កីឡា

អបអរសាទរ! កំពង់ចាមបង្កើតកំណត់ត្រាឈ្នះជើងឯកសម្តេចតេជោថ្នាក់ខេត្តលើកទី១៧

បានផុស

៣ years មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

ក្រុមខេត្តកំពង់ចាមបានបង្កើតកំណត់ត្រាផ្ទាល់ខ្លួនជាលើកដំបូងក្នុងការឈ្នះជើងឯកពានរង្វាន់សម្តេចតេជោ ហ៊ុន សែន លើកទី១៧ ថ្នាក់ខេត្ត បន្ទាប់ពីបានយកឈ្នះលើក្រុមខេត្តត្បូងឃ្មុំដោយលទ្ធផល ២-០ នៅវគ្គផ្តាច់ព្រ័ត្រ យប់ថ្ងៃទី២៤ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២គ្រាប់របស់ក្រុមខេត្តកំពង់ចាមរកបានដោយកីឡាករ សុខ ម៉ានសូត្រ នៅនាទី១៣ និងកីឡាករ ភី ណូរី នៅនាទី២៨ ក្នុងវគ្គទី១ ខណៈក្រុមខេត្តត្បូងឃ្មុំបានព្យាយាមសម្រុកយ៉ាងខ្លាំង ប៉ុន្តែមិនអាចទម្លាយសំណាញ់របស់កំពង់ចាមបានឡើយ បើទោះជាទទួលបាល់ពិន័យ១១ម៉ែត្រក៏សុទ្ធមិនបានសម្រេចថែមទៀត។

ជាមួយគ្នានេះ ក្រុមខេត្តបន្ទាយមានជ័យទទួលបានចំណាត់ថ្នាក់លេខ៣ បន្ទាប់ពីបានយកឈ្នះលើក្រុមចំណាត់ថ្នាក់លេខ៤ កំពង់ធំ ដោយលទ្ធផល ៣។

នេះជាលើកដំបូងដែលក្រុមខេត្តកំពង់ចាមបានឡើងមកដល់វគ្គផ្តាច់ព្រ័ត្រ និងបានឈ្នះជើងឯកតែម្តង ខណៈក្រុមខេត្តត្បូងឃ្មុំបានក្លាយជាជើងឯករងជាលើកទី៣ក្នុងចំណោមឡើងវគ្គផ្តាច់ព្រ័ត្រ៤លើក ក្នុងនោះឈ្នះជើងឯកម្តងកាលពីឆ្នាំ២០១៩។

ក្រុមដែលបានឡើងដល់វគ្គពាក់កណ្តាលផ្តាច់ព្រ័ត្រគឺ ខេត្តត្បូងឃ្មុំ កំពង់ចាម បន្ទាយមានជ័យ និងកំពង់ធំ ត្រូវមានកាតព្វកិច្ចថ្នាក់ជាតិបន្តទៀត៕

ខាងក្រោមជាជយលាភី

ជើងឯក៖ ខេត្តកំពង់ចាម ទទួលបានប្រាក់រង្វាន់២០លានរៀល
ជើងឯករង៖ ខេត្តត្បូងឃ្មុំ ទទួលបានប្រាក់រង្វាន់១០លានរៀល
លេខ៣៖ ក្រុមខេត្តបន្ទាយមានជ័យ ទទួលបានប្រាក់រង្វាន់៨លានរៀល
កីឡាកររកបានគ្រាប់ច្រើន៖ ភិន ចាន់វិសុទ្ធ របស់ភ្នំពេញហ្គាឡាក់ស៊ី ទទួលបានប្រាក់រង្វាន់២លានរៀល
អ្នកចាំទីល្អ៖ ទី មុន្នីរក្ស របស់ខេត្តកំពង់ចាម ទទួលបានប្រាក់រង្វាន់២លានរៀល
គ្រូបង្វឹកល្អ៖ លោក នួន បូរី របស់ខេត្តកំពង់ចាម ទទួលបានប្រាក់រង្វាន់២លានរៀល
ក្រុមអាជ្ញាកណ្តាល៨រូប ទទួលបាន៨លានរៀល (ម្នាក់ៗទទួលបាន១លានរៀល)

អត្ថបទ៖ វីរបុត្រ

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា