យុវជនឆ្នើម ៣រូប លេចធ្លោខ្លាំង ក្នុងពានរង្វាន់ Euro U-21

ព្រឹត្តិការណ៍ពានរង្វាន់យុវជនទ្វីបអឺរ៉ុប លើកទី២៤ ឆ្នាំ២០២៣ (UEFA Euro U-21) បានបញ្ចប់ដោយក្រុមជម្រើសជាតិ U21 អង់គ្លេស ក្លាយជាម្ចាស់ជើងឯក។ ខាងក្រោមនេះជាកីឡាករឆ្នើមៗ៣រូបដែលេចធ្លោខ្លាំងជាងគេក្នុងព្រឹត្តិការណ៍នេះ ៖

១. កីឡាករ Anthony Gordon

Anthony Gordon ជាប់ឈ្មោះជាកីឡាករល្អបំផុតក្នុងព្រឹត្តិការណ៍ពានរង្វាន់ទ្វីបអឺរ៉ុបយុវជនអាយុក្រោម ២១ ឆ្នាំ។ Gordon ជាខ្សែ​បម្រើ​ស្លាប​របស់​ក្លិប Newcastle United តែត្រូវ​បាន​​គ្រូ​បង្វឹក​ក្រុម​ជម្រើស​ជាតិ​អង់គ្លេស Lee Carsley ដាក់​ឲ្យលេងក្នុងតំណាង​ជា​ខ្សែ​ប្រយុទ្ធ​កណ្តាល​។ កីឡាករវ័យក្មេងរូបនេះ បង្ហាញខ្លួនសរុបបាន ៤០៧ នាទី ស៊ុតបញ្ចូលទី ១ គ្រាប់ និងបញ្ជូនបាល់ឲ្យមិតរួមក្រុមបាន ២​ លើក។

២. កីឡាករ Sergio Gómez 

ខ្សែបម្រើ Sergio Gómez ជាម្ចាស់ស្បែកជើងមាសក្នុងពានរង្វាន់យុវជនទ្វីបអឺរ៉ុប។ ក្នុងព្រឹត្តិការណ៍នេះ មានកីឡាករ ៣ រូប ដែលស៊ុតបញ្ចូលទីបាន ៣គ្រាប់ដូចគ្នា គឺ កីឡាករ Sergio Gómez, Abel Ruiz និង Georgiy Sudakov។

៣. កីឡាករ James Trafford

អ្នកចាំទីកីឡាករ James Trafford ជាវីរបុរសសង្រ្គោះបាល់ពិន័យ​ ១១ ម៉ែត្រនៅនាទី ៩៦ ជួយឲ្យអង់គ្លេសឈ្នះពានរង្វាន់យុវជនទ្វីបអឺរ៉ុប។ James ក៏បានបង្កើតកំណត់ត្រាថ្មីមួយដោយរក្សាសំណាញ់ទី (Clean Sheet) មិនឲ្យគូប្រកួតស៊ុតចូលទីចំនួន ៦ ប្រកួតជាប់គ្នា៕

អត្ថបទ៖ ផា រតនា