កីឡា
អាត អូនតូច ត្រូវប្រើព្យាបាលប្រហែល១ឆ្នាំទៀតទើបអាចវិលចូលទីលានបាន
កីឡាករ អាត អូនតូច ត្រូវការសម្រាកព្យាបាលរយៈពេលប្រហែល១ឆ្នាំ ឬយូរជាងនេះទើបអាចវិលត្រឡប់ចូលកាន់ទីលានបាល់ទាត់វិញ បន្ទាប់ពីបានរបួសក្នុងការប្រកួតរបស់ក្រុមព្រៃវែងទល់នឹងក្រុមគិរីវង់សុខសែនជ័យ ក្នុងពានរង្វាន់ខេមបូឌានលីគខាប់ កាលពីថ្ងៃទី១៩ ខែកុម្ភៈ ឆ្នាំ២០២៣។
កីឡាករដែលទទួលបានការចាប់អារម្មណ៍ខ្លាំងកាលលេងឲ្យជម្រើសជាតិកម្ពុជាអាយុក្រោម១៥ឆ្នាំកាលពីប៉ុន្មានឆ្នាំមុនបានប៉ះទង្គិចជាមួយកីឡាករ ម៉ន់ វ៉ាន់ដា របស់គិរីវង់សុខសែន ដែលបណ្តាលឲ្យរូបគេរបួសដាច់សរសៃជង្គង់២គឺសរសៃ ACL និង LCL តម្រូវការវះកាត់។ ការវះកាត់បានជោគជ័យកាលពីពាក់កណ្តាលខែកុម្ភៈ ឆ្នាំ២០២៣។
លោក វេន សុធារ៉ា ឪពុករបស់ អាត អូនតូច បានប្រាប់សារព័ត៌មានកម្ពុជាថ្មីថា ៖«ឥឡូវនេះ គាត់ (អូនតូច) ដើរបានតិចៗ មិនទាន់ដើរដើរស្រួល ឬរឹងមាំនៅឡើយទេ ប៉ុន្តែលែងកាន់ឈើច្រត់។ យ៉ាងហោចណាស់ត្រូវចំណាយពេលព្យាបាលប្រហែលជា១ឆ្នាំ ឬយូរជាងនេះទើបអាចចូលទីលានវិញបាន ព្រោះអាស្រ័យលើស្ថានភាពជាសះស្បើយ»។
អាត អូនតូច បានចាប់ផ្តើមហ្វឹកហាត់កីឡាបាល់ទាត់ត្រឹមត្រូវនៅឆ្នាំ២០១៤គ្រាដែលរូបគេទើបអាយុ១១ឆ្នាំ។ ក្រោយមករូបគេត្រូវបានកោះហៅចូលសាលាបាល់ទាត់ជាតិបាទី និងបានជាប់ក្នុងឈុតយុវជនជម្រើសជាតិកម្ពុជាអាយុក្រោម១៣ឆ្នាំ។ នៅឆ្នាំ២០១៥ រូបគេបានលេងពានរង្វាន់អន្តរជាតិគឺ AFF U16 ដែលមានប្រទេសអាស៊ាន និងអូស្ត្រាលីចូលរួមប្រកួត។ ពេលនោះរូបគេទទួលបានការចាប់អារម្មណ៍យ៉ាងខ្លាំងនៅពេលបង្ហាញខ្លួននៅលើទីលានទល់នឹងក្រុមអូស្ត្រាលីមើលទៅកម្ពស់ខុសគ្នាដាច់ដូចក្មេងតូច និងមនុស្សធំ។
ឆ្នាំ២០១៨ អាត អូនតូច បានចេញពីសាលាបាល់ជាតិបាទីដើម្បីចូលរួមជាមួយយុវជនអាយុក្រោម១៨ឆ្នាំរបស់វិសាខា និងក្រោយបានចូលរួមជាមួយក្រុមខេត្តព្រៃវែងរហូតដល់បច្ចុប្បន្ន៕
អត្ថបទ៖ វីរបុត្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង