កីឡា

អ្នកគាំទ្រអ៊ីតាលីម្នាក់ជាប់បំរាមួយជីវិតពីបទរើសអើងកីឡាករបារាំង

បានផុស

១ year មុន

នៅ

ថ្ងៃពុធ ២៤ មករា ២០២៤

ដោយ

ក្លិបបាល់ទាត់ Udinese របស់លីគកំពូលអ៉ីតាលី Serie A បានដាក់បម្រាមពេញមួយជីវិតលើអ្នកគាំទ្រម្នាក់ដែលបានបញ្ចេញមតិរើសអើងជាតិសាសន៍លើអ្នកចាំទីសញ្ជាតិបារាំង Mike Maignan របស់ក្លិប AC Milan។

ក្លិបនៅក្របខណ្ឌ Serie A មួយនេះបានប្រកាន់ជំហរយ៉ាងម៉ឺងម៉ាត់ប្រឆាំងនឹងអ្នកគាំទ្រម្នាក់ដែលបានបញ្ចេញមតិរើសអើងជាតិសាសន៍ទៅលើអ្នកចាំទីសញ្ជាតិបារាំងរបស់ក្លិប AC Milan អំឡុងពេលទទួលបានជ័យជម្នះ ៣-២ កាលពីថ្ងៃសៅរ៍មុន។ អ្នកគាំទ្រត្រូវបានបង្ហាញថា បានជេរប្រមាថយ៉ាងធ្ងន់ធ្ងរលើអ្នកចាំទី ហើយការប្រកួតត្រូវបោះបង់ចោលដោយសារការនិយាយប្រមាថម្តងហើយម្តងទៀតនៅពីក្រោយបង្គោលទីរបស់កីឡាករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍របស់ក្លិបកាលពីថ្ងៃចន្ទបានលើកឡើងថា ៖«យើងជឿថា វិធានការខ្លាំងបែបនេះគឺចាំបាច់ដើម្បីផ្ញើសារយ៉ាងច្បាស់ពីការរើសអើងជាតិសាសន៍មិនមាននៅក្នុងបាល់ទាត់ ឬនៅក្នុងសង្គម…។ យើងនឹងបន្តធ្វើការដោយមិននឿយហត់ដើម្បីកំណត់អត្តសញ្ញាណ និងដាក់ទណ្ឌកម្មបុគ្គលផ្សេងទៀតដែលពាក់ព័ន្ធនឹងឧប្បត្តិហេតុនេះ»។

សកម្មភាពវីដេអូនៃឧប្បត្តិហេតុនៅលើទីលានប្រកួតបានឈានដល់ការកំណត់អត្តសញ្ញាណអ្នកគាំទ្រត្រូវបានប្រកាសដោយប្រព័ន្ធផ្សព្វផ្សាយអ៉ីតាលីកាលពីថ្ងៃចន្ទ។ អ្នកគាំទ្រនោះជាបុរសវ័យ៤៦ឆ្នាំមកពីតំបន់ Udine ដែលជាទីក្រុងនៅភាគពាយព្យនៃប្រទេសអ៉ីតាលី។

វីដេអូនេះបានផ្សព្វផ្សាយយ៉ាងរហ័សនៅលើបណ្តាញសង្គម ដែលធ្វើឱ្យការកំណត់អត្តសញ្ញាណបានយ៉ាងងាយស្រួល។ នៅក្នុងវីដេអូនោះ គេអាចឮសំឡេងបុរសម្នាក់ចេញពីកាមេរ៉ា ស្រែកជេរប្រមាថជាតិសាសន៍លើ Maignan បន្ទាប់ពី Lazar Samardzic តាមស្មើនៅតង់ទី១ ឱ្យ Udinese។

អ្នកចាំទី Maignan បានជំទាស់នឹងអាជ្ញាធរកីឡាបាល់ទាត់អ៉ីតាលីកាលពីថ្ងៃអាទិត្យដោយបាននិយាយថា “ប្រសិនបើអ្នកមិនធ្វើអ្វីសោះ អ្នកក៏មានភាពស្មុគស្មាញផងដែរ”។ អ្នកគាំទ្ររូបនេះមិនអាចចូលទស្សនាការប្រកួតរបស់ក្លិប Udinese ពេញមួយជីវិត៕

ប្រែសម្រួល៖ មន្នីរ័ត្ន
ប្រភព៖ AFP

Related Topics:កីឡាបាល់ទាត់អន្តរជាតិ