល់ថ្ងៃទី ២៦ ខែមីនា ឆ្នាំ ២០២៣។

ក្នុងពានរង្វាន់ដដែលខាងលើ U-22 កម្ពុជា នឹងជួបប្រកួតជាមួយ U-22 ម៉ាឡេស៊ី នៅថ្ងៃទី ២៤ ខែមីនា ឆ្នាំ ២០២៣ នៅកីឡដ្ឋាន Jalan Besar ខណៈម្ចាស់ផ្ទះ U-22 សិង្ហបុរី ជួប U-22 ហុងកុង។

លទ្ធផល ឈ្នះ ឬចាញ់ U-22 កម្ពុជា មានការប្រកួតមួយទៀតនៅថ្ងៃទី ២៦ ខែមីនា គឺជាថ្ងៃប្រកួតចុងក្រោយសម្រាប់ក្រុមឈ្នះ ប៉ះក្រុមឈ្នះ ដណ្ដើមជើងឯក និងក្រុមចាញ់ ប៉ះក្រុមចាញ់ ដណ្ដើមចំណាត់ថ្នាក់លេខ ៣។

ព្រឹត្តិការណ៍កីឡាអាស៊ីអាគ្នេយ៍ លើកទី ៣២ ដែលកម្ពុជាធ្វើជាម្ចាស់ផ្ទះ នឹងចាប់ផ្ដើមពីថ្ងៃទី ០៥ ដល់ថ្ងៃទី ១៧ ខែឧសភា ឆ្នាំ ២០២៣ សម្រាប់ប្រភេទកីឡាបាល់ទាត់ នឹងប្រកួតពីថ្ងៃទី ២៩ ខែមេសា ឆ្នាំ ២០២៣ តទៅ៕

អត្ថបទ ៖ មន្នីរ័ត្ន

Related Topics:កីឡាស៊ីហ្គេម

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា