កីឡា

Messi មានរូបសំណាកដាក់តាំងទន្ទឹមគ្នាPele និង Maradona នៅទីស្នាក់ការសហព័ន្ធបាល់ទាត់ទ្វីបអាមេរិកខាងត្បូង

បានផុស

១ ខែ មុន

នៅ

ថ្ងៃសុក្រ ៣១ មីនា ២០២៣

ដោយ

Lionel Messi បានដើរចេញពីស្រមោលរបស់វីរៈបុរសរបស់ខ្លួន លោក Diego Maradona ដោយដឹកនាំអាហ្សង់ទីន ឈ្នះពាន World Cup កាលពីឆ្នាំមុន ហើយរូបសំណាករបស់ខ្សែប្រយុទ្ធដ៏តូចម្នាក់នឹងឈរក្បែរអ្នកស្នងតំណែងមុនរបស់ខ្លួន និងកីឡាករប្រេស៊ីល Pelé ដ៏អស្ចារ្យនៅសារមន្ទីរសហព័ន្ធបាល់ទាត់អាមេរិកខាងត្បូង (CONMEBOL)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបសំណាក់របស់ Messi កាន់ពានចម្លង World Cup បានឈរក្បែររូបសំណាកដែលមានមើលទៅដូចមានអាយុជីវិត ក្នុងពិធីដាក់បង្ហាញនៅទីស្នាក់ការកណ្តាលរបស់សហព័ន្ធបាល់ទាត់អាមេរិកខាងត្បូង (CONMEBOL) ក្នុងទីក្រុង Luque ប្រទេសប៉ារ៉ាហ្គាយ មុនពេលការចាប់ឆ្នោត Copa Libertadores នៅថ្ងៃចន្ទមកដល់។

កីឡាករវ័យ ៣៥ឆ្នាំរូបនេះបានធ្វើត្រាប់តាមអតីតវីរបុរស Maradona ដោយបានដឹកនាំអាហ្សង់ទីន ឱ្យឈ្នះពានWorld Cup ជាលើកដំបូងរបស់ពួកគេក្នុងរយៈពេល ៣៦ឆ្នាំនៅប្រទេសកាតា ក្នុងខែធ្នូ។

Messi បាននិយាយថា៖ “ខ្ញុំមិនដែលសុបិន ឬគិតអំពីរឿងនេះទេ។” “ក្តីសុបិនរបស់ខ្ញុំគឺរីករាយនឹងអ្វីដែលខ្ញុំចូលចិត្តកាលពីខ្ញុំនៅតូច ក្លាយជាកីឡាករបាល់ទាត់អាជីព ធ្វើអ្វីដែលខ្ញុំតែងតែចូលចិត្តក្នុងជីវិតនេះ។ ខ្ញុំមានផ្លូវវែងឆ្ងាយ ការសម្រេចចិត្ត និងការបរាជ័យជាច្រើន ប៉ុន្តែខ្ញុំតែងតែសម្លឹងឆ្ពោះទៅមុខ ហើយចង់ឆ្ពោះទៅរកជ័យជំនះ ដើម្បីជ័យជំនះ។ ខ្ញុំគិតថា នោះជារឿងសំខាន់បំផុត តស៊ូដើម្បីក្តីសុបិនរបស់អ្នក ថាអ្វីគ្រប់យ៉ាងអាចធ្វើទៅបាន និងរីករាយជាមួយការប្រកួត ដែលជារឿងដ៏ស្រស់ស្អាតបំផុតនៅទីនោះ”។

កីឡាករអាហ្សង់ទីន និងគ្រូបង្វឹក Lionel Scaloni ក៏ទទួលបានពានរង្វាន់តូចៗនៃ World Cup និង Copa América ដែលពួកគេបានឈ្នះនៅឆ្នាំ២០២១ ផងដែរ។

សហព័ន្ធកីឡាបាល់ទាត់អាហ្សង់ទីន បានប្តូរឈ្មោះកន្លែងហ្វឹកហាត់របស់ក្រុមជម្រើសជាតិ ដោយមានឈ្មោះរបស់ Messi នៅពីក្រោយកាលពីថ្ងៃសៅរ៍ ពីរថ្ងៃបន្ទាប់ពីគេបានស៊ុតបញ្ចូលទីគ្រាប់ទី៨០០ ក្នុងការប្រកួតមិត្តភាព ២-០លើប៉ាណាម៉ា៕

ប្រភព៖ espn.com

អត្ថបទ៖ មន្នីរ័ត្ន