កីឡា

ថៃមិនទទួលបានមេដាយមាសសោះសម្រាប់កីឡាឃីកបុកស៊ីងពីស៊ីហ្គេមនៅកម្ពុជា

បានផុស

២ years មុន

នៅ

ថ្ងៃពុធ ១៧ ឧសភា ២០២៣

ដោយ

ថៃត្រូវបានចាត់ទុកជាប្រទេសខ្លាំងមួយលើប្រភេទកីឡាឃីកបុកស៊ីនៅក្នុងតំបន់អាស៊ីអាគ្នេយ៍ ប៉ុន្តែបែរជាមិនបានឈ្នះមេដាយមាសណាមួយសោះក្នុងកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាម្ចាស់ផ្ទះ កម្ពុជាបានដាក់កីឡាឃីកបុកស៊ីងចំនួន១៧វិញ្ញាសា (១៧មេដាយមាស ១៧មេដាយប្រាក់ និង៣៤មេដាយសំរឹទ្ធ) ដែលមានប្រទេសចំនួន៧បានចូលរួមប្រកួតចាប់ប្រកួតពីថ្ងៃទី១៣ ដល់ទី១៦ ខែឧសភា ឆ្នាំ២០២៣ នៅសង្វៀនអគារដំរី ក្នុងពហុកីឡដ្ឋានជាតិមរតកតេជោ។

ជាលទ្ធផល កម្ពុជាទទួលបានមេដាយមាស៦គ្រឿង ប្រាក់១ និងសំរឹទ្ធ៦ ឈរចំណាត់ថ្នាក់លេខ១។ វៀតណាមបានមេដាយមាស៤ ហ្វីលីពីនបានមេដាយមាស៣ ឥណ្ឌូណេស៊ីបានមេដាយមាស៣ និងម៉ាឡេស៊ីបានមេដាយមាស១ ខណៈថៃ និងឡាវមិនបានមេដាយមាសទេ។ កាលស៊ីហ្គេម លើកទី៣១ ឆ្នាំ២០២២ ថៃបានឈ្នះមេដាយមាស២គ្រឿង ប៉ុន្តែស៊ីហ្គេមនៅកម្ពុជាពិតជាមិននឹកស្មានដល់ថា ថៃមិនទទួលបានមេដាយមាសណាមួយសោះ។

អ្វីដែលគួរឲ្យកត់សំគាល់ទៀតនោះ រាល់កីឡាករថៃដែលជួបកីឡាករកម្ពុជាទាំងវគ្គជម្រុះ និងវគ្គផ្តាច់ព្រ័ត្រសុទ្ធតែចាញ់ទាំងអស់។ ក្នុងចំណោមកីឡាករកម្ពុជា៧រូបបានឡើងដល់វគ្គផ្តាច់ព្រ័ត្រ មានតែកីឡាករ ស៊ន រ៉ាគីម ម្នាក់គត់ចាញ់នៅវគ្គផ្តាច់ព្រ័ត្រដោយទទួលបានមេដាយប្រាក់ រីឯ៦នាក់ទៀតឈ្នះទាំងអស់ទទួលបានមេដាយមាស។

ចំណាត់ថ្នាក់មេដាយឃីកបុកស៊ីង